《2009年初秋北海道自駕之旅》- 第三天(1) – 登別地獄谷、室蘭
2009年9月28日(星期一),上午:天晴,下午及晚間:下雨,氣溫12~20度
自駕雖然方便又自由自在,但係由於北海道太大,旅遊景點又太分散,用係行車上嘅時間實在太多,而且行車時間往往係日間最寶貴嘅時段,所以令到係景點遊覽嘅時間太少。另一個問題係,每日都要拾行李,都咪話唔煩。如果有多D時間,每個地方住兩晚咁就perfect啦。
今次北海道之旅為左爭取多D時間遊玩,每日都要係晨早7點起身,即係澳門時間6點,真係辛苦。
玉乃湯嘅早餐,好麻麻
晨早嘅登別溫泉街,好冷清
登別溫泉街上最受歡迎嘅店舖 – 7仔
登別溫泉街上嘅閻魔堂
泉源公園,只係個泉眼,冇咩特別嘢睇
從登別溫泉街通往地獄谷路邊嘅紅藍二鬼
登別地獄谷,就係第一瀧本館隔離,由溫泉街行過去只需大約幾分鐘路程
登別地獄谷一景
登別地獄谷另一景
玉乃湯嘅大堂,主人家每日朝早9點都會表演自製年糕,我地遊完地獄谷返到去已經9點半,睇唔到。
雖然冇得睇,但係都有得食,玉乃湯自家製年糕。
食完糯米滋係時候拾行李,臨走前再浸多一次溫泉先。
今日嘅行車路線圖,行車距離230公里,由登別溫泉經室蘭到函館,唔計中途停留遊覽同食飯時間,行車時間大約4小時30分。
向室蘭進發,今日天色麻麻
室蘭地球岬,其實冇咩特別,台灣墾丁嘅景色會靚佢好多。
因為電話number問題,俾個GSP帶左去另一處地方,可能係管理中心之類,最後足足用多左半個鐘先搵到真正嘅地球岬所在,可惜景色太令人失望。
地球岬上嘅幸福之鐘
係室蘭嘅下一個景點係白鳥大橋,呢度就係所謂嘅展望台,又一次失望。
駛過白鳥大橋,正式向函館進發。
沿途有多處整路,D工人真係好辛苦。
中途係路邊一間市場食Lunch,不過一D都唔平,而且唔係咁好食。
中午過後一直落雨,到半夜都未停。
待續. . . . . .
如果喜歡這篇文章,請點個「讚」吧!