《2009年初秋北海道自驾之旅》- 第七天(1) – 四季彩之丘、拼布之路、千代田之丘、三爱之丘

2009年10月2日(星期五)，上午：天晴，下午及晚间：下雨，气温12~20度

虽然夜晚不时听到经过嘅车声，不过因为连日来旅程太劳累，所以都冇影响到我地睡眠。经过一晚充足睡眠，今日起身时完全叉足晒电。

寻晚食完晚餐之后已经约好今朝8点食早餐，去到饭厅浜本先生已经准备好早餐。

系饭厅度除左我地之外，仲有一个浜本先生嘅朋友叫大野先生。食完早餐之后，浜本先生介绍 左大野 先生我地识，原来佢系一个画家，而且唔系一个普通画家，因为佢两只手臂都断左，所以两只手都装左义支。用义支都可以画到一手好画，真系佩服。大野先生仲即席为我地画左一幅人像送俾我地做纪念，真系幸运啊。

临走前同大野先生、浜本先生夫妇影返几张相留念，然后就离开Woody Life开始今天行程。

今日系最后一日自驾，行程主要系游览美瑛，然后经旭川返回札幌。

美瑛嘅主要特色，系因为属于丘陵地形，所以区内嘅田园景色，望落去高低起伏，视觉上几优美。旅游书一般将美瑛嘅风景区划分为“拼布之路”与“全景之路”。 “拼布之路”系深山峠至美瑛駅之间嘅地带，所以离开Woody Life之间，我地首先游览“拼布之路”上各景点。

由Woody Life出发经过美马牛駅之后，先到达美马牛小学，不过揾唔到门口可以入去，而且又唔觉有咩特别，所以只系经过，然后就去今日第一个落车参选嘅景点 – 四季彩之丘。

四季彩之丘正门

四季彩之丘嘅招牌公仔

四季彩之丘内嘅景色

拼布之路嘅田园景色，可能已经D农作物已经收割晒，所以睇唔出有拼布嘅Feel

离开四季彩之丘，下一个景点叫千代田之丘，其实只系一个山丘上起左呢个亭。

由千代田之丘向三爱之丘行左冇几耐，竟然系路边发现有一块好大嘅向日葵田

三爱之丘，又系一个山丘仔。

离开三爱之丘之后，基本上已经行完“拼布之路”，之后先驶去美瑛駅。

进入美瑛有两条比较有特色嘅桥，上面果条系绿桥，下面果条系红桥。

美瑛市区俾人嘅感觉好宁静同休闲

呢度就系美瑛駅，地方好细架。

待续. . . . . .