今日既行程系先去参观世畀文化遗产姬路城，再去神户食神户牛和睇夜景。去姬路坐JR特急要差唔多一个小时，单程车票好似要大约1,000円，所以用2,000円买返张一日关西JR-West Rail Pass用黎去姬路、神户，再返大阪有着数，可以节省差唔多三分之一车费。

因为check-in时预约左8点先食晚餐，返到酒店仲有成三个钟时间，唯有先系酒店内周围行下浸下温泉先。呢间酒店其中一个特色就系大堂有个地方，放左好多和服系度，有不同款式，住客可以随便取来穿着，所以每浸完一次温泉揾一次衫都冇问题架，我地都换左几套，最后check-out时房入面就留低成房和服系度。

今晚住既温泉酒店叫浜千鸟の汤．海舟，好似2007年10月才开幕，只有一年时间，真系好新，同埋好正，由ToreTore市场开车去大约20分钟时间。海舟算系白浜较高级既温泉酒店，价钱比起其他都算系贵好多，今次我地系通过乐天订房，因为有特价，一泊二食每人都系15,000円，不过呢个价都只系住佢最平果种房。

今日既行程原本系计划上午去京都岚山，下午去二条城，然后再去贵船神社睇红叶。但后来觉得京都既红叶并唔系想像中咁靓，团友又想多D时间去shopping，所以下午既行程改为去心斋桥一带行街。

上一次黎京都既时候按照旅游书介绍，去过位于河源町既鱼心寿司食晚餐，当时真系觉得好正好好味，所以今次谂住再去回味，不过食完觉得D材料同味道同上次好似差好远，所以今次都唔系食左好多，亦都冇影到相。

秋天关西既天气都几清爽下，呢几日气温都系介乎7度至15度之间，除左早晨较冻之外，其实大部份时间都可以唔著褛。不过开头几日就冇乜阳光，个天阴阴地，都有D影响影相既质素架。