2008年秋季京阪神紅葉＋白浜溫泉之旅（第四天）II – 浜千鳥の湯．海舟、白浜

今晚住既溫泉酒店叫浜千鳥の湯．海舟，好似2007年10月才開幕，只有一年時間，真係好新，同埋好正，由ToreTore市場開車去大約20分鐘時間。

 

海舟算係白浜較高級既溫泉酒店，價錢比起其他都算係貴好多，今次我地係通過樂天訂房，因為有特價，一泊二食每人都係15,000円，不過呢個價都只係住佢最平果種房。

 

海舟出面既私家停車場，可以免費泊車

 

海舟大堂，成間旅店都舖晒地蓆，要除鞋先可以入去架

 

由房間望出去，無敵海景，間房雖然細細但裝修都好靚

 

下面係第二朝影既幾幅酒店內風景照片。

 

酒店客房大樓，左手邊冇露台既房就係最平果隻

 

獨立屋客房，當然係貴既野

 

從酒店海邊望到海中展望台同梅樽酒店

 

趁住時間仲早，先係白浜遊下車河先。

 

呢度就係崎之湯露天溫泉，不過當日咁大風邊敢入去啊

 

白浜海邊…..

沿住海邊開車，好快就到左白浜海水浴場啦

 

臨近冬天又凍又大風當然冇人啦，不過12月有燈飾，正在佈置中

 

再沿住海邊開車，好快見到另一景點 – 圓月島

 

係圓月島前既海邊馬路有個停車凹位，係最佳影相位置，冬天日落時間係4點半，未夠鐘已經好多自駕車停係度等。

 

圓月島日落

 

睇完日落係時候返酒店，其實白浜除左溫泉同自然景觀之外真係乜都冇架，所以一天黑唔返酒店真係冇咩地方好去囉。