2007年东京公干之旅(Day 4)- Part 2

返到酒店拾埋行李11点半check-out完,跟住行过酒店隔离嘅Airport Limousine Bus坐机场巴士去机场,巴士班次都好密架,10~15分钟有一班车,去到先买飞,好似买地铁飞咁,入钱入去自动售票机,然后按下个掣就有车飞出,仲有埋张收据,方便claim数。

上面果张系行李单,落车攞行李果阵俾佢,咁就唔怕俾人攞错行李啦。下面果张系车飞收据,单程2,900円

车票收据

Airport Limousine机场巴士

机场巴士

高速公路沿途风景

沿途风景1

高速公路沿途田园
沿途风景2

 

巴士行左45分钟就到左成田空港Terminal 2,一落车就系离境大楼,架巴士仲会继续开去Terminal 1,记得睇清楚自己坐果架飞机系边个Terminal登机先好落车啊。

机场巴士站
机场巴士站

 

可能早左黎,国泰check-in柜位冇咩人搅紧check-in,唔洗排队好快就搅掂登机check-in啦,之后就即刻过海关入去候机大楼,因为仲有个重要mission未完成。

进入海关嘅离境闸口
离境闸口

 

离境比起入境快好多,一阵间就搅掂入到去候机大楼,可以进行最后一个任务,就系买免税化妆品。原来成田空港个候机大楼都唔系好大,好快揾到要买嘅目标。

海关柜位对面嘅化妆品免税店

免税店1

系呢间免费店入边豪花左东京之旅最后一笔接近十万円嘅巨款,不过都只系换来几樽仔嘢
免税店2

 

完成左最后一项任务之后仲剩返差唔多两个钟时间,咁唯有周围行下睇下野。

日本真系样样都有自动售卖机,连旅游保险都可以系机场上机之前用自助投保机购买
自助投保机

京都面油纸,上面绿色果种净系机场先有得卖,睇睇下又买左D做手信

面油纸

好得意嘅菓子啊

子0037~1

呢盒嘢一千円,见有两个台湾女仔攞住本书黎买,所以我又跟佢地买左一盒,不过俾左人做手信,唔知好唔好食呢

饼小丁

行到咁上下开始肚饿,所以坐低食D嘢,不过呢个时候身上只剩返1,400円,只够食呢餐
最后一餐

 

食完嘢时间差唔多,可以去等上机,不过要坐一程无人架驶小火车过去登机嘅地方。

等紧无人架驶小火车

等小火车

无人架驶小火车

接驳小火车

对头车

对头车

无人架驶小火车车厢内

小火车内

可以开始上机啦

等上机

今次回程呢只机又同黎果阵唔同,最大分别系个电视有好多自选电影可以睇,唔洗照佢嘅播放时间,仲有就系有得打机添

有机打

控制器背面系游戏机手掣
游戏机手制

 

下午三点七左右飞机准时起飞(好似系,因为太累,起飞前小弟已经训著左),不过唔知点解,去果程飞左3.5小时,但回程就要5小时,足足多左1.5小时,唔系时差啊,系真系5小时,3点35分(日本时间)起飞,7点35分(香港时间)到达,即系日本时间8点35分,8减3等于5,真系足足5个钟架,有冇人知点解啊?

到左香港机场,我地冇入香港境,而系直接买10点由机场码头去澳门嘅喷射飞航船飞,票价HK$180,虽然要等两个钟,不过唔洗转的士,又唔洗攞行李,舒服好多架,D行李会直接由机场送去架船度架。如果要转船,记得千其唔好过海关啊,卖船飞嘅counter就系海关入境counter附近,对住扶手电梯,落机之后坐完无人架驶小火车,一上黎就见架啦。

因为要等船,所以系香港机场又食左餐dinner。10点开船,10点9到澳门,等埋行李出黎,返到屋企11点半,成个公干旅程终于告一段落啦。

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!