2008年東京春季賞櫻+溫泉之旅(計劃篇)
計劃咗成個月嘅東京櫻花之旅終於係尋日confirm晒啦
其實今次個旅行計劃係上年12月已經諗緊,事關上年11月底去東京公幹果陣,本來打算做完嘢自費留低玩幾日架,但最後因為某D原因,冇辦法成事
今次旅程決定去足8日7夜,因為機票最多可以延長至8日,再長D就要加錢,而且8日都應該夠晒皮啦,再長D怕頂唔住(包括身體同銀包
根據上年經驗,東京一帶嘅櫻花係4月1日 左右滿開,所以最後決定今次旅程由3月26日 至4月2日 進行,決定呢段時間嘅另一個原因,係有“團友”需要在清明節返黎拜山
今次除左睇櫻花,仲會去埋東京附近嘅箱根浸下溫泉,同欣賞大自然景色。
下面先將今次旅程嘅初步行程列出黎等大家參考參考,亦都可以用黎等完成旅程後對照下。
旅程資料
出發日期:2008年3月26日
回程日期:2008年4月2日
飛機航班:國泰CX520,10:15 / CX505,18:30
東京酒店:新宿太子
箱根酒店:仙石原はたご一の湯
行程計劃
第1日(26/3,星期三)
乘坐早上6點船去香港,再轉機場巴士去香港機場。乘坐10:15國泰航機直飛日本東京成田機場,當地時間約下午3點半降落東京成田機場。預計乘坐5:00的Narita Express去新宿,7:00前到達酒店check-in。晚上遊覽涉谷。
澳門 >> 香港 >> 香港機場 >> 東京成田機場 >> 新宿 >> 涉谷 >> 酒店
行程重點:坐飛機,逛涉谷
午餐:飛機餐
晚餐:涉谷
交通:澳門至香港船票【MOP160】+機場巴士去香港機場【HK$40】+Narita Express套票【3,500yen】(包一張2,000yen JR儲值卡)+2程JR【300yen】
第2日(27/3,星期四)
早上7點起身,遊覽新宿御苑、明治神宮、代代木公園、原宿、六本木山。
酒店 >> 新宿御苑 >> 明治神宮 >> 代代木公園 >> 原宿、青山 >> 六本木山 >> 酒店
行程重點:新宿御苑賞櫻花,遊覽明治神宮、代代木公園,逛原宿竹下通、青山表參道,遊覽六本木山、朝日電視台多啦A夢部屋,Mori Tower睇夜景,毛利庭園夜賞櫻花
早餐:新宿
午餐:原宿
晚餐:六本木山
交通:1程JR+2程地鐵【約470yen】
入場:新宿御苑【200yen】+Mori Tower【1,500yen】
第3日(28/3,星期五)
早上7點起身,遊覽築地市場、迪士尼樂園,千島ケ淵公園夜賞櫻花。
酒店 >> 築地市場 >> 迪士尼樂園 >> 千島ケ淵公園 >> 酒店
行程重點:築地市場食魚生、逛市場,迪士尼樂園玩餐飽,千島ケ淵公園夜賞櫻花
早餐:築地市場
午餐:迪士尼公園內或附近
晚餐:千島ケ淵公園一帶
交通:預計坐2程JR+4程地鐵【約1,000yen】
入場:迪士尼樂園【5,800yen】
– 第3日和第4日使用地鐵2日券(980yen)
第4日(29/3,星期六)
早上7點起身,遊覽東京鐵塔、淺草、台場。
酒店 >> 東京鐵塔 >> 淺草 >> 台場 >> 酒店
行程重點:上東京鐵塔睇風景,遊覽淺草寺、仲見世通,坐觀光船,遊富士電視台、台場海濱公園
早餐:新宿
午餐:淺草
晚餐:台場
交通:4程地鐵【約540yen】+1程私鐵【約350yen】+1程觀光船【約1,500yen】
入場:東京鐵塔【820yen+600yen】
– 如時間充足可加遊皇居外苑
第5日(30/3,星期日)
