道後温泉係日本三大古溫泉之一，係四國最有名嘅溫泉鄉，我地今晚就係係呢度住一晚浸下溫泉。由金刀比羅宮去道後温泉大約140幾公里，行高速公路都要起碼兩個鐘先到。

金刀比羅宮座落係距離高松市只有30公里左右嘅琴平，佢最出名嘅地方係因為要行800級梯先至上到去，真係考你體力同毅力嘅地方。

今日會去兩個主要景點，一個係高松市內嘅名勝栗林公園，另一個係座落係香川縣琴平嘅四國著名景點金刀比羅宮，之後就會到四國名湯道後溫泉住返晚浸溫泉。

六日嘅自駕行程今日開始啦！今日主要係去睇下四國嗚門大橋下面嘅漩渦，呢個景點已經想去好耐，今次終於去到。另外，原訂計劃仲打算去埋淡路島上嘅あわじ花さじき公園睇花，不過可惜呢日落雨，而且仲係日本黃金週假期最後一日，攪到係阪神高速上塞左好耐車，最後唯有取消呢個景點。

雖然由澳門飛大阪嘅航班時間好正，上午11點幾起飛，下午3點幾到，不過過完海關再入到市區通常都已經係5點幾，冇咩時間再安排行程，所以第一日一般只留係酒店附近行下街。

到日本旅行大多數都是飛大阪，無法，皆因日本只有東京、大阪兩地有從澳門直飛的航班。對東京還有核幅射的心理陰影，所以更只剩大阪一個選擇。今年五月初搶到澳門航空飛大阪的平價機票，又到大阪去啦。不過這次大阪只作踏腳地，停留時間不多，旅程主要以四國、廣島為主。

離開昌德宮我地就返去明洞，打算再行多陣就坐酒店接駁巴士去首爾站坐火車到仁川機場。到首爾之後嘅第一餐食左鳳雛安東醬油粉絲雞 […]

黎到旅程最後一日，因為回程航班嘅時間係夜晚9點幾，所以今日仲有大半日時間可以用。今日主要行程係去昌德宮，而且仲會入去被列入為世界歷史文化遺產嘅昌德宮秘院。

上午去完廣藏市場同鷺梁津水產市場，下午嘅節目就係留係明洞shopping。鷺梁津水產市場夾係火車路軌同密封嘅行車公路之間 […]

今日嘅行程主要去行街市，包括係東大門附近嘅廣藏市場，同埋係江南汝矣島附近嘅鷺梁津水產市場。

係市政廳廣場參觀完韓國農品展之後，我地繼續今日嘅行程去梨大。因為附近路面交通都比較塞車，我地決定坐地鐵過去。本來以為地鐵站就係地面底下，但原來下面係1號線車站，而去梨大要坐嘅2號線車站要行一段頗遠嘅距離先到。

今日嘅行程都係上午遊景點，下午行街shopping。景點係位於市政廳廣場對面嘅德壽宮，雖然已經心裡有數德壽宮旁邊嘅石牆路紅葉已經落晒，但作為一個景點德壽宮都值得一去；而下午就會去年青人中意去行街shopping嘅梨大、宏大。

離開南山公園之後我地再去埋山下嘅南山谷韓國村，之後再去南大門市場同樂天百貨shopping，係冇諗過嘅情況下，今日竟然俾我地遇到一場初雪，對於未見過落雪嘅團友真係喜出望外。

今日嘅行程主要去南山公園睇紅葉，雖然南山係首爾欣賞紅葉嘅勝地，不過十一月中首爾嘅紅葉已經所剩無幾，但都仲有唔少靚景可以影返幾張靚相。我地住係明洞，自不然係選擇行過去坐南山腳嘅傾斜電梯上去南山纜車站，點知遇著電梯維修~_~。

離開景福宮我地下一站去仁寺洞，其實由景福宮步行10分鐘就可以去到仁寺洞，不過我地都選擇坐的士，冇跳表車費3000韓圜。

因為酒店答應今日為我地轉換另一間房，所以起身之後要執好行李準備搬房。今次旅行嘅行程安排得比較輕鬆，每日都係10點幾出發，只去一兩個地方。今日會先去土俗村食人參雞，然後去景福宮，下午就去仁寺洞。

我地到達首爾嘅時間啱啱係放工時間，所以入到市區都頗為塞車，用左差唔多個半鐘先到達明洞。最接近我地入住嘅Hotel Skypark Central