2014年环濑户内海自驾游(Day 3)上篇 – 高松栗林公园

今日会去两个主要景点，一个系高松市内嘅名胜栗林公园，另一个系座落系香川县琴平嘅四国著名景点金刀比罗宫，之后就会到四国名汤道后温泉住返晚浸温泉。

香川县最出名嘅系乌冬，所以当然要食下啦，今朝早餐就照旅游书教路，去左揾呢间叫松下制面所嘅平民街坊乌冬店。间舖系离栗林公园冇几远嘅小区，位置可以参考呢度。

如果开车过黎可以泊佢嘅专用驻车场

间舖头地方好细，大约只系可以坐到10个人，应该系做街坊生意，不过有好多同我地一样攞住旅游书揾到黎嘅日本人，睇黎呢间野系日本国内都很出名下。

呢间野采用半自助形式，要自己落手煮乌冬，几得意。首先同店员讲要几多碗乌冬，跟住自己将乌冬倒入个兜放入热汤度整熟佢，不过其实D乌冬已经熟左大半，只需要系咁意整热佢已经可以。之后可以按自己喜好加温泉蛋、天妇罗同其他配料，温泉蛋同天妇罗系逐件计钱架。

自己落手落脚整嘅感觉特别美味，记得一定要食佢嘅温泉蛋，好好味架。

食完要自己将碗、筷子同垃圾分开放入胶箱，同埋离开前记得俾钱啊。

食饱饱开始今日嘅行程啦，系高松市我地只会去栗林公园一个景点。如果系自驾，可以泊系东门驻车场(电话号码：087-833-7411)。

栗林公园正门

入场前先买张门券

栗林公园面积好大，官方将公园划分出南、北两条游园路线，分别需时60分钟同40分钟，南面条路线景色比较靓，我地只系行左南线。

东门停车场旁边有一间叫栗林庵嘅手信店

系度买左两件栗子做嘅糕点，不过味道麻麻。

– Day 3 未完，待续 –

返回游记主目录 >> 2014年环濑户内海自驾游 – 序章

↓ 在Google地图上查看今日行车路线和景点 ↓

往年日本关西游记：

• 2013年日本关西、北陆赏樱自驾游
• 2012年京阪之旅
• 2008年秋季京阪神红叶＋白浜温泉之旅
• 2007年大阪、京都五天自由行