早上7點起身,酒店check-out後將大件行李寄存酒店,然後坐小田急浪漫特快去箱根湯本,遊覽箱根,入住溫泉酒店浸溫泉。
酒店 >> 新宿駅 >> 箱根湯本 >> 小涌谷 >> 箱根町 >> 箱根關所遺跡資料館 >> 恩賜箱根公園 >> 杉並林木蔭 >> 箱根神社 >> 元箱根港 >> 蘆之湖海賊船 >> 桃源台 >> 強羅 >> 仙石原一之湯
行程重點:遊覽箱根湯本、箱根關所遺跡資料館、箱根神社、杉並林木蔭,恩賜箱根公園賞櫻花,乘坐海賊船遊覽蘆之湖,享受浸溫泉,享用酒店晚餐
早餐:浪漫特快車上便當
午餐:箱根
晚餐:仙石原一之湯
交通:箱根3日週遊券【5,500yen】+小田急浪漫特快列車票【850yen】
入場:用箱根3日週遊券各景點均有折(約1,000yen)
第6日(31/3,星期一)
早上7點起身,再浸多次溫泉後食完早餐check-out,然後再遊覽箱根其他景點,返回東京,夜晚遊覽新宿歌舞伎町。
仙石原一之湯 >> 玻璃之森 >> 小王子美術館箱 >> 大涌谷 >> 早雲山 >> 強羅公園 >> 彫刻之森 >> 小涌園 >> 箱根湯本 >> 新宿 >> 酒店check-in >> 歌舞伎町
行程重點:遊覽玻璃之森、小王子美術館箱、大涌谷火山口、強羅公園、彫刻之森,夜晚遊覽新宿歌舞伎町
早餐:仙石原一之湯
午餐:箱根
晚餐:新宿
交通:箱根3日週遊券+小田急浪漫特快列車票【850yen】
入場:用箱根3日週遊券各景點均有折(約3,500yen)
– 如果打算去御殿場outlet,可於下午坐巴士前往御殿場,shopping完後可選擇從御殿場直接坐巴士回新宿,亦可返回箱根坐電車回新宿
– 如果由箱根坐電車回新宿,若時間充足,可在小田原站下車,加遊小田原城
第7日(1/4,星期二)
早上7點起身,遊覽上野恩賜公園,上野、秋葉原、銀座、新宿Shopping。
酒店 >> 上野 >> 上野恩賜公園 >> 上野Ame橫 >> 秋葉原 >> 銀座 >> 新宿 >> 酒店
行程重點:上野恩賜公園賞櫻花,上野Ame橫買手信,秋葉原買電器,銀座買Burberry Blue Label,新宿行街、藥房掃貨
早餐:酒店
午餐:上野
晚餐:新宿
交通:1程JR+3程地鐵【約700yen】
第8日(2/4,星期三)
早上7點起身,早餐後酒店check-out,然後將行李寄存,再遊覽吉祥寺、池袋,下午3:00前坐機場巴士或Narita Express往成田機場,6:30坐飛機飛香港,再轉船回澳門。
酒店 >> 吉祥寺 >> 吉祥寺井之頭恩賜公園 >> 池袋 >> 新宿 >> 成田機場 >> 香港 >> 澳門
行程重點:吉祥寺井之頭恩賜公園賞櫻花,池袋Shopping
早餐:酒店
午餐:吉祥寺
晚餐:機上
交通:4程JR【約750yen】+機場巴士【3,000yen】+香港機場巴士【HK$40】+船票【HK$160】
開支預算
MOP
機票+酒店 7,400
機場稅+燃油附加費 610
交通費 1,890
入場費 1,000
早午晚餐+食野 2,600
總數(不包括買野) 13,500
計劃今次行程果嘅時候,睇左不計其數嘅Blog同埋討論區嘅POST,從佢地嘅經驗中得到好多有用嘅啟發同幫助,所以都要講聲多謝先(雖然好多都唔知佢地係乜水
另外,有幾個官方網站嘅資料對於今次行程planning都好有用,包括:
Narita Express時間表
http://www.jreast.co.jp/tc/nex/index.html
