2008年东京春季赏樱+温泉之旅(第七天) – 秋叶原、银座、新宿六歌仙

200841(全日天晴,气温11~18度)

行程:新宿 _ 筑地 _ 上野 _ 秋叶原 _ 银座 _ 新宿

 

今日系东京之旅last第二日,所以今日安排嘅行程主要系血拼 – Shopping。最后两日嘅酒店房包埋早餐,每位加HK$50架,不过D早餐好难食,冇样野啱我口味,所以只系食左少少。

 

因为团友想买海产,所以食完酒店难食早餐之后,第一站再去多次筑地,不过只系系外市场一带,当然顺道再食多次好好味嘅井上中华拉面啦。因为之前已经去过筑地,而今日再去系买野,所以冇乜影相,买完亦都即时再坐地铁向下一站上野出发。

 

因为系旅程第三日我地已经去左上野公园睇樱花,所以今日去上野主要系买手信。去到上野已经系10点几,好多店铺都开晒门架啦,今日主攻当然系手信专门店二木之菓子啦

 

上野百果圆,一盒两包装嗁草莓都只系卖800円至900,比系百货公司食品部平成一半价钱,好抵啊,所以都买左D带返黎

上野百果园

 

本来打算系上野买完手信就直接去下一站秋叶原,不过因为不知不觉买左好多,一袋二袋咁真系好重,所以都系先将手信攞返酒店先再出过黎啦,由上野坐JR山手线去返新宿都要成半粒钟架。

 

系酒店放低行李再抖左一抖之后又出发去秋叶原,今次我地JR中央线特急,比山手线站站停快好多,不过因为中央线唔到秋叶原,所以要转一次车囉。

 

去到秋叶原都差唔多一点,开始肚饿添,本来打算系旅游书介绍位于JR秋叶原站隔离个Akihabara Dept食D平价猪扒饭,点知果座野翻新紧,咁唯有揾过另一间医肚啦,点知原来电车男系唔多需要食野架,秋叶原唔系太多食店可以选择,最后都系去左间吉野家度食。

 

秋叶原周围都系电器店

秋叶原2秋叶原3

 

秋叶原好多妹妹仔派传单,呢个靓D所以影低佢

秋叶原1

 

秋叶原好多性商店架,呢间系其中一间,D货品真系琳琅满目,要乜有乜架

秋叶原4

 

本来想去秋叶原睇下日本有乜野新颖电子产品,又或者有冇一D抵食Product买返件,点知行左几间发觉都冇乜惊喜,间间都系卖相机、摄录机、NDSL、PSP之类,仲要同港澳卖嘅款式差唔多,而且价钱又唔平。

 

行完秋叶原下一站系银座,本来想坐地铁过去,不过揾左好耐都揾唔到地铁站,最后都系傻傻地坐JR去返上野再转地铁,因为上野JR站同地铁站就系隔离,容易D揾。

 

因为上次去东京已经系银座逗留过唔少时间,所以今次主要系同团友去Fancl同Burberry Blue Label两间旗舰店睇下有冇野买,至于其他名店,因为冇钱所以都冇入去啦。虽然话银座间Fancl同Burberry系旗舰店,不过真系好少款,所以最后银座血拼只系空手而回。

 

银座中央通

银座2

 

银座和光百货

银座1

 

因为今晚系东京最后一晚,所以决定Dinner食豪D,就系去六歌仙食和牛+长脚蟹BBQ任食放题啦。我地先返酒店抖左一阵,之后就行过去攞位。六歌仙就系新宿太子斜对面,如果住面向铁路果边嘅房,应该可以系窗口望到。

 

由新宿太子酒店窗口望出去,条铁路系JR山手线,对正十字路口果座有10几层高嘅大厦就系六歌仙所在。左手边有堆屋仔果度系条食街,有10几间平价食店架。

酒店房外望1

 

好多人都讲六歌仙晚晚都好full,要先打电话去订位,我地去果阵系7点左右,谂住咁早应该可能有位啦,点知去到真系full晒,要等到9点之后先有位,因为系最后一晚,所以唯有等到9点囉。所以如果大家想去,记得前一日先打个电话去book左先啊,呢度系佢个网址,有电话,可以参考下http://www.rokkasen.co.jp/

 

我地系周围行左个几钟之后,因为肚饿冇力行所以未到9点就上返去等位,不过都系要等到9点先有位。系六歌仙可以食套餐,亦可以食任食放题,可以选择火锅同BBQ,而且有几款唔同价钱嘅Set可以选择,最贵嘅要2万几円,我地就叫左最平嘅雪之宴,每位6,300円,比旅游书讲嘅贵左几百。

 

任食放题系有时间限制架,开始之后,佢地就会计时架啦,一定要系90分钟之内食完,不过食物要系60分钟之内落单,最后30分钟只可以叫面类。一开始佢地会先上五碟野,包括和牛、蟹、鸡肉同埋两碟唔记得系乜。其实食完呢D已经有七成饱架啦,之后可以任叫佢指定嘅食物,除左先前上嘅和牛同蟹之外,仲有虾、带子等等。可能系平嘅关系,我觉得D和牛麻麻地,所以最好全部叫蟹、虾同带子,D蟹脚真系好好味架,不过唔好叫咁多,因为食剩要按每碟加钱架。

 

因为时间紧迫,就好似比赛咁一吹鸡我地就搏命烧搏命食,所以都冇点影相囉。

 

其中指定嘅四碟野

六歌仙2

 

因为限时关系,所以一路烧果阵好心急想佢快D

六歌仙1

 

经过一轮冲刺,东京之旅中最豪嘅一餐终于完结,真系食到好饱,不过咁食野太刺激,下次都系咪搅啦。

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share