珠海横琴长隆海洋王国试业试玩体验 – 上篇

今年(2014年)澳门附近多左一个新嘅旅游点,就系位于珠海横琴嘅长隆国际海洋度假区。度假区由长隆海洋王国珠海长隆马戏城以及长隆横琴湾酒店三个部分组成,其中长隆横琴湾酒店和珠海长隆马戏城已经系1月18日开业,而长隆海洋王国就系1月28日开始试业。今年春节冇到外地旅游,所以趁住假期同埋试业期有优惠,年初四去左横琴长隆海洋王国试玩

珠海横琴长隆海洋王国

 

珠海横琴长隆海洋王国嘅试业期由2014年1月28日至2月28日,为期一个月,试业期间只有七、八成设施开放,其余两成仲做紧内部装修或者测试,包括冰川历险和超级激流呢两个机动游戏都仲未玩得,另外号称世界最先进五维影院嘅深海历险亦未开放。

 

由于系试业同埋开放嘅设施打左七至八折,所以理所当然门票价钱都应该打返个折,由1月28日至2月28日期间,珠海横琴长隆海洋王国嘅入场门票以七五折出售,成人票价系人民币280元,以现时汇率计算相当于大约港币360元。呢个价格比香港海洋公园嘅入场门票HK$320仲贵,同香港迪士尼嘅入场门票HK$450相比虽然平D,不过当试业期过后冇折扣嘅票价就比迪士尼贵港币40几蚊,但系比质素,长隆海洋王国点都唔及迪士尼,所以呢个价超对物非所值。

 

更新:珠海横琴长隆海洋王国现时的成人入场门票的价格是人民币350元,网上购票可以有15元折扣,即人民币335元,除了可以在官网购买外、淘宝网Klook客路都可以购买,价格都是大约人民币335元,与官网相同。

 

从珠海横琴长隆海洋王国嘅宣传资料黎睇,长隆海洋王国拥有多个亚洲第一甚至世界第一,例如亚洲第一个飞行过山车和第一个水山过山车,世界最大嘅鲸鲨展馆等等。不过刺激嘅机动游戏并唔系我杯茶,所以飞越雨林、冰川历险和超级激流呢D机动游戏有几巴闭我冇乜兴趣,但系对于佢所讲嘅世界最大嘅鲸鲨展馆我就好感兴趣,今次入场最主要都系俾佢嘅海洋奇观、企鹅世界和北极熊村庄呢几个展馆吸引。

 

唔知系广告与事实不符,定系刚开业好多动物仍然仲系on the way,又或者纯粹系广告图文做得太好,令人睇完产生过高期望。长隆海洋王国嘅所谓世界最大、世界第一,以观众眼睛黎睇只系不外如事,言过其实,难怪令人觉得货不对办。

 

所以,试玩后我的感觉可以用“门票太贵、物非所值,言过其实、货不对办”呢十六个字黎概括。

 

不过,讲句老实说话,珠海横琴长隆海洋王国并唔系差,可以算系一个唔错嘅乐园,如果佢唔系吹得太大,令人以为真系咁正,可能评价会好好多。但系,佢嘅入场费实在太贵,以380元人民币嘅价钱,就算系所有设施100%运作,都仲系唔系咁值。

 

珠海横琴长隆海洋王国既系海洋水族馆,又系机动游乐场,但系对于好似我呢类唔玩机动游戏嘅旅客,夹硬要俾埋机动游戏嘅钱买贵票入场非常唔值。如果可以将飞越雨林、冰川历险和超级激流分开买票,将唔包括呢D机动游戏嘅门票降至人民币200元左右较合理嘅水平的话,仍然值得一去。

 

上面系我游完珠海横琴长隆海洋王国嘅感受嘅总结,而下面就系呢次试玩嘅游记同埋有关买票、交通以及场内情况嘅分享,有兴趣请继续睇埋落去。

 

更新:珠海横琴长隆海洋王国正式开业之后所有设施都已经相继启用,而在7月10日开始,海洋奇观嘅主角 – 两条巨型鲸鲨 – 亦已经正式进驻。

 

 

购买珠海横琴长隆海洋王国门票

 

珠海横琴长隆海洋王国嘅官方网站有提供网上购票服务,不过只能以大陆信用卡或借记卡付款,亦需要填写大陆手机号码以及大陆身份证编号作为取票依据,所以非大陆居民用唔到网上购票,只能通过旅行社购买门票。

 

由于刚刚开业,大部分旅行社都仲未可以买到长隆海洋王国嘅门票,唯一有得卖嘅系中国旅行社。系中旅社买长隆海洋王国门票嘅价钱系HK$360,同官网票价相同,而且仲附送来回澳门至珠海横琴长隆国际海洋度假区嘅免费接驳巴士服务。

