今次旅行系hea游，所以行程好轻松，而今日全日只得一个节目，就系留喺小樽慢游，其实主要就系行小樽堺町通，游完小樽傍晚时份先坐火车返札幌。

二世古系北海道著名嘅滑雪胜地，所以今次旅程重点会去二世古，不过因为我哋唔识滑雪，兴趣亦唔大，所以只系去滑雪场见识下，酒店亦唔系住喺滑雪场嘅渡假酒店，而系book咗一间二世古嘅温泉旅馆住一晚。

因为我哋怕冻嘅关系，喺咁天寒地冻嘅环境其实都唔多愿意周围走，所以今日只系计划去一个景点，就系北海道神宫。其实北海道神宫唔算系札幌嘅热门景点，不过因为未见过白雪衬托下嘅日本神社，所以专登去睇睇。

同2009年果次去北海道一样，今次都系过香港坐大韩航空经首尔转机，无他，因为平，圣诞节旺季都系5千蚊有找，而且澳门亦冇机直飞北海道，不过因为零晨机，上次试过已经知道会好辛苦。

因为怕冻嘅关系，咁多年嚟都唔想去一D天寒地冻大雪纷飞嘅地方旅行，不过旧年圣诞节终于决定试一试，去咗北海道过一个白色圣诞，尝试下踏雪嘅滋味。