2011年秋日本北九州自駕遊 – Day 3 (Part 1):別府地獄
今晚住宿嘅地點係湯布院溫泉,距離別府只需一個鐘車程,所以唔需要用咁多時間係交通上,可以有多D時間遊覽別府同湯布院嘅景點。
朝早起身第一時間當然係浸多次溫泉,之後食埋早餐就check-out走人。下面係早餐嘅幾張照片,詳細介紹可以睇返呢篇住@別府明礬温泉 岡本屋旅館。
別府最著名嘅景點係別府地獄,由八個各具特色嘅溫泉組成,包括:海地獄、山地獄、鬼石坊主地獄、かまど地獄、鬼山地獄、白池地獄、血の池地獄同龍巻地獄。其中海地獄、山地獄、鬼石坊主地獄、かまど地獄、鬼山地獄同白池地獄位於鐵輪溫泉,彼此相鄰,遊覽呢六個地獄比較方便。而血の池地獄同龍巻地獄則距離較遠,如果唔係自己開車或者時間有限,可以考慮唔去。
別府地獄嘅各個地獄可以分別買飛入場,不過購買一張八個地獄嘅共通入場券比較平,而且買共通入場券可以使用10%折扣券,共通入場券係任何一個地獄入口嘅售票處都可以購買。
別府地獄嘅共通入場券,入面有八張券,每入一個地獄用一張。
別府地獄每個地獄出面都有好多泊車位,免費任泊,因為海地獄、山地獄、鬼石坊主地獄、かまど地獄、鬼山地獄同白池地獄位於同一個area,所以遊覽呢六個地獄嘅時候可以先泊好架車,再步行逐個地獄慢慢玩。
我地嘅地獄之旅就由鬼石坊主地獄開始
其中有幾個地獄裡面設有免費足湯,呢個係鬼石坊主地獄入面嘅足湯。
離開鬼石坊主地獄之後,我地又跌入另一個地獄:海地獄。海地獄係咁多個地獄之中面積最大又最靚嘅一個,如果只可以去一個,一定係去呢度。
海地獄入口
落到地獄有饅頭食已經好好
海地佔地較廣,裡面亦有一個比較大嘅售賣手信紀念品嘅商店。
海地獄入面呢個藍色嘅溫泉係咁多個之中最靚嘅一個,而且溫泉會每隔一段時間噴出煙霧,之後又散晒,煙霧不斷交替出現,好得意。
溫泉旁邊仲有一個迷你神社
海地獄入面亦設有一個小型溫室荷花池
海地獄入面仲有其他形態嘅溫泉
海地獄裡面都有一個足湯
跟住黎到山地獄
山地獄入面養左一D動物,感覺似個小型動物園多D。
之後再到かまど地獄
呢度有一D用木板封住嘅溫泉,可以打開小蓋感受一下溫泉嘅蒸汽熱力,好似話有美肌功效。
呢度都有個足湯可以浸下對腳
かまど地獄嘅特色就係呢個會變色嘅溫泉
好大煙霧啊
由かまど地獄行過去白池地獄嘅路上有一條小小嘅手信街
白池地獄
鬼山地獄因為有太多鱷魚聚居,所以我地唔敢入去。
遊覽完海地獄、山地獄、鬼石坊主地獄、かまど地獄、鬼山地獄同白池地獄之後仲剩返血の池地獄同龍巻地獄,呢兩個地獄位置比較遠,所以要開車過去。不過因為行錯路,兜左遠路,不過因為咁反而去左個可以眺望別府嘅展望台。
終於去到血の池地獄
龍巻地獄其實就係血の池地獄附近,不過呢個地獄唔係咁有睇頭,而且時間有限,所以決定唔去,睇完血の池地獄就起程向湯布院進發。
– Day 3 未完,待續 –
相關文章:
- 2011年秋日本北九州自駕遊 – Day 1:福岡
- 2011年秋日本北九州自駕遊 – Day 2:門司港、別府
- 2011年秋日本北九州自駕遊 – Day 3 (Part 1):別府地獄
- 2011年秋日本北九州自駕遊 – Day 3 (Part 2):湯布院
- 2011年秋日本北九州自駕遊 – Day 4 (Part 1):九重夢大吊橋
- 2011年秋日本北九州自駕遊 – Day 4 (Part 2):阿蘇火山
- 2011年秋日本北九州自駕遊 – Day 5 (Part 1):熊本城
- 2011年秋日本北九州自駕遊 – Day 5 (Part 2):坐汽車渡輪從熊本到長崎
- 2011年秋日本北九州自駕遊 – Day 6:長崎原爆資料館、烏栖Premium Outlet、福岡
- 2011年秋日本北九州自駕遊 – Day 7-8:福岡Marinoa City
- 住@由布院温泉 朝霧のみえる宿 ゆふいん花由
- 住@別府明礬温泉 岡本屋旅館
- 日本Pocket WiFi Router租借服務:主要租機公司介紹和比較
- 日本忍者WiFi九折優惠益讀者
- 日本九州自駕遊必買:外國自駕遊旅客專用的九州高速公路ETC卡 – Kyushu Expressway Pass
- 如何網上預約熊本至島原的汽車渡輪
人氣文章:
Klook / Kkday最新優惠碼
Agoda最新10%折扣代碼
Hotels.com最新折扣代碼
Trip.com最新優惠碼
永安旅遊最新推廣碼
樂天旅行最新住宿折扣券
樂天旅行最新租車折扣券
日本樂天市場最新優惠券
Klook.com
如果喜歡這篇文章,請點個「讚」吧!