 

更新:现在Klook客路也可以购买到珠海横琴长隆海洋王国的入场门票,价格官网相同。

 

中旅社嘅珠海长隆海洋王国及马戏城套票传单,除左有长隆海洋王国门票,仲有珠海长隆马戏城门票。

珠海横琴长隆海洋王国_中旅社套票_01

 

系中旅社买票之后只会有呢张证明,仲未有正式门票,里面有一个凭证号,以及购票人嘅手机号码,凭证号+手机号码就系取票嘅证明,要记低。

珠海横琴长隆海洋王国_中旅社套票_03

 

购买门票嘅时候要决定坐边班车,开车时间会mark系收据上。朝早由澳门去横琴果班车基本坐满,所以一定要mark准,但系回程就冇咩所谓,因为坐嘅人唔多,可能有好多人选择睇埋烟花表演先走,所以就算早左走都可以坐早D班次嘅接驳巴士。

珠海横琴长隆海洋王国_中旅社套票_04

 

基本上坐朝早9点嘅第一班车去,下午6点半最后一班车返时间就啱啱好,不过就睇唔到烟花表演,因为烟花表演时间系晚上7点3,如果想睇埋烟花就要自己坐公共汽车返啦。

珠海横琴长隆海洋王国_13

 

 

从澳门到珠海横琴长隆海洋王国

 

新春珠海横琴长隆海洋王国试玩之旅出发啦欢乐派对,中旅社免费接驳巴士嘅上车地点系澳门富豪酒店正门,我地未到8点9已经去到等车,呢班车所有座位全满。

珠海横琴长隆海洋王国_中旅专车_01珠海横琴长隆海洋王国_中旅专车_02

 

接驳巴士9点正准时到达,上车前富豪酒店旁边嘅中旅跨境巴士客务中心会有职员攞住张乘客名单过黎点名。

珠海横琴长隆海洋王国_中旅专车_03

 

由澳门去横琴长隆国际海洋度假区真系好近,过左横琴口岸再行10分钟车就到。从澳门开车起计,连埋过关时间大约45分钟就到达横琴长隆国际海洋度假区。

 

今次都系第一次经横琴口岸去珠海,朝早过关人好少,唔洗2分钟就过左澳门海关。之后要坐车过桥去对岸嘅珠海横琴口岸,如果唔系坐旅游巴或者自己揸车,就要坐接驳巴士,短短路程要收三蚊车费,真系好揾。如果要坐接驳巴士,记得准备定散纸,因为不设找赎,车费俾澳门币、港币或者人民币都可以。

珠海横琴长隆海洋王国_中旅专车_04珠海横琴长隆海洋王国_中旅专车_05

 

澳门海关同横琴口岸之间只系相隔呢条莲花大桥

珠海横琴长隆海洋王国_中旅专车_06珠海横琴长隆海洋王国_中旅专车_07珠海横琴长隆海洋王国_中旅专车_08

 

坐车过到对岸又要再落车过大陆海关,好烦。

珠海横琴长隆海洋王国_中旅专车_09

 

朝早从横琴口岸过珠海嘅人好少,好快就过左关。不过从大陆过澳门嘅旅客就好多,而且唔少系自己揸车过黎,口岸大楼对出嘅停车场同周围嘅空地泊满晒私家车,如果澳门真系可以俾大陆人自驾入境,咁到时澳门真系死得目瞪口呆

珠海横琴长隆海洋王国_中旅专车_11珠海横琴长隆海洋王国_中旅专车_10珠海横琴长隆海洋王国_中旅专车_12珠海横琴长隆海洋王国_中旅专车_13

 

过完大陆关,上返车向珠海横琴长隆海洋王国再进发,从横琴口岸到长隆国际海洋度假区嘅距离只系5公里,行车10钟就到。

珠海横琴长隆海洋王国_中旅专车_14

 

横琴口岸旁边嘅澳门大学校区

珠海横琴长隆海洋王国_中旅专车_15珠海横琴长隆海洋王国_中旅专车_16

 

再行前少少系横琴码头,对岸就系路环市区。

珠海横琴长隆海洋王国_中旅专车_17

 

到达目的地啦,中旅嘅巴士停系呢度,上车同落车系同一地点,认住澳门中旅长隆专车个牌就实揾到。

珠海横琴长隆海洋王国_中旅专车_18珠海横琴长隆海洋王国_中旅专车_19珠海横琴长隆海洋王国_中旅专车_20珠海横琴长隆海洋王国_中旅专车_21

 

