《2009年初秋北海道自駕之旅》- 第七天(1) – 四季彩之丘、拼布之路、千代田之丘、三愛之丘

2009年10月2日(星期五)，上午：天晴，下午及晚間：下雨，氣溫12~20度

 

雖然夜晚不時聽到經過嘅車聲，不過因為連日來旅程太勞累，所以都冇影響到我地睡眠。經過一晚充足睡眠，今日起身時完全叉足晒電。

 

尋晚食完晚餐之後已經約好今朝8點食早餐，去到飯廳浜本先生已經準備好早餐。

 

係飯廳度除左我地之外，仲有一個浜本先生嘅朋友叫大野先生。食完早餐之後，浜本先生介紹 左大野 先生我地識，原來佢係一個畫家，而且唔係一個普通畫家，因為佢兩隻手臂都斷左，所以兩隻手都裝左義支。用義支都可以畫到一手好畫，真係佩服。大野先生仲即席為我地畫左一幅人像送俾我地做紀念，真係幸運啊。

 

臨走前同大野先生、浜本先生夫婦影返幾張相留念，然後就離開Woody Life開始今天行程。

 

今日係最後一日自駕，行程主要係遊覽美瑛，然後經旭川返回札幌。

 

美瑛嘅主要特色，係因為屬於丘陵地形，所以區內嘅田園景色，望落去高低起伏，視覺上幾優美。旅遊書一般將美瑛嘅風景區劃分為“拼布之路”與“全景之路”。 “拼布之路”係深山峠至美瑛駅之間嘅地帶，所以離開Woody Life之間，我地首先遊覽“拼布之路”上各景點。

 

由Woody Life出發經過美馬牛駅之後，先到達美馬牛小學，不過搵唔到門口可以入去，而且又唔覺有咩特別，所以只係經過，然後就去今日第一個落車參選嘅景點 – 四季彩之丘。

 

四季彩之丘正門

 

四季彩之丘嘅招牌公仔

 

四季彩之丘內嘅景色

 

拼布之路嘅田園景色，可能已經D農作物已經收割晒，所以睇唔出有拼布嘅Feel

 

離開四季彩之丘，下一個景點叫千代田之丘，其實只係一個山丘上起左呢個亭。

 

由千代田之丘向三愛之丘行左冇幾耐，竟然係路邊發現有一塊好大嘅向日葵田

 

三愛之丘，又係一個山丘仔。

 

離開三愛之丘之後，基本上已經行完“拼布之路”，之後先駛去美瑛駅。

 

進入美瑛有兩條比較有特色嘅橋，上面果條係綠橋，下面果條係紅橋。

 

美瑛市區俾人嘅感覺好寧靜同休閒

 

呢度就係美瑛駅，地方好細架。

 

待續. . . . . .