《2009年初秋北海道自驾之旅》- 第六天(3) – 民宿Woody Life

睇左旅游书猛话去富良野或者美瑛一定要住民宿,唔系就等于冇去过咁话,所以咪试下揾间黎住下囉,其实住民宿绝对唔平,分分钟同住温泉旅馆差唔多价钱,可能因为细规模,唔收贵D根本维唔到皮啦。

 

今次我地选择左呢间叫Woody Life嘅民宿,因为网上有唔少人都推介,而我地最终决定入住Woody Life嘅主要原因,系因为贪佢有独立浴室

 

虽然网上好多人介绍过Woody Life,不过都冇清楚讲明佢座落嘅住置同埋附近环境情况,所以我地原本以为佢系座落系离开大路嘅地带,可以享受乡村嘅宁静,点知去到先发现情况同想像完全唔同

 

原来Woody Life就系正237号国道旁边,如果由上富良野向美瑛方向行驶,一过左深山峠休息站,右手边路边就系。以地理位置黎睇,住Woody Life嘅好处系地方好易揾,但系缺点就系太接近大马路,感觉冇咩安全感,而最大问题系夜晚有车经过时真系好嘈

 

由于系淡季,所以当晚只得我地两个客人,另外仲有几个日本人,不过就唔知系客人定系民宿主人嘅朋友。我地订左一间小木屋,系佢网站内叫做1阶建。由于冇其他人住,所以我地可以自己选择一间。

 

小木屋嘅外型,总共有两间,形状系相同架,不过一间系一张双人床,另一间系两张单人床。

Woody Life2

 

小木屋入面,非常之细,个厕所就更加的色。

Woody Life3

 

之前系网上听讲Woody Life入面系百冇,冲凉液、洗头水、牙膏、牙刷通通需要自备,不过去到发现啱左一半,原来厕所入面有冲凉液、洗头水,而牙膏、牙刷、毛巾就需要自己带去。

 

Wood Life嘅住宿费每人6,000円,我地用e-mail [woodylif@d9.dion.ne.jp]订房时要求订埋晚餐同第二朝早餐,需要另外计钱,早餐每位1,000円,晚餐1,500円。当初订埋晚餐系因为怕夜晚揾唔到地方食饭,所以决定系民宿食埋,不过食过之后,发现Wood Life晚餐嘅黑咖哩饭,绝对系佢嘅重要卖点,不可不试,因为真系超好味

 

系房度休息左一阵已经到6点半,系开饭时间啦。

 

呢度就系Woody Life嘅饭厅啦。

Woody Life4

 

饭厅另一角

Woody Life5

 

先来个蛋花汤,好好味。

Woody Life6

 

主菜黑咖哩饭,超好味,唔食走宝。

Woody Life7

 

饭后甜品. . . . .富良野哈密瓜

Woody Life8

 

饭厅每张枱都有一本簿俾住客写下感受,虽然唔知呢位住客写D咩,不过从图画黎睇应该系赞紧佢嘅黑咖哩饭。

Woody Life9

 

由于连日来行程紧密,开始感到有D累,而且富良野一带嘅公路并冇街灯,路面又窄,开车出去好似有D危险,所以食完饭之后决定返房冲凉,然后一早训觉,抖足精神。

 

以下几张系第二朝影嘅Woody Life相片。

 

从小木屋望过去,招牌隔离就系公路,相距只有大约50

Woody Life10

 

行去Wood Life饭厅嘅入口

Woody Life11

 

Wood Life饭厅门口

Woody Life12

 

Wood Life傍边有间叫贝之馆嘅超细私人艺术馆

Woody Life13

 

Wood Life后面有一块属于民宿主人浜本先生嘅薰衣草田,可惜已经收割晒。

Woody Life14

 

第六天行程结束。

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!