2011年秋日本北九州自驾游 – Day 3 (Part 1):别府地狱
今晚住宿嘅地点系汤布院温泉,距离别府只需一个钟车程,所以唔需要用咁多时间系交通上,可以有多D时间游览别府同汤布院嘅景点。
朝早起身第一时间当然系浸多次温泉,之后食埋早餐就check-out走人。下面系早餐嘅几张照片,详细介绍可以睇返呢篇住@别府明矾温泉 冈本屋旅馆。
别府最著名嘅景点系别府地狱,由八个各具特色嘅温泉组成,包括:海地狱、山地狱、鬼石坊主地狱、かまど地狱、鬼山地狱、白池地狱、血の池地狱同龙巻地狱。其中海地狱、山地狱、鬼石坊主地狱、かまど地狱、鬼山地狱同白池地狱位于铁轮温泉,彼此相邻,游览呢六个地狱比较方便。而血の池地狱同龙巻地狱则距离较远,如果唔系自己开车或者时间有限,可以考虑唔去。
别府地狱嘅各个地狱可以分别买飞入场,不过购买一张八个地狱嘅共通入场券比较平,而且买共通入场券可以使用10%折扣券,共通入场券系任何一个地狱入口嘅售票处都可以购买。
别府地狱嘅共通入场券,入面有八张券,每入一个地狱用一张。
别府地狱每个地狱出面都有好多泊车位,免费任泊,因为海地狱、山地狱、鬼石坊主地狱、かまど地狱、鬼山地狱同白池地狱位于同一个area,所以游览呢六个地狱嘅时候可以先泊好架车,再步行逐个地狱慢慢玩。
我地嘅地狱之旅就由鬼石坊主地狱开始
其中有几个地狱里面设有免费足汤,呢个系鬼石坊主地狱入面嘅足汤。
离开鬼石坊主地狱之后,我地又跌入另一个地狱:海地狱。海地狱系咁多个地狱之中面积最大又最靓嘅一个,如果只可以去一个,一定系去呢度。
海地狱入口
落到地狱有馒头食已经好好
海地占地较广,里面亦有一个比较大嘅售卖手信纪念品嘅商店。
海地狱入面呢个蓝色嘅温泉系咁多个之中最靓嘅一个,而且温泉会每隔一段时间喷出烟雾,之后又散晒,烟雾不断交替出现,好得意。
温泉旁边仲有一个迷你神社
海地狱入面亦设有一个小型温室荷花池
海地狱入面仲有其他形态嘅温泉
海地狱里面都有一个足汤
跟住黎到山地狱
山地狱入面养左一D动物,感觉似个小型动物园多D。
之后再到かまど地狱
呢度有一D用木板封住嘅温泉,可以打开小盖感受一下温泉嘅蒸汽热力,好似话有美肌功效。
呢度都有个足汤可以浸下对脚
かまど地狱嘅特色就系呢个会变色嘅温泉
好大烟雾啊
由かまど地狱行过去白池地狱嘅路上有一条小小嘅手信街
白池地狱
鬼山地狱因为有太多鳄鱼聚居,所以我地唔敢入去。
游览完海地狱、山地狱、鬼石坊主地狱、かまど地狱、鬼山地狱同白池地狱之后仲剩返血の池地狱同龙巻地狱,呢两个地狱位置比较远,所以要开车过去。不过因为行错路,兜左远路,不过因为咁反而去左个可以眺望别府嘅展望台。
终于去到血の池地狱
龙巻地狱其实就系血の池地狱附近,不过呢个地狱唔系咁有睇头,而且时间有限,所以决定唔去,睇完血の池地狱就起程向汤布院进发。
– Day 3 未完,待续 –
相关文章:
- 2011年秋日本北九州自驾游 – Day 1:福冈
- 2011年秋日本北九州自驾游 – Day 2:门司港、别府
- 2011年秋日本北九州自驾游 – Day 3 (Part 1):别府地狱
- 2011年秋日本北九州自驾游 – Day 3 (Part 2):汤布院
- 2011年秋日本北九州自驾游 – Day 4 (Part 1):九重梦大吊桥
- 2011年秋日本北九州自驾游 – Day 4 (Part 2):阿苏火山
- 2011年秋日本北九州自驾游 – Day 5 (Part 1):熊本城
- 2011年秋日本北九州自驾游 – Day 5 (Part 2):坐汽车渡轮从熊本到长崎
- 2011年秋日本北九州自驾游 – Day 6:长崎原爆资料馆、乌栖Premium Outlet、福冈
- 2011年秋日本北九州自驾游 – Day 7-8:福冈Marinoa City
- 住@由布院温泉 朝雾のみえる宿 ゆふいん花由
- 住@别府明矾温泉 冈本屋旅馆
- 日本Pocket WiFi Router租借服务:主要租机公司介绍和比较
- 日本忍者WiFi九折优惠益读者
- 日本九州自驾游必买:外国自驾游旅客专用的九州高速公路ETC卡 – Kyushu Expressway Pass
- 如何网上预约熊本至岛原的汽车渡轮
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!