2014年环濑户内海自驾游(Day 2) – 呜门涡之道

六日嘅自驾行程今日开始啦！今日主要系去睇下四国呜门大桥下面嘅漩涡，呢个景点已经想去好耐，今次终于去到。另外，原订计划仲打算去埋淡路岛上嘅あわじ花さじき公园睇花，不过可惜呢日落雨，而且仲系日本黄金周假期最后一日，搅到系阪神高速上塞左好耐车，最后唯有取消呢个景点。

今次都系通过Toyota Rent a Car网站租车，租左架Toyota Ractis，用Hertz Gold Plus Rewards有15%折扣，六日租车费34,425yen。

同前两次一样今次攞车嘅分店都系Toyota Rent a Car嘅大阪难波分店(大阪 なんばターミナル店)，由Cross Hotel行过去大约10几分钟，下面系步行路线。

先沿住御堂筋向难波方向行

去到难波本通就行过马路

行入呢条巷

穿过天桥后再穿过前面条小路行出去大街就会见到

呢间就系丰田租车店难波分店啦

今年开始Toyota Rent a Car几间大阪分店开始提供免费租用ETC卡嘅服务，包括难波分店，系网上预约租车之后已经用fax预约埋要借ETC卡，所以今次用左ETC卡，计落悭左成万yen路费。(注：租ETC卡嘅方法可以睇返呢篇《日本租车公司借用ETC卡服务：可以借用ETC卡的租车店 + 如何透过传真预约借用ETC卡》)

ETC卡同车上嘅ETC卡读卡器

难波分店算系一间比较大型嘅分店，车辆数目都唔少。

我地租嘅就系呢部Toyota Ractis，可惜唔系有天窗果款。

今次呢部车嘅GPS原来系多语言版，除左日文仲可以选择中文、英文甚至韩文。

一向都系用开日文GPS，今次就试下用中文版。中文版最大嘅好处系有国语发音嘅语音导航，转弯同埋离开高速公路前嘅语音提示好有用。而操作接口同地图上嘅地名亦基本转左做中文简体字，都方便左，但其实同日文分别不大。不过有一个小小缺点，就系高速公路上嘅地方名转左做英文名，系高速公路上嘅时候唔系咁清楚去到边度。

呢架车嘅泊车后镜头会显示按照当前操作泊车嘅位置，几好用架。

攞左车先去返酒店附近揾位泊好，跟住先到一兰食碗拉面再出发上路。

今日天气唔系咁好，时雨时晴，再加上系黄金周假期last day，高速公路上排晒长龙，从大阪去神户本黎半个钟车程行左差唔多两粒钟，打乱原来plan好嘅计划，唯有取消去あわじ花さじき公园睇花嘅行程，直接去呜门。

呢条系连接神户同淡路岛嘅明石海峡大桥，每边都可以三线行车，好阔。

塞左咁耐车揾个休息站食午餐医左肚先

饭后甜品

食左饭有返力气，继续向呜门进发。呢条就系连接淡路岛同四国之间嘅呜门大桥，桥面冇明石海峡大桥咁宽阔，不过桥下面嘅漩涡系著名景点。

从呜门北IC离开高速公路

再行一段路兜返去大桥下面嘅涡之道入口

鸣门涡之道附近有几个停车场，最近景点嘅系位于山丘最上面嘅第一驻车场。([GPS设定参考] 1. 电话号码：088-687-0222，2. Map Code：406 212 812)

不过第一驻车场已经full左，唯有泊返落下少少嘅第二驻车场。

泊车费一次400yen

由第2驻车场去涡之道入口要由呢条楼梯行上去

上左山丘上面再沿呢度行落去穿过隧道就会见到入口架啦

呢度就系呜门涡之道入口

鸣门大桥下面嘅鸣门海峡由于水流同海床高低落差比较大，所以系每日潮涨潮退嘅时候会出现漩涡，要睇漩涡可以坐观潮船出海近距离观赏，亦可以到设系鸣门大桥底部嘅鸣门桥游歩道“涡の道”从高处向下观看漩涡。
观看漩涡嘅最佳时间系每日上午满潮同下午干潮呢两后时间，不过每日满潮同干潮嘅时间都不同，计划行程果阵一定要到官方网站查下先啊。

今日满潮嘅时间系上午10点几，已经过左啦，不过好彩仲赶得到干潮时间。

涡の道入口

系呢度买张入场券先

从入口去到可以睇到漩涡嘅地方仲要行一大段路先到架

呢度就系观赏桥下漩涡嘅地方啦

如果唔畏高，可以系玻璃上面慢慢欣赏下面嘅漩涡。

如果想近距离感受下漩涡嘅威力，可以坐观潮船，有两间船公司可以选择，分别系うずしお汽船同鸣门観光汽船。

如果想影到呜门大桥全景，可以行上去呢个公园仔。

如果想居高临下睇晒成个景，就要上去呢个系第一驻车场对面嘅收费展望台。

游览完食埋件番薯出发去高松

从鸣门去高松市中心只系80公里，大约1个钟多D就到，中途系休息站抖一抖。

今晚住系高松市嘅高松大和酒店，酒店座落系丸龟町，好方便，不过我地黎到已经入夜，而且只系住一晚，所以都冇乜系附近点行过。想睇酒店介绍嘅朋友，可以参考返呢篇住@高松大和酒店(Daiwa Roynet Hotel Takamatsu)。

虽然呢度系高松最主要嘅步行街，不过并唔系好似大阪心斋桥，呢度好多舖头未到七点已经关晒门，Check-in完出到街已经冇咩地方行啦。

今晚晚餐系酒店楼下嘅丸龟町GREEN商场间大户屋食

饭后余兴节目，就系到商场地下间超市入货啦。

– Day 2 完 –

返回游记主目录 >> 2014年环濑户内海自驾游 – 序章

↓ 在Google地图上查看今日行车路线和景点 ↓

往年日本关西游记：

• 2013年日本关西、北陆赏樱自驾游
• 2012年京阪之旅
• 2008年秋季京阪神红叶＋白浜温泉之旅
• 2007年大阪、京都五天自由行