2011年秋日本北九州自驾游 – Day 2：门司港、别府

自驾行程由Day 2开始，呢日会先前往九州同本州之间距离最短嘅关门海峡旁边嘅门司港，然后再前往别府温泉，入住今次旅程嘅第一间温泉旅馆别府明矾温泉 冈本屋旅馆。

今次架车系通过乐天旅行向Orix Car Rental租嘅日产March，5日租车费用22,300円，冇买免责补偿。租车公司就系我地入住嘅Hotel Sunroute Hakata对面，所以朝早过去取车好方便。

离开福冈就开始上高速公路向北行，中途系一个叫古贺嘅休息站先抖抖。

休息完继续向门司港进发，从福冈到门司港，如果唔计中途休息时间，大约需时1个钟头3个字左右。

门司港地方唔算好大，主要景点都集中系JR门司港駅周围。不过附近可以泊车嘅停车场唔多，最方便嘅系位于九州铁道记念馆旁边嘅驿市场旁边嘅收费停车场。

泊好车先行过隔离呢间九州铁道记念馆睇下，里面展出几部旧式火车头，不过兴趣不大，而且要买飞先入得去，所以只系门外影下相就走。

从九州铁道记念馆向海边方向行，就会见到多座历史建筑，如果有兴趣可以入去里面参观架。

九州铁道记念馆旁边就系JR门司港駅，系门司港重要嘅历史建筑同旅游景点。

门司港駅出面有几个人力车夫，有兴趣可以坐住游览门司港一转。

门司港駅里面

门司港駅旁边嘅海边就系关门海峡，对岸就系本州下关，连接两地嘅就系呢条关门大桥。

咖哩饭系门司港名物之一，而呢间位于门司港駅旁边条马路对面嘅小店嘅咖哩饭听讲好出名，所以午餐选择入去试试。

离开门司港之后我地驱车向下一个目的地别府进发

从北九州使用大分自动车道前往别府，系就黎到达别府之前，会有一个别府湾休息站，呢度可以远眺别府同别府湾美景，值得系度停一停抖一抖。

因为行车时间比预计长，到达别府嘅时候已经四点几，所以我地只系别府街头逛逛。

别府駅后面有个停车场，我地就系呢度泊好架车先。

别府駅前嘅手汤

别府駅前嘅駅前通系别府主要街道

我地系别府駅附近只系逗留左一段短时间，之后就开车去呢晚入住嘅温泉旅馆：别府明矾温泉 冈本屋旅馆。以下系呢间旅馆部份照片，详细介绍可以睇返呢篇住@别府明矾温泉 冈本屋旅馆。

– Day 2 完 –

相关文章：

• 2011年秋日本北九州自驾游 – Day 1：福冈
• 2011年秋日本北九州自驾游 – Day 2：门司港、别府
• 2011年秋日本北九州自驾游 – Day 3 (Part 1)：别府地狱
• 2011年秋日本北九州自驾游 – Day 3 (Part 2)：汤布院
• 2011年秋日本北九州自驾游 – Day 4 (Part 1)：九重梦大吊桥
• 2011年秋日本北九州自驾游 – Day 4 (Part 2)：阿苏火山
• 2011年秋日本北九州自驾游 – Day 5 (Part 1)：熊本城
• 2011年秋日本北九州自驾游 – Day 5 (Part 2)：坐汽车渡轮从熊本到长崎
• 2011年秋日本北九州自驾游 – Day 6：长崎原爆资料馆、乌栖Premium Outlet、福冈
• 2011年秋日本北九州自驾游 – Day 7-8：福冈Marinoa City
• 住@由布院温泉 朝雾のみえる宿 ゆふいん花由
• 住@别府明矾温泉 冈本屋旅馆
• 日本Pocket WiFi Router租借服务：主要租机公司介绍和比较
• 日本忍者WiFi九折优惠益读者
• 日本九州自驾游必买：外国自驾游旅客专用的九州高速公路ETC卡 – Kyushu Expressway Pass
• 如何网上预约熊本至岛原的汽车渡轮