2014年环濑户内海自驾游(Day 5)下篇 – 宫岛一日游(下)

上篇讲到我地系海水退潮嘅时间黎到宫岛嘅严岛神社，所以可以行落去水退之后嘅海滩同大鸟居影相，影够之后我地上返岸，准备入去严岛神社里面参观啦。

严岛神社入口，要入去参观当然要买入场券啦。

入神社前巡例先洁净下双手

其实严岛神社地方唔系好大，而且主要都只系沿住廻廊由入口行到出口咁参观，唔需要太多时间。

严岛神社嘅本殿，只可以系殿外参拜。

每间神社例必有嘅卖符嘅地方

本殿对出嘅平台分别叫高舞台同平舞台，系度望出去可以对正大鸟居影相。

接近神社出口仲有个能舞台

神社出口，虽然出口冇人看守，但呢度只可以出唔可以入，唔好偷鸡唔买飞系呢度鼠入去啊。

系严岛神社出口旁边仲有个小神社同寺院，不过唔系重点景点，所以冇入去睇。我地下一个景点系要去红叶谷坐缆车上去弥山。去红叶谷嘅路系宫岛消防署旁边，所以要由严岛神社出口先行返转头。

跟住路牌指示行就会去到呢个路口

前面就系消防署

未到消防署之前，转右上去就系去红叶谷嘅山路。

系呢度3月至11月期间会有免费穿梭巴士上去红叶谷，不过每20分钟先至有一班。我地黎到果阵距离下班车时间太耐，所以决定自己行上去红叶谷。

从巴士站行去红叶谷唔系好远，大约10-15分钟就可以去到，沿途会经过呢D地方。

中途有一间食店，俾佢嘅烧蠔香味吸引，就系度坐低食返几只烧蠔先，不过呢间舖D蠔味道麻麻地，唔建议系度食。

食店范围其实已经系红叶谷公园，再行前少少有条红叶谷桥。

果然冇改错名，就算系五月呢度都仲有红叶睇。

穿梭巴士系红叶谷嘅车站

呢架就系穿梭巴士，我地行到黎佢都仲未开工。

缆车站仲要再向上行多一段路

红叶谷缆车站就系呢个隐蔽嘅地方

缆车售票处就系地下，如果有买广岛电车嘅一日乗车券，买缆车票果阵记得出示，可以有450円折扣。

上车地方系缆车站二楼

由红叶谷上去弥山唔系一架缆车直接上去，需要先坐细缆车到中转站，再转坐大缆车。

细缆车只由红叶谷去到海拔367米嘅榧谷駅

从榧谷駅去山顶狮子岩駅嘅大缆车每15分钟一班，缆车其实并唔算大，只可以坐30个人，所以如果人多都可能要排好耐，好彩呢日冇乜人。

系缆车上可以俯瞰好靓嘅濑户内海美景

狮子岩駅高度系海拔430米

狮子岩未系弥山顶，如果要上到山顶展望台，要再行起码半个钟山路。

我地冇咁好脚骨力，只系狮子岩駅旁边嘅狮子岩展望台睇风景。

落到山脚咁啱有穿梭巴士到，当然坐车返出去啦。

坐巴士话咁快就返到消防署附近

买D烧番薯食，好味…

再行返严岛神社附近，发现呢间食店嘅烧蠔好香，而且好多游客系度买黎食。

两只蠔400円，抵食。

呢间D蠔好大只，味道比红叶谷果间正好多。

再返到严岛神社前面，发现海水已经浸左入去今朝落去影相嘅海滩。

大鸟居都成个被海水包围住

系表参道上见到呢间包店，套卡通片有D熟口面。

行左半日都未正式食午餐，离开宫岛前系表参道食左野先。

从宫岛返到广岛市区已经差唔多四点啦，本黎打算去埋原爆纪念馆，但又想行下街，最后都系只系外围影几张相就算。

游览结束，之后系shopping时间……

– Day 5 完 –

返回游记主目录 >> 2014年环濑户内海自驾游 – 序章

↓ 在Google地图上查看今日行车路线和景点 ↓

往年日本关西游记：

• 2013年日本关西、北陆赏樱自驾游
• 2012年京阪之旅
• 2008年秋季京阪神红叶＋白浜温泉之旅
• 2007年大阪、京都五天自由行