2014年环濑户内海自驾游(Day 3)中篇 – 金刀比罗宫

金刀比罗宫座落系距离高松市只有30公里左右嘅琴平，佢最出名嘅地方系因为要行800级梯先至上到去，真系考你体力同毅力嘅地方。

从高松去琴平之间冇高速公路，不过呢条32号国道都好好行，大约40分钟左右就到。

如果唔系自驾可以坐JR或者琴平电铁到琴平车站，再行15-20分钟到金刀比罗宫山脚，呢架就系琴平电铁啦。

其实出发前做功课果阵揾过晒，已经知道冇可能直接开架车上山，不过都即管试下，睇下有冇可以系山腰度揾到可以泊车嘅地方，行少几百级都好，但结果系冇架。

原来唔少自驾嘅人都同我地有同一想法，不过最后大家都只有乖乖地返落山。

系山脚有好多停车场，基本上泊一次由几百至一千yen不等，离表参道入口越远就越平。另外系表参道入口周围有唔少商店嘅停车场，只要买满2000yen就可以免费，不过放低架车果阵要交低车匙，方便佢地可以移动架车。如果唔想交低车匙，可以选择泊一D收费嘅停车场。

我地揾左呢间系表参道入口嘅商店嘅停车场，走果阵入去买几盒手信已经够2000yen，可以免费泊车。可能大家会问系呢D商店买野会唔会贵D？我都有咁怀疑过，所以夹过价，证实佢嘅货品价格同其他店舖一样，冇因为提供免费泊车而卖贵D，不过款式就少D。

临走之前店员仲会一人俾一碌竹俾你旁身

原来每间店舖出面都有呢D竹，有D可以免费借，有D可能收你100yen租金。碌竹用黎做乜？咪就系做拐杖囉。所以系呢度就好似去左丐帮大会咁。

临近中午，都系周围睇睇再揾个地方食左午饭再上山。

最后决定入去呢间乌冬店

叫左两碗净乌冬再加两只温泉蛋，好味，尤其系D温泉蛋。

食完野开始挑战800级楼梯啦，呢度就系上山起点。

如果冇力行，可以坐呢D轿，不过唔见有人坐㖞，如果得你一个坐真系好样衰囉。

石级开头果段仲系表参道，两旁都系卖手信嘅商店。

行完360几级先至黎到金刀比罗宫大门

入左大门就系五百人姓，即系五个世袭小摊贩。

跟住系一段叫樱马场嘅路，应该系赏樱名所。

再上十几级黎到一个马厩，呢度真系养左只马。

因为时间关系，见到参加旅行团嘅团友黎到呢度都要走返转头，我地当然继续上啦。

呢度系个书院，冇咩睇。

向上再行一百几级就会去到一个叫旭社嘅地方

从旭社向上再行多百几级就系总殿御本宫啦

系呢度可以睇晒山下嘅美景

御本宫未系最高点，如果有兴趣同气力，仲可以行多500几级上到最顶嘅奥社。

– Day 3 未完，待续 –

返回游记主目录 >> 2014年环濑户内海自驾游 – 序章

↓ 在Google地图上查看今日行车路线和景点 ↓

往年日本关西游记：

• 2013年日本关西、北陆赏樱自驾游
• 2012年京阪之旅
• 2008年秋季京阪神红叶＋白浜温泉之旅
• 2007年大阪、京都五天自由行