因为我哋怕冻嘅关系，喺咁天寒地冻嘅环境其实都唔多愿意周围走，所以今日只系计划去一个景点，就系北海道神宫。其实北海道神宫唔算系札幌嘅热门景点，不过因为未见过白雪衬托下嘅日本神社，所以专登去睇睇。

札幌嘅Cross Hotel系大阪以外日本第二间分店，因为住过大阪Cross Hotel印象好好，所以今次系札幌最后两晚选择入住Cross Hotel。札幌Cross Hotel同之前系小樽住嘅天然温泉 灯の汤 ドーミーインＰＲＥＭＩＵＭ一样有一个室内嘅假温泉，位于酒店顶楼。