《2009年初秋北海道自駕之旅》- 第五天(3) – 政壽司、小樽運河、天狗山

因為之前係LeTAO買嘅芝士蛋糕要放雪櫃，所以行完堺町通之後先回一回酒店先，放低蛋糕之後再出去食今晚dinner。聽講小樽嘅壽司出名，所以今晚決定去最出名嘅政壽司。

本來打算去位於壽司通嘅政壽司本店，不過開車經過時發現冇開門，所以轉移到位於小樽運河對面嘅分店。左手邊係出拔小路，右手邊就係政壽司。

小樽運河對面嘅食街 – 出拔小路

政壽司，行樓梯上去就係正門。

先來個響螺刺身，真係好爽好鮮甜. . .

再來一set壽司套餐，用料真係冇得頂，貴都值得。

之前買左本叫“北海道自覽遊”嘅旅遊書，裡面有唔少折扣券，其中有一張係小樽政壽司嘅九折券，又慳到成千円。

食飽飽再行返小樽運河取車，因為架車又泊係運河邊免費停車吉地。

順道睇下小樽運河夜景

九月尾十月頭北海道嘅天氣都仲未凍，夜晚氣溫都有18度，日間通常都有20度，如果出太陽仲會好熱添。

入夜之後小樽都冇咩地方好去，所以決定去一去天狗山睇下小樽夜景，聽講小樽夜景係繼函館、札幌之後，北海道第三大夜景。係函館因為天氣關係睇唔到第一名嘅夜景，咁今晚睇到第三名都好啦。

由小樽運河開車去天狗山腳嘅纜車站唔洗15分鐘。同函館相比，天狗山纜車嘅規模真係細好多。上到山上觀景台亦冇咩設施，夜景亦屬一般之中嘅一般。

呢個就係從天狗山上望到嘅小樽夜景啦

天狗山上面有個叫天狗之館嘅展覽館

第五天行程結束。