2011年秋日本北九州自駕遊 – Day 2：門司港、別府

自駕行程由Day 2開始，呢日會先前往九州同本州之間距離最短嘅關門海峽旁邊嘅門司港，然後再前往別府溫泉，入住今次旅程嘅第一間溫泉旅館別府明礬温泉 岡本屋旅館。

今次架車係通過樂天旅行向Orix Car Rental租嘅日產March，5日租車費用22,300円，冇買免責補償。租車公司就係我地入住嘅Hotel Sunroute Hakata對面，所以朝早過去取車好方便。

離開福岡就開始上高速公路向北行，中途係一個叫古賀嘅休息站先抖抖。

休息完繼續向門司港進發，從福岡到門司港，如果唔計中途休息時間，大約需時1個鐘頭3個字左右。

門司港地方唔算好大，主要景點都集中係JR門司港駅周圍。不過附近可以泊車嘅停車場唔多，最方便嘅係位於九州鐵道記念館旁邊嘅驛市場旁邊嘅收費停車場。

泊好車先行過隔離呢間九州鐵道記念館睇下，裡面展出幾部舊式火車頭，不過興趣不大，而且要買飛先入得去，所以只係門外影下相就走。

從九州鐵道記念館向海邊方向行，就會見到多座歷史建築，如果有興趣可以入去裡面參觀架。

九州鐵道記念館旁邊就係JR門司港駅，係門司港重要嘅歷史建築同旅遊景點。

門司港駅出面有幾個人力車夫，有興趣可以坐住遊覽門司港一轉。

門司港駅裡面

門司港駅旁邊嘅海邊就係關門海峽，對岸就係本州下關，連接兩地嘅就係呢條關門大橋。

咖哩飯係門司港名物之一，而呢間位於門司港駅旁邊條馬路對面嘅小店嘅咖哩飯聽講好出名，所以午餐選擇入去試試。

離開門司港之後我地驅車向下一個目的地別府進發

從北九州使用大分自動車道前往別府，係就黎到達別府之前，會有一個別府灣休息站，呢度可以遠眺別府同別府灣美景，值得係度停一停抖一抖。

因為行車時間比預計長，到達別府嘅時候已經四點幾，所以我地只係別府街頭逛逛。

別府駅後面有個停車場，我地就係呢度泊好架車先。

別府駅前嘅手湯

別府駅前嘅駅前通係別府主要街道

我地係別府駅附近只係逗留左一段短時間，之後就開車去呢晚入住嘅溫泉旅館：別府明礬温泉 岡本屋旅館。以下係呢間旅館部份照片，詳細介紹可以睇返呢篇住@別府明礬温泉 岡本屋旅館。

– Day 2 完 –

相關文章：

• 2011年秋日本北九州自駕遊 – Day 1：福岡
• 2011年秋日本北九州自駕遊 – Day 2：門司港、別府
• 2011年秋日本北九州自駕遊 – Day 3 (Part 1)：別府地獄
• 2011年秋日本北九州自駕遊 – Day 3 (Part 2)：湯布院
• 2011年秋日本北九州自駕遊 – Day 4 (Part 1)：九重夢大吊橋
• 2011年秋日本北九州自駕遊 – Day 4 (Part 2)：阿蘇火山
• 2011年秋日本北九州自駕遊 – Day 5 (Part 1)：熊本城
• 2011年秋日本北九州自駕遊 – Day 5 (Part 2)：坐汽車渡輪從熊本到長崎
• 2011年秋日本北九州自駕遊 – Day 6：長崎原爆資料館、烏栖Premium Outlet、福岡
• 2011年秋日本北九州自駕遊 – Day 7-8：福岡Marinoa City
• 住@由布院温泉 朝霧のみえる宿 ゆふいん花由
• 住@別府明礬温泉 岡本屋旅館
• 日本Pocket WiFi Router租借服務：主要租機公司介紹和比較
• 日本忍者WiFi九折優惠益讀者
• 日本九州自駕遊必買：外國自駕遊旅客專用的九州高速公路ETC卡 – Kyushu Expressway Pass
• 如何網上預約熊本至島原的汽車渡輪