2011年冲绳快闪观礼之旅(Day 2[上篇] – 那霸波上宫、泊いゆまち鱼市场)

系万士得租车店取车之后,我地就将两部车驶返酒店门口停低,上埋行李同乘客之后就开始三日两夜嘅冲绳自驾之旅喇。

 

2011年冲绳自驾之旅Day2上午行车路线

那霸除左国际通之外,仲有几个景点值得游览,所以今日上午我地会先去呢几个景点,包括波上宫、泊いゆまち鱼市场(泊Iyumachi鱼市场)同埋世界遗产首里城。上面张图就系我地今日上午行程嘅路线,详细D可以睇下面呢个Google Map。

 


在较大的地图上查看2011年冲绳自驾之旅行车路线和景点位置

 

好啦,第一站我地先去波上宫。波上宫系一个位于那霸北边海傍嘅神社,距离国际通只有大约1.5公里,由酒店开车过去只需要5分钟就到,如果行路应该15分钟都可以到达。

 

波上宫只系一个好细嘅神社,神社前面有个细细地嘅室内停车场,可以泊到几部车,我地去果阵冇咩人,所以两架车求其泊都可以。

 

自驾游参考

波上宫Tel.: 098-868-3697 | 波上宫Mapcode: 33 155 863

 

由呢度上去就系波上宫,私家车可以驶上去架开怀大笑

波上宫_图1

 

呢个先系神社门口,左手边系停车场仔。

波上宫_图2

 

神社内净手嘅地方,参拜前洗干净只手先。

波上宫_图5

 

神社主殿,准备定5円大饼喇眨眼睛

波上宫_图3波上宫_图4

 

都有好多人黎许愿㖞

波上宫_图6

 

每间神社都总有一个卖神符嘅地方,今次买左两个交通安全平安符挂系两架车度,点知还车果阵唔记得攞走嚎啕大哭

波上宫_图7

 

波上宫隔离仲有一间护国寺,不过冇时间,所以唔入去囉。

波上宫_图8

 

波上宫出面街道

波上宫_图9

 

 

离开波上宫下一站系去那霸泊いゆまち鱼市场(泊Iyumachi鱼市场),鱼市场系市区北边嘅那霸港海边嘅渔船码头隔离,由波上宫开车过去大约12分钟左右,如果行路都几远,起码要行半粒钟。

 

那霸港景色

那霸港

 

那霸港内嘅渔船码头

那霸港渔船码头

 

渔船码头旁边系一个鱼获拍卖市场,不过去到果阵太晏已经拍卖完啦。

那霸港鱼类贩卖市场

 

呢度就系泊いゆまち鱼市场嘅正门,出面有好多车位免费任泊,如果full左可以泊去后面。

泊Iyumachi鱼市场_图1

 

自驾游参考

泊いゆまち鱼市场Tel.: 098-868-1096 | 泊いゆまち鱼市场Mapcode: 33 216 117

 

同第一牧志公设市场相比,泊いゆまち鱼市场大好多,而且呢度卖嘅鱼生好新鲜,价钱亦都平好多。不过我地去果阵有一半档贩冇开,唔知系太晏已经收档定系太早未开档沉思

泊Iyumachi鱼市场_图2泊Iyumachi鱼市场_图3泊Iyumachi鱼市场_图4

泊Iyumachi鱼市场_图5

 

呢度卖嘅刺身正好多,睇到流晒口水吐舌头

泊Iyumachi鱼市场_图6泊Iyumachi鱼市场_图7

 

虽然食左早餐冇几耐,但系一场黎到D刺身又咁吸引,点都有食返够本。鱼市场入面有枱椅可以买左之后坐系度食,筷子、wasabi同豉油碟可以问档贩攞,支豉油就要另买,不过都只系200円。

泊Iyumachi鱼市场_图8

 

系泊いゆまち鱼市场刷完餐刺身之后,又系去下一个景点嘅时间喇,呢个景点就系冲绳必到嘅景点:世界遗产 – 首里城。

 

To be continued…

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!