2015年韩国首尔+釜山赏樱之旅 – 序篇

除咗日本之外,韩国系第二个热门嘅赏樱地方。韩国虽然面积唔大,但南北地区樱花嘅开花时间有一定差距,所以如果想喺短短七、八日嘅旅程中既睇到首尔盛开嘅樱花,又见到釜山嘅樱花满开,真系有D难度。所以今年(2015年)复活节嘅韩国首尔+釜山赏樱之旅,只能作出取舍。

2015 Seoul+Busan Trip

 

位于南部釜山附近嘅镇海系韩国最著名嘅赏樱圣地,所以呢次旅程嘅重点系镇海嘅樱花。韩国南部嘅樱花开花时间比北部早,所以呢次旅程嘅日期就定喺三月尾至四月头,希望可以遇上釜山、镇海樱花嘅满开时间,而首尔樱花嘅开花时间比较迟,相信四月头睇到樱花盛开嘅可能性唔大,所以首尔只系今次旅程嘅陪衬。

 

一、行程与游记

 

呢次韩国首尔+釜山赏樱之旅嘅时间只有七日,其中头尾四日会喺首尔,而中间三日就去釜山同镇海。各日嘅行程同游记大致如下:

 

第一日 – 从澳门飞首尔,到达后已经系下午,所以第一日嘅行程只安排喺明洞行下街Shopping下咁。
游记:2015年韩国首尔+釜山赏樱之旅(Day 1) – 明洞行街街、姜虎东食烤肉

2015 Seoul+Busan Trip_Day1_1 2015 Seoul+Busan Trip_Day1_2 2015 Seoul+Busan Trip_Day1_3 2015 Seoul+Busan Trip_Day1_4

 

第二日 – 第二日嘅行程主要去前几次到首尔时未去过嘅北村韩屋村游览,而其余时间都系去食好嘢,包括再去土俗村食人参鸡,去新村食孔陵一只鸡,同埋去奖忠洞猪脚食每次都会食嘅平安道猪脚。
游记:2015年韩国首尔+釜山赏樱之旅(Day 2) – 北村韩屋村、土俗村人参鸡、孔陵一只鸡、平安道猪脚

2015 Seoul+Busan Trip_Day2_1 2015 Seoul+Busan Trip_Day2_2 2015 Seoul+Busan Trip_Day2_3 2015 Seoul+Busan Trip_Day2_4

 

第三日 – 釜山嘅行程从第三天开始,上午从首尔火车站坐KTX去釜山,可惜呢日南部嘅天气麻麻,下午到步果阵釜山不停咁落雨,所以取消咗原先去海云台嘅计划,改为喺南浦洞行下街食下嘢。
游记:2015年韩国首尔+釜山赏樱之旅(Day 3) – 釜山南浦洞BIFF广场黑糖饼、富平炸鸡

2015 Seoul+Busan Trip_Day3_1 2015 Seoul+Busan Trip_Day3_2 2015 Seoul+Busan Trip_Day3_3 2015 Seoul+Busan Trip_Day3_4

 

第四日 – 呢次赏樱之旅喺今天先算系正式开始,因为之前几天仲未见到过乜嘢樱花,而今日会由釜山到镇海参加军港节樱花祭,而且亦都顺呕去埋釜山洛东江旁边嘅挂法樱花隧道,全日所见嘅都系满开嘅樱花,超满足。
游记:2015年韩国首尔+釜山赏樱之旅(Day 4)上 – 釜山挂法樱花隧道
游记:2015年韩国首尔+釜山赏樱之旅(Day 4)下 – 镇海军港节樱花祭

2015 Seoul+Busan Trip_Day4_1 2015 Seoul+Busan Trip_Day4_2 2015 Seoul+Busan Trip_Day4_3 2015 Seoul+Busan Trip_Day4_4

 

第五日 – 今日要离开釜山返回首尔啦,不过我哋买咗下午嘅KTX车票,所以仲有一个上午可以用,而呢半日嘅行程就系去釜山其中一个赏樱热点南川洞,离开釜山前仲去埋札嘎其市场食海鲜。
游记:2015年韩国首尔+釜山赏樱之旅(Day 5) – 釜山南川洞樱花路、札嘎其市场

2015 Seoul+Busan Trip_Day5_1 2015 Seoul+Busan Trip_Day5_2 2015 Seoul+Busan Trip_Day5_3 2015 Seoul+Busan Trip_Day5_4

 

第六日 – 虽然明知四月头首尔嘅樱花未系时候,但今日都仲系决定去首尔嘅赏樱热点汝矣岛睇睇,之后就到新沙洞行街。
游记:2015年韩国首尔+釜山赏樱之旅(Day 6) – 汝矣岛樱花、新沙洞Line Store、酱油蟹

2015 Seoul+Busan Trip_Day6_1 2015 Seoul+Busan Trip_Day6_2 2015 Seoul+Busan Trip_Day6_3 2015 Seoul+Busan Trip_Day6_4

 

第七日 – 今日返回澳门嘅飞机虽然系下午机,但都冇打算安排行程,喺酒店训够,再落明洞食埋个早餐,就芝芝悠悠咁坐机场巴士去仁川机场。
游记:2015年韩国首尔+釜山赏樱之旅(Day 7) – 旅程结束

2015 Seoul+Busan Trip_Day7_1 2015 Seoul+Busan Trip_Day7_2 2015 Seoul+Busan Trip_Day7_3 2015 Seoul+Busan Trip_Day7_4

 

 

二、住宿酒店

 

今次七日旅程只系入住两间酒店。喺首尔入住嘅系Loisir Hotel Seoul Myeongdong,呢间酒店嘅质素算系中规中矩,冇乜特别,但就胜在位置超正,酒店就喺正明洞地铁站5号同6号出口旁边,好方便。想了解多D呢间酒店嘅介绍同评价,可以参考之前post嘅呢篇《住@首尔明洞Loisir Hotel Seoul Myeongdong》。

2015 Seoul+Busan Trip_Loisir Hotel_1 2015 Seoul+Busan Trip_Loisir Hotel_2 2015 Seoul+Busan Trip_Loisir Hotel_3

 

而喺釜山,我们就入住咗喺南浦洞购物区嘅Hotel Aventree Busan,呢间酒店无论位置同质素都好好,详细介绍同评价可以参考之前post嘅呢篇《住@釜山Hotel Aventree Busan(亚云树酒店)》。

2015 Seoul+Busan Trip_Aventree Hotel_1 2015 Seoul+Busan Trip_Aventree Hotel_2 2015 Seoul+Busan Trip_Aventree Hotel_3

 

 

三、首尔去釜山

 

由首尔去釜山我哋坐高速火车KTX,唔使三个钟就到,而且今次我哋买咗KR Pass,悭咗唔少钱。不过唔系任何情况买KR Pass都抵D,要睇日数同埋行程,详细分析同埋网上订票同换票嘅介绍可以睇返呢篇《韩国外国人专用火车通行证KR Pass》。

2015 Seoul+Busan Trip_KTX_1 2015 Seoul+Busan Trip_KTX_2 2015 Seoul+Busan Trip_KTX_3

 

 

四、WiFi蛋

 

今次第一次喺韩国租WiFi蛋,觉得佢嘅高速同稳定性都好过日本WiFi。今次租嘅系韩国MobilePOP呢间公司嘅WiFi蛋,详细介绍可以睇返呢篇《韩国MobilePOP Pocket WiFi Router使用分享》。

MobilePOP_1 MobilePOP_2 MobilePOP_3

 

 

相关文章

 

如果喜欢这篇文章,请点个“赞”吧!

One comment

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!