2012年巴黎、倫敦雙城之旅 – Day 9：白金漢宮看禁衛軍換更

白金漢宮嘅禁衛軍換更儀式係到倫敦旅遊不可不看嘅節目，呢個亦係我地今日行程嘅主要節目，之後又係行街Shopping時間，而今日主要目標係去騎士橋嘅哈洛斯百貨。

白金漢宮(Buckingham Palace)嘅禁衛軍換更儀式唔係每日都有，通常係隔日，有D月份係單數日，有D月份係雙數日，而且係一D特別日子亦可能會有特別安排，所以plan行程嘅時候一定上網check清楚個schedule。

禁衛軍換更儀式大約由上午11點開始，到12點幾結束，過程大約一個鐘多D，如果想搵到個好位，10點前就應該去到企定定霸位啦。

未夠9點我地就離開酒店向白金漢宮出發，由酒店行過去只需要大約10分鐘。

中途係間Cafe食左早餐先。

食完早餐行過去白金漢宮，時間都仲未到10點，但係已經聚集左好多遊客係門外。

從白金漢宮至Charing Cross之間嘅林蔭大道

時間尚早，入去旁邊嘅聖詹姆斯公園行下公園打發下時間。

公園入面竟然有松鼠

公園入面嘅聖詹姆斯湖嘅鴛鴦同鴨仔

禁衛軍換更儀式即將開始，我地霸左個對正白金漢宮大門嘅靚位，不過呢個位只可以睇到衛兵操離白金漢宮果部份，睇唔到衛兵係白金漢宮裡面廣場上進行嘅交接儀式，所以都係企係正門側邊位置比較好，既可以睇到裡面嘅交接儀式，又可以睇到衛兵操離白金漢宮。

呢個企係我地面前負責維持秩序嘅警察叔叔勁似Mr. Ben

換更儀式開始之前，負責接更嘅衛兵會先從側門操入去白金漢宮。

係白金漢宮裡面嘅廣場上完成交接儀式之後，參加儀式嘅禁衛軍開始操出黎巡遊。

儀式過後白金漢宮又回復平靜

睇完白金漢宮禁衛軍換更，跟住我地要去嘅地方係哈洛斯百貨，從白金漢宮行路過去只需要大約20-25分鐘時間。

先沿住白金漢宮後面嘅(白金漢宮花園)Buckingham Palace Gardens同翠綠園(Green Park)之間嘅呢條Constitution Hill路行到威靈頓拱門(Wellington Arch)。

威靈頓拱門對面就係海德公園(Hyde Park)，我地只係經過，冇入去行。

倫敦街頭有好多呢D自助租單車機

徙海德公園門前嘅Hyde Park Corner再行冇幾耐就到騎士橋(Kinghtsbridge)

前面左手邊呢座大樓就係哈洛斯百貨(Harrods)

係哈洛斯百貨最低果層有一個紀念戴安娜王妃同阿法耶茲嘅紀念台

騎士橋一帶除左哈洛斯百貨公司之外其實冇咩地方好行

呢招好絕

係倫敦5日時間，除左最後一日之外，每日都會去Leicester Square一帶行街shopping，如果住係呢區嘅酒店幾好呢。

今日又遇到工人遊行

Leicester Square上有一間M&M專門店

係倫敦嘅最後晚餐

– Day 9 完 –

Related posts:

• 倫敦通行證(London Pass)： 倫敦自由行必買！ – 如何購買倫敦通行證 (內附最新折扣代碼)
• 倫敦旅遊交通費慳錢攻略：應該購買 Oyster 還是 Travelcard？
• 倫敦景點門票“兩人同行一人價錢” (London Travelcard 2FOR1 Offers)
• 巴黎旅遊交通費慳錢攻略：如何使用自助售票機購買地鐵Ticket t+車票？
• 遊巴黎，Paris Pass與Museum Pass哪種更省錢？
• 如何購買歐洲之星(EuroStar)車票
• 住@巴黎Hotel Cordelia Paris
• 住@倫敦St Ermin’s Hotel – MGallery Collection
• 倫敦酒店推介
• 倫敦免費WiFi網絡
• 2012年巴黎、倫敦雙城之旅 – Day 1：飛向巴黎
• 2012年巴黎、倫敦雙城之旅 – Day 2：遊覽巴黎聖心堂
• 2012年巴黎、倫敦雙城之旅 – Day 3：巴黎聖母院、羅浮宮、凱旋門
• 2012年巴黎、倫敦雙城之旅 – Day 4：凡爾賽宮、艾菲爾鐵塔、塞納河遊船河
• 2012年巴黎、倫敦雙城之旅 – Day 5：巴黎老佛爺百貨掃貨
• 2012年巴黎、倫敦雙城之旅 – Day 6：坐歐洲之星巴黎到倫敦
• 2012年巴黎、倫敦雙城之旅 – Day 7：盡用London Pass，一天遊覽西敏寺、泰晤士河、倫敦塔
• 2012年巴黎、倫敦雙城之旅 – Day 8：聖保羅大教堂、Covent Garden
• 2012年巴黎、倫敦雙城之旅 – Day 10：大英博物館