2011年冲绳快闪观礼之旅(Day 3[下篇]–冲绳美丽海水族馆)

系Nakamura Soba食完面之后,我地继续起程前往冲绳美丽海水族馆,路程40公里左右,主要沿住国道58号线同449号线行驶,大约要行一个钟左右。呢段路大部份都系沿住海边黎行,风景都好靓架,不过因为太累,乘客们都训晒觉。

国道58号线

 


在较大的地图上查看2011年冲绳自驾之旅行车路线和景点位置

 

冲绳美丽海水族馆(冲縄美ら海水族馆)位于冲绳北部本部町嘅海洋博公园入面,园入面除左冲绳美丽海水族馆以外,仲有海豚剧场、海龟馆、海牛馆、海洋文化馆、冲绳乡土村同埋植物园等等好多设施,地方好大,不过因为时间有限,我地只可以参观最出名嘅水族馆。

冲绳美丽海水族馆_图7

 

前往冲绳美丽海水族馆如果坐巴士,需要先坐118号快速巴士到名护总站,再转坐65、66或70号巴士去到“记念公园前”站落车。

 

如果自己开车,从恩纳出发的话要行大约一个钟,如果由那霸出发,大约就需要2个钟左右。海洋博公园入面有多个停车场,最近冲绳美丽海水族馆而且又最大嘅系北停车场,亦即系P7停车场,Mapcode系553 075 743。

冲绳美丽海水族馆北停车场入口冲绳美丽海水族馆_图6

 

自驾游参考

冲绳美丽海水族馆Tel.: 098-048-3748 | 冲绳美丽海水族馆Mapcode: 553 075 743

 

我地到达冲绳美丽海水族馆嘅时候都已经接近4点,系出面影完一轮相就入去准备买飞入场啦。

冲绳美丽海水族馆_图1冲绳美丽海水族馆_图2

 

去到大堂,见到大家都企晒系度,等乜呢?原来等紧够钟。

冲绳美丽海水族馆_图3冲绳美丽海水族馆_图4

 

原来系下午4点后入场嘅入场券有七折优惠,时间仲有一两个字,冇理由唔等埋先。入场券大人原价系,1800円,七折之后系1,260円,我地咁多人都悭左唔少眨眼睛

 

冲绳美丽海水族馆地方唔大,两个钟头已经足够,水族馆冬天系下午6点半关门,4点入场仲有2个半钟有足够时间慢慢行同买埋手信啦。

 

除左参观唔同海洋生物嘅各个展区之外,冲绳美丽海水族馆嘅主要卖点,系佢嘅巨型鱼缸同埋每日两次嘅喂食鲸鲨表演,时间分别系下午15:00同17:00。

冲绳美丽海水族馆_图8冲绳美丽海水族馆_图9冲绳美丽海水族馆_图10冲绳美丽海水族馆_图11冲绳美丽海水族馆_图12冲绳美丽海水族馆_图13冲绳美丽海水族馆_图14冲绳美丽海水族馆_图15

 

另外参观鱼缸顶部亦系唔应该错过嘅节目,不过开放时间只限10:00至14:30同埋17:30至关门呢两段时间,计划行程之前记得夹好佢嘅时间表啊。

冲绳美丽海水族馆_图16冲绳美丽海水族馆_图17

 

我地系水族馆留到最后一刻,买埋手信先走人,原来等到关门先走沿路有成排工作人员排晒队欢送架惊讶

 

离开冲绳美丽海水族馆我地返去恩纳食dinner,今次去左一间叫海の家嘅居酒屋小店,呢间都系睇旅游书介绍,真系冇介绍错,味道超正,不过偏咸,而且份量好少,但价钱超贵。呢Part相唔知去左边,冇相睇嚎啕大哭

 

自驾游参考

海の家Tel.: 098-966-2180 | 海の家Mapcode: 206 314 394

 

– Day 3 完 –

如果喜欢这篇文章,请点个“赞”吧!

2 comments

  • 个人头像 Dilbert

    如果行高速公路,由那霸去沖繩美麗海水族館應該兩小時之內可以到達,即日來回應該沒有問題,不過就沒有時間順道去沿途其他景點.

  • 个人头像 Anonymous

    如果我直接由那霸開車去美麗海水族館,時間要幾耐?即日來回係唔係冇可能呢?

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!