2012年巴黎、倫敦雙城之旅 – Day 3：巴黎聖母院、羅浮宮、凱旋門

係巴黎嘅第二日會去幾個巴黎市內主要景點遊覽，包括羅浮宮博物館(Musee du Louvre)、巴黎聖母院(Notre Dame Cathedral)、凱旋門(Arc de Triomphe)、香榭麗舍大道。可惜今日天氣好差，幾乎全日落雨，影響行程。

一早起身巴黎人都仲未返工，街上人車都好少。

前面係巴黎聖拉查火車站(Gare Saint-Lazare)，行黎呢度係因為我地要坐地鐵M12線去塞納河南面嘅Rennes站，最近我地酒店有M12線經過嘅地鐵站就係Saint-Lazare。

今朝咁早出門係要去一個叫Raspail Organic Market (Le Marché Raspail)嘅有機蔬菜市場，呢個市場位於塞納河南面一條叫Raspail街嘅路中間，係Rennes地鐵站行出黎就係，不過Raspail市場只係星期日上午9點到下午2點營業。

Raspail市場規模並唔係好大，主要賣蔬果，亦有法國酒同芝士，同埋有幾檔賣法國小食嘅攤檔。

行完Raspail市場下一站係去羅浮宮博物館(Musee du Louvre)，雖然今日落大雨，但係遊客仍然超多，排隊入羅浮宮博物館嘅人龍打晒蛇餅。最後我地只係室外影下相，唔入室內睇展品啦。

巴黎第一區周圍都係歷史建築，隨便周圍行都係影相靚景。

呢條係羅浮宮博物館旁邊橫跨塞納河嘅行人橋叫藝術橋(Pont des Arts)，橋上兩旁嘅圍欄掛滿晒情人嘅連心鎖，好浪漫啊。

從藝術橋上可以細味塞納河美景，可惜落緊雨唔可以停留太耐。

藝術橋東面就係塞納河上嘅小島西岱島(Île de la Cité)，島上有好多歷史建築同著名景點，我地下一站就係去島上嘅巴黎聖母院。

係西岱島南面嘅聖米歇爾廣場一帶有好多地度法國餐廳，行到黎呢度啱啱到左食晏時間，先搵間餐廳入去醫下肚，順便避避雨同取下暖。

巴黎聖母院(Notre Dame Cathedral)就係我地食lunch間法國餐廳旁邊，食完晏行過去就係，不過排左差唔多20分鐘先入到去，呢度唔洗入場費，而且裡面仲可以影相添。

巴黎聖母院裡面

如果想上去巴黎聖母院塔頂，需要係出面上去，同埋上塔頂需要收費。

離開巴黎聖母院之後再係附近行下街。

今日最後一站係去凱旋門(Arc de Triomphe)。

從行人隧道可以行過去凱旋門腳下。

香榭麗舍大道

蒙田大道

香榭麗舍大道上嘅LV總店，不過已經被大陸客攻佔左，唔敢入去。

肚餓，食D嘢先。

食完嘢出到街已經天黑，過去睇埋凱旋門夜景就返酒店。

– Day 3 完 –

Related posts:

• 倫敦通行證(London Pass)： 倫敦自由行必買！ – 如何購買倫敦通行證 (內附最新折扣代碼)
• 倫敦旅遊交通費慳錢攻略：應該購買 Oyster 還是 Travelcard？
• 倫敦景點門票“兩人同行一人價錢” (London Travelcard 2FOR1 Offers)
• 巴黎旅遊交通費慳錢攻略：如何使用自助售票機購買地鐵Ticket t+車票？
• 遊巴黎，Paris Pass與Museum Pass哪種更省錢？
• 如何購買歐洲之星(EuroStar)車票
• 住@巴黎Hotel Cordelia Paris
• 住@倫敦St Ermin’s Hotel – MGallery Collection
• 倫敦酒店推介
• 倫敦免費WiFi網絡
• 2012年巴黎、倫敦雙城之旅 – Day 1：飛向巴黎
• 2012年巴黎、倫敦雙城之旅 – Day 2：遊覽巴黎聖心堂
• 2012年巴黎、倫敦雙城之旅 – Day 4：凡爾賽宮、艾菲爾鐵塔、塞納河遊船河
• 2012年巴黎、倫敦雙城之旅 – Day 5：巴黎老佛爺百貨掃貨
• 2012年巴黎、倫敦雙城之旅 – Day 6：坐歐洲之星巴黎到倫敦
• 2012年巴黎、倫敦雙城之旅 – Day 7：盡用London Pass，一天遊覽西敏寺、泰晤士河、倫敦塔
• 2012年巴黎、倫敦雙城之旅 – Day 8：聖保羅大教堂、Covent Garden
• 2012年巴黎、倫敦雙城之旅 – Day 9：白金漢宮看禁衛軍換更
• 2012年巴黎、倫敦雙城之旅 – Day 10：大英博物館