----------

----------

2011年沖繩快閃觀禮之旅(Day 3[下篇]–沖繩美麗海水族館)

係Nakamura Soba食完麵之後,我地繼續起程前往沖繩美麗海水族館,路程40公里左右,主要沿住國道58號線同449號線行駛,大約要行一個鐘左右。呢段路大部份都係沿住海邊黎行,風景都好靚架,不過因為太累,乘客們都訓晒覺。

國道58號線

 


在較大的地圖上查看2011年沖繩自駕之旅行車路線和景點位置

 

沖繩美麗海水族館(沖縄美ら海水族館)位於沖繩北部本部町嘅海洋博公園入面,園入面除左沖繩美麗海水族館以外,仲有海豚劇場、海龜館、海牛館、海洋文化館、沖繩鄉土村同埋植物園等等好多設施,地方好大,不過因為時間有限,我地只可以參觀最出名嘅水族館。

沖繩美麗海水族館_圖7

 

前往沖繩美麗海水族館如果坐巴士,需要先坐118號快速巴士到名護總站,再轉坐65、66或70號巴士去到「記念公園前」站落車。

 

如果自己開車,從恩納出發的話要行大約一個鐘,如果由那霸出發,大約就需要2個鐘左右。海洋博公園入面有多個停車場,最近沖繩美麗海水族館而且又最大嘅係北停車場,亦即係P7停車場,Mapcode係553 075 743。

沖繩美麗海水族館北停車場入口沖繩美麗海水族館_圖6

 

自駕遊參考

沖繩美麗海水族館Tel.: 098-048-3748 | 沖繩美麗海水族館Mapcode: 553 075 743

 

我地到達沖繩美麗海水族館嘅時候都已經接近4點,係出面影完一輪相就入去準備買飛入場啦。

沖繩美麗海水族館_圖1沖繩美麗海水族館_圖2

 

去到大堂,見到大家都企晒係度,等乜呢?原來等緊夠鐘。

沖繩美麗海水族館_圖3沖繩美麗海水族館_圖4

 

原來係下午4點後入場嘅入場券有七折優惠,時間仲有一兩個字,冇理由唔等埋先。入場券大人原價係,1800円,七折之後係1,260円,我地咁多人都慳左唔少眨眼睛

 

沖繩美麗海水族館地方唔大,兩個鐘頭已經足夠,水族館冬天係下午6點半關門,4點入場仲有2個半鐘有足夠時間慢慢行同買埋手信啦。

 

除左參觀唔同海洋生物嘅各個展區之外,沖繩美麗海水族館嘅主要賣點,係佢嘅巨型魚缸同埋每日兩次嘅餵食鯨鯊表演,時間分別係下午15:00同17:00。

沖繩美麗海水族館_圖8沖繩美麗海水族館_圖9沖繩美麗海水族館_圖10沖繩美麗海水族館_圖11沖繩美麗海水族館_圖12沖繩美麗海水族館_圖13沖繩美麗海水族館_圖14沖繩美麗海水族館_圖15

 

另外參觀魚缸頂部亦係唔應該錯過嘅節目,不過開放時間只限10:00至14:30同埋17:30至關門呢兩段時間,計劃行程之前記得夾好佢嘅時間表啊。

沖繩美麗海水族館_圖16沖繩美麗海水族館_圖17

 

我地係水族館留到最後一刻,買埋手信先走人,原來等到關門先走沿路有成排工作人員排晒隊歡送架驚訝

 

離開沖繩美麗海水族館我地返去恩納食dinner,今次去左一間叫海の家嘅居酒屋小店,呢間都係睇旅遊書介紹,真係冇介紹錯,味道超正,不過偏咸,而且份量好少,但價錢超貴。呢Part相唔知去左邊,冇相睇嚎啕大哭

 

自駕遊參考

海の家Tel.: 098-966-2180 | 海の家Mapcode: 206 314 394

 

– Day 3 完 –

Related Posts Plugin for WordPress, Blogger...
2011年沖繩快閃觀禮之旅(Day 4 –Outlet Mall Ashibinaa)
2011年沖繩快閃觀禮之旅(Day 3[中篇]–萬座海灘、萬座毛)

分享這篇文章:

讚好本Blog Facebook專頁

2 comments

  • 如果行高速公路,由那霸去沖繩美麗海水族館應該兩小時之內可以到達,即日來回應該沒有問題,不過就沒有時間順道去沿途其他景點.

  • Anonymous

    如果我直接由那霸開車去美麗海水族館,時間要幾耐?即日來回係唔係冇可能呢?

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