《2009年初秋北海道自駕之旅》- 第四天(1) – 函館朝市、函館市內

日2009年9月29日(星期二)，天晴，氣溫12~20度

今朝起身第一件事做D乜？當然係打開窗睇下仲有冇落雨啦。哈…哈，個天總算俾面，今日陽光普照，都不知幾好天。

我地入住嘅Comfort Hotel Hakodate就係正函館駅對面，行過對面馬路就係函館朝市，好方便，而今日嘅早餐亦係朝市裡面食。

函館朝市外圍

函館朝市其中一處室內市場

酒店附送嘅兩張“きくよ食堂”食事券

用酒店附送嘅食事券可以任點指定嘅套餐，亦可以自己點餐牌上嘅任何食物，“きくよ食堂”出名魚生飯，黎到冇理由唔食架。最後埋單只需補多520円。

函館朝市的攤位

朝市亦有好多生果攤，最多係蜜瓜。

某店舖內嘅招牌公仔

呢間吉岡食堂有旅遊書介紹過，賣即食魚生或者即燒海鮮，我地要左件燒鮑魚，不過味道只屬一般。

函館朝市嘅規模都算幾大架，好多嘢睇好多嘢賣，呢度賣嘅粟米(280円一條)勁甜超正。

函館朝市隔離就係JR函館駅

Comfort Hotel Hakodate前嘅電車函館駅前站，啱啱有車埋站。

另一款電車. . .

食完早餐又行完函館朝市同函館駅附近之後，又要check-out起程啦。難得天氣晴朗，先驅車到元町區遊覽。

晨早嘅函館港

日間嘅金森倉庫，終於可以睇清楚個樣啦。

函館八幡坂. . .

從八幡坂望上去嘅函館山

舊函館區公會堂

舊函館區公會堂對出就係元町公園，可以望晒成個函館港。

今日會由函館開車去洞爺湖，中途會停留五稜郭公園同大沼國定公園遊覽。

今日嘅行車路線圖，行車距離170公里，由函館到洞爺湖，唔計中途停留遊覽同食飯時間，行車時間大約3小時。

待續. . . . . .