文章分類: 2008年東京春季賞櫻+溫泉之旅

東京賞櫻自由行:東京櫻花景點推薦、滿開時間、行程規劃和遊記分享

東京是日本首都和最繁榮的大都會,除了購物和美食之外,東京也是日本最主要的賞櫻勝地,東京市內的櫻花景點很多,而且分佈比較集中,又在地下鐵或火車站附近,所以到東京賞櫻行程安排比較簡單,只要決定好旅行日數和選定要去的櫻花景點,就可以輕易結合其他景點和購物安排每日行程。

» 閱讀全文

2008年東京春季賞櫻+溫泉之旅(第六天) – 仙石原一之湯、大涌谷、箱根湯本

呢一晚真係成個行程中訓得最好嘅一晚,不過半夜就發生左一D不可思議事件。話說我地係雨天下聽住雨聲好舒服咁入睡之後,訓訓下去到大約半夜時份,俾D”沙沙”聲嘈醒左,本來唔想理佢架,不過嘈住晒好硬耳,於是咪起身睇下囉,原來係個電視自己開著左,不過畫面就只得雪花。我估可能係之前只係用遙控器熄部電視,之後因為機器故障而引至自動開返啦。不過當時都唔得閒分析咁多,因為好眼訓,所以將電視機個制熄左佢就繼續訓覺,好彩佢之後冇又再開返。

» 閱讀全文

2008年東京春季賞櫻+溫泉之旅(第五天 [3]) – 仙石原一之湯

仙石原一之湯網頁度教人搭巴士去到”仙石原文化センター前”站落車,然後再行6分鐘路就可以去到,不過之前係網上見有去過嘅人介紹係”大原”站落車會比較方便,所以我地都諗住坐去大原站。問左司機原來架車唔去仙石原文化センター前,但就會去大原,咁當然啱晒我地啦。

» 閱讀全文

2008年東京春季賞櫻+溫泉之旅(第五天 [2]) – 箱根町、蘆之湖、海賊船

因為已經係午飯時間,去到箱根町開始肚餓啦。箱根町海賊船碼頭出面有間賣手信嘅專門店,樓上有間幾大下嘅食店架,我地就係呢度食左係箱根嘅第一餐。呢間野真係好多遊客食,仲見到有個旅行團係度食添,不過有個男侍應就真係冇乜禮貌。我地入到去以為係就咁坐低然後叫野食,但原來係要先係個Counter度寫低個名同人數,再等佢地同你安排坐位架,第一次去鬼知咩,但個男侍應就表現得好唔耐煩咁,可能太多野做做到好燥。

» 閱讀全文

2008年東京春季賞櫻+溫泉之旅(第五天 [1]) – 小田急火車、箱根、箱根神社

今日好興奮啊,因為接住兩日會離開東京去箱根遊覽,其實小弟對郊外地方比較有興趣,反而大城市就麻麻地,所以對接住呢兩日嘅行程好期待,可惜天公不造美,係東京嘅時候好地地,但係一去到箱根就落雨,仲係要落到我地上火車離開果陣就停,咁玩野,係唔係唔歡迎先?

» 閱讀全文

2008年東京春季賞櫻+溫泉之旅(第四天 [2]) – 原宿、竹下通、明治神宮、千鳥淵公園、靖國神社夜櫻

去到原宿先發現選錯時間來,原來諗住星期六原宿會多D野睇,點不知星期六嘅原宿真係超多人,可以話水洩不通,原宿駅又鬼死咁細,落車之後迫出車站出面都迫左好耐先到。

» 閱讀全文

2008年東京春季賞櫻+溫泉之旅(第四天 [1]) – 井之頭公園、吉祥寺、新宿御園

今日係成個旅程中去得最多點景嘅一日,我地成個旅程總共去左五個櫻花名所賞櫻花,而今日一日之內就走左三處,真係行到腳都軟,不過三個地方嘅櫻花都真係好靚,就算行到腳痛都值得。

» 閱讀全文

2008年東京春季賞櫻+溫泉之旅(第三天) – 上野恩賜公園、迪士尼樂園

今年可能好多人都俾東京嘅天氣玩死,本來今年天氣比上年凍左,人人都估今年櫻花會比往年遲開,我地出發之前都係咁諗架,點知去到3月尾東京嘅氣溫突然回暖,攪到D櫻花突然間開晒,比上年仲早左開花。

» 閱讀全文

2008年東京春季賞櫻+溫泉之旅(第二天[1]) – 築地市場

今次旅行每日都係大約7點半(即係澳門時間6點半)起身,今日係旅程第二日,早起都冇乜難度,起身洗完面著埋衫就出發去築地市場。由新宿坐地鐵丸之內線係霞ケ関轉日比谷線,去到築地站落車就到,出左車站大約行100米就見到築地外市場架啦。

» 閱讀全文

2008年東京春季賞櫻+溫泉之旅(第一天) – 新宿太子酒店

計劃左成個幾月,今日終於出發,心情當然興奮啦。晨早4點零就起左身,因為要坐朝早6點船過香港,5點零就出門口坐的士囉。原來咁早call電召的士都有好多車,話咁快就到左碼頭。第一次咁早去到碼頭,有好多香港人坐係樓梯度恰緊,可能賭完等緊6點第一班船返香港。

» 閱讀全文