《2009年初秋北海道自駕之旅》- 第二天(2) – 登別溫泉、滝乃家別館玉乃湯
遊完支笏湖已經4點半,因為由支笏湖到登別溫泉預計要1粒鐘,為免入黑開車,所以就拿拿淋走人。
呢間就係我地住嘅滝乃家別館玉乃湯,第二朝影架,原來旅館正面只係影過個人照,唔記得影返張相,真失敗。
玉乃湯嘅和室房間
玉乃湯只有20幾間房,感覺上好warm,不過職員就唔係太識英文,所以溝通起上黎有D難度,不過好彩都明白大家意思。而係溫泉方面,男女只有各一個室外溫泉,而且只屬一般。另外,佢嘅房間係冇沖涼設施架,一定要去溫泉浴場度先有得沖。至於晚餐同早餐亦屬一般,整體上我嘅評分都唔係太高。
晚餐前菜,味道一般
串燒,份量太少
餐單,其他食物都係一般,所以冇影太多相
因為登別溫泉街嘅店舖好多都會開到晚上10點,所食完飯仲有時間行下。
可能唔係旅行旺季,所以登別溫泉並唔係太多遊客,溫泉街亦冇咩人行,眼見只有一團廣東團同一團台灣團。
大黑屋,好多旅遊書介紹,不過查實冇咩特別嘢值得買。
好Q嘅鬼石像
第二天行程結束。
如果喜歡這篇文章,請點個「讚」吧!