2011年冲绳快闪观礼之旅(Day 2[上篇] – 那霸波上宫、泊いゆまち鱼市场)

系万士得租车店取车之后，我地就将两部车驶返酒店门口停低，上埋行李同乘客之后就开始三日两夜嘅冲绳自驾之旅喇。

那霸除左国际通之外，仲有几个景点值得游览，所以今日上午我地会先去呢几个景点，包括波上宫、泊いゆまち鱼市场(泊Iyumachi鱼市场)同埋世界遗产首里城。上面张图就系我地今日上午行程嘅路线，详细D可以睇下面呢个Google Map。

在较大的地图上查看2011年冲绳自驾之旅行车路线和景点位置

好啦，第一站我地先去波上宫。波上宫系一个位于那霸北边海傍嘅神社，距离国际通只有大约1.5公里，由酒店开车过去只需要5分钟就到，如果行路应该15分钟都可以到达。

波上宫只系一个好细嘅神社，神社前面有个细细地嘅室内停车场，可以泊到几部车，我地去果阵冇咩人，所以两架车求其泊都可以。

自驾游参考：

波上宫Tel.: 098-868-3697 | 波上宫Mapcode: 33 155 863

由呢度上去就系波上宫，私家车可以驶上去架

呢个先系神社门口，左手边系停车场仔。

神社内净手嘅地方，参拜前洗干净只手先。

神社主殿，准备定5円大饼喇

都有好多人黎许愿㖞

每间神社都总有一个卖神符嘅地方，今次买左两个交通安全平安符挂系两架车度，点知还车果阵唔记得攞走

波上宫隔离仲有一间护国寺，不过冇时间，所以唔入去囉。

波上宫出面街道

离开波上宫下一站系去那霸泊いゆまち鱼市场(泊Iyumachi鱼市场)，鱼市场系市区北边嘅那霸港海边嘅渔船码头隔离，由波上宫开车过去大约12分钟左右，如果行路都几远，起码要行半粒钟。

那霸港景色

那霸港内嘅渔船码头

渔船码头旁边系一个鱼获拍卖市场，不过去到果阵太晏已经拍卖完啦。

呢度就系泊いゆまち鱼市场嘅正门，出面有好多车位免费任泊，如果full左可以泊去后面。

自驾游参考：

泊いゆまち鱼市场Tel.: 098-868-1096 | 泊いゆまち鱼市场Mapcode: 33 216 117

同第一牧志公设市场相比，泊いゆまち鱼市场大好多，而且呢度卖嘅鱼生好新鲜，价钱亦都平好多。不过我地去果阵有一半档贩冇开，唔知系太晏已经收档定系太早未开档

呢度卖嘅刺身正好多，睇到流晒口水

虽然食左早餐冇几耐，但系一场黎到D刺身又咁吸引，点都有食返够本。鱼市场入面有枱椅可以买左之后坐系度食，筷子、wasabi同豉油碟可以问档贩攞，支豉油就要另买，不过都只系200円。

系泊いゆまち鱼市场刷完餐刺身之后，又系去下一个景点嘅时间喇，呢个景点就系冲绳必到嘅景点：世界遗产 – 首里城。

To be continued…