旁边就系公共汽车总站,如果夜走冇中旅接驳巴士坐,可以系呢度坐公共汽车出去横琴口岸或者拱北返澳门,以长隆为总站嘅公共汽车路线有K10、K11、14和86,全部路线都会停横琴口岸,但只有K10可以去到拱北口岸。由于大多数人都系自已开车入去横琴长隆或者跟旅行团,所以坐公共汽车嘅人唔多。

珠海横琴长隆海洋王国_中旅专车_22

 

由落车嘅地方步行到长隆海洋王国入口需时约10分钟,如果有小孩、长者同行,可能需要长D时间。

珠海横琴长隆海洋王国_公共汽车站至园区步行路线_01珠海横琴长隆海洋王国_公共汽车站至园区步行路线_06

 

从呢个方向离远望过去见到嘅建筑物就系长隆横琴湾酒店以及珠海长隆马戏城,沿行人路向住呢个方向行就啱。

珠海横琴长隆海洋王国_公共汽车站至园区步行路线_02

 

长隆国际海洋度假区内有多个停车场,车位好多,不过都唔足以应付大批自驾过黎嘅大陆民众。

珠海横琴长隆海洋王国_公共汽车站至园区步行路线_03

 

前面呢座建筑物就系珠海长隆马戏城,行到呢度转右行系长隆海洋王国,转左行就系长隆横琴湾酒店。

珠海横琴长隆海洋王国_公共汽车站至园区步行路线_05珠海横琴长隆海洋王国_公共汽车站至园区步行路线_04

 

马戏城至海洋王国入口之间有一段人工运河,可以坐艇仔往来。

珠海横琴长隆海洋王国_公共汽车站至园区步行路线_07珠海横琴长隆海洋王国_公共汽车站至园区步行路线_08

 

行左10几分钟终于到达长隆海洋王国入口

珠海横琴长隆海洋王国_入口_01

 

如果唔想行路,可以坐长隆嘅免费穿梭巴士,穿梭巴士从公共汽车站附近开出,途经长隆横琴湾酒店和珠海长隆马戏城,最后到达长隆海洋王国入口旁边嘅停车场,车程只系5分钟左右,不过相隔15-20分钟先有一班车。

珠海横琴长隆海洋王国_免费穿梭巴士_01珠海横琴长隆海洋王国_免费穿梭巴士_04珠海横琴长隆海洋王国_免费穿梭巴士_03珠海横琴长隆海洋王国_免费穿梭巴士_05

 

免费穿梭巴士上落车地点就系中旅专车上落车地点对面

珠海横琴长隆海洋王国_免费穿梭巴士_02

 

途经长隆横琴湾酒店

珠海横琴长隆海洋王国_免费穿梭巴士_09珠海横琴长隆海洋王国_免费穿梭巴士_10

 

横琴湾酒店对面就系珠海长隆马戏城

珠海横琴长隆海洋王国_免费穿梭巴士_11珠海横琴长隆海洋王国_免费穿梭巴士_12

 

穿梭巴士最后停靠海洋王国入口旁边呢个停车场,回程都系呢度上车。

珠海横琴长隆海洋王国_免费穿梭巴士_06珠海横琴长隆海洋王国_免费穿梭巴士_07珠海横琴长隆海洋王国_免费穿梭巴士_08

 

其实长隆海洋王国、马戏城以及横琴湾酒店之间相距唔远,从酒店步行到海洋王国入口都只系需要10分钟左右。以下为大家提供标示有主要地点嘅长隆国际海洋度假区嘅Google地图,俾大家参考一下。


在较大的地图上查看珠海横琴长隆国际海洋度假区位置

 

由于系横琴长隆海洋王国影嘅相太多,篇幅太长,所以需要分开两篇黎写,呢篇就暂时写到呢度为止,下一篇再分享乐园内嘅情况。

 

如果您觉得本Blog的文章对您有帮助,请到本Blog的Facebook专页点个“”,支持一下吧!

 

 

继续阅读 >>

 

相关连结:

________
本文网址:https://www.travelclassroom.net/2014/02/chimelong-ocean-kingdom-part1.html

如果喜欢这篇文章,请点个“赞”吧!

5 comments

  • song

    写的很好!客观!虽然文章长却不闷!有到上海的旅游分享吗!我要去五天,八月去!还有老人家!选的日子注定辛苦!但没办法!孩子才放假!谢谢!

  • Dilbert MO

    你可以先係碼頭坐巴士到關閘, 然後過拱北係口岸廣場地下嘅巴士站坐10K路公車去到長隆總站.

  • Anonymous

    你好, 請問坐船到澳門之後, 點樣坐車去珠海長隆最方便啊?

  • Anonymous

    資訊十分有用,謝謝!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!