Airport Limousine機場巴士時間表
https://www.limousinebus.co.jp/
小田急旅遊服務中心(有服務中心位置、購買箱根周遊券的資料、浪漫特快時間表,以及預定浪漫特快指定席嘅e-mail地址)
http://www.odakyu.jp/chinese/center/index.html
箱根旅遊官方網站(有齊箱根的各項旅遊資料,包括各種旅遊地圖、各車站平面圖、各種交通工具路線圖、時間表等)
http://www.hakonenavi.jp/chinese/index.html
http://www.hakone-kankosen.co.jp/
箱根衛星地圖(由於箱根係山區,好多人對佢地形唔係太熟識,係計劃行程路線時可能較難掌握,而且由於好多溫泉酒店位置都比較偏,好多時都較難搵到準確位置,所以如何事先用衛星地圖睇清楚你想搵嘅地方嘅地形,知道附近有咩建築物同埋建築物形狀,咁搵起上黎就會易好多啦。)
http://www.mipang.com/places/6602/map
東京地鐵詳圖(如果旅遊書冇,可以print呢張)
http://www.tokyometro.jp/rosen/rosenzu/index.html
櫻花預報網站
http://www.rurubu.com/season/spring/sakura/
天氣預報網站
自由網社KKTravel.com(呢個係台灣一間專做自由行嘅旅行社整嘅網頁,對於自由行人士真係一個好正嘅有用網站。入面最正嘅地方係有齊主要酒店嘅地圖同埋相片,包括酒店各類房間嘅詳細照片。另外亦仲使用左大量照片,圖文並貿教你點由車站行去酒店。訂房前大可上去睇晒各酒店D房間,再搵間啱心水嘅黎住。出發前亦可睇清楚點去,咁就唔怕到時拖住行李搵唔到酒店啦。仲有,入面亦有一D介紹出外旅遊嘅基本知識,例如飛機點check-in,點過海關,點坐火車同巴士,點係酒店check-in等等…..睇完真係第一次出門都冇有怕…..)
http://www.kktravel.com/
人氣文章:
Klook / Kkday最新優惠碼
Agoda最新10%折扣代碼
Hotels.com最新折扣代碼
Trip.com最新優惠碼
永安旅遊最新推廣碼
樂天旅行最新住宿折扣券
樂天旅行最新租車折扣券
日本樂天市場最新優惠券
人氣文章:
Klook.com
如果喜歡這篇文章,請點個「讚」吧!
最新酒店、機票、旅遊商品及網購優惠碼
Agoda最新10%訂房優惠代碼
Hotels.com最新10%訂房折扣代碼
Expedia最新訂房折扣代碼
Trip.com最新訂房、機票折扣代碼
永安旅遊最新訂房、機票推廣碼
日本樂天旅行最新訂房、租車折扣券
最新Klook優惠碼 + KKday優惠碼
日本樂天市場最新購物折扣券與優惠情報
廣告
本站文章分類
最新訂房折扣代碼
訂房省錢攻略
網上預訂酒店教學
網上訂購機票教學
購買門票車票教學
日本自駕遊租車教學
韓國自駕遊教學
澳洲自駕遊教學
冰島自駕遊教學
旅遊資訊與攻略
旅行工具(上網卡、WiFi蛋、手機App)
各地酒店推介
我住過的酒店介紹與評價
我的遊記
網上購物
搜尋本站文章
↓ 點擊下圖下載Bic Camera優惠券 ↓


日本免費SIM卡:申請方法和使用情況分享
日本上網卡(SIM卡)使用情況分享與購買攻略
日本WiFi蛋:主要租機公司介紹和比較
日本免費無線WiFi網絡匯總
申請日本簽證:如何申請日本旅遊簽證