2008年东京春季赏樱+温泉之旅(第八天) – 中目黑 (完)

200842(天晴,气温12~18度)

行程:新宿 _ 中目黑 _ 新宿 _ 成田空港 _ 香港 _ 澳门

 

今日系东京之旅嘅last day,因为系下午六点半机,所以仲有半日时间用,不过因为想去嘅地方都去左,而且对脚又累,所以今日只系去左中目黑睇樱花,之后就系新宿D百货公司行下等够钟坐巴士去机场

 

由新宿去中目黑要坐JR去惠比寿转地铁,由酒店出发计大约要20几分钟时间架。其实中目黑冇咩特别野睇,今次去都只系去睇下目黑川两傍嘅樱花,不过真系好靓架。

 

系惠比寿转车果阵影

惠比寿

 

目黑川似条水渠多过条河

中目黑5

 

目黑川上有好多条桥,系影相嘅好地方

中目黑3

 

由桥上影嘅中目黑樱花,好靓啊

中目黑1中目黑4

 

目黑川两边D楼都好正架,听讲好贵

中目黑2

 

由于我地早出门,所以去完中目黑返到酒店都仲未到10点,仲可以去食返个酒店自助早餐添,虽然唔好食但都冇理由浪费啦。酒店规定11点前check-out,虽然check-out之后可以寄存行李,不过因为费事又要行返去攞,所以我地都决定攞埋行李走,剩返两个几钟时间就系小田急百货同京王百货里面渡过,因为机场巴士车站就系京王百货出面。

 

如果拖住大件行李,坐巴士真系比电车方便架,一来巴士站系路面,唔洗好似坐电车咁攞住行李上落楼梯,二来机场巴士站系新宿駅西口果边,由新宿太子去西口条路阔D,人又少D,好行好多,如果坐Narita Express,就要去新宿駅东口,果边人又多路又窄,拖住喼行都几麻烦架。

 

系小田急百货同京王百货,都系行下佢地个食品部,因为D食物真系好吸引。

 

系京王百货买嘅北海道海胆蟹肉便当,盛惠1,200円,好味

便当

 

系新宿京王百货出面嘅Airport Limousine Bus车站,去成田空港嘅车次好密架,每15分钟有一班,而且每班车都会有位剩,所以就算去到先买车飞都冇问题。我地之前已经买左飞,去到果阵仲未到时间,不过因为啱啱要开出果架车仲有位剩,所以我地就决定早D去机场,就咁结束8日东京箱根之旅啦。

 

去到机场仲有样野要做,就系去返入境时买Narita Express车飞果间JR Counter,攞返Suica Card嘅按金,每张有500円按金攞返架,不过最好用尽佢先,唔好蚀底啊。

 

因为要经香港搭船返澳门,返到屋企差唔多系第二日零辰一点半架啦,由上机场巴士起计,差唔多用左12小时先由东京返到澳门。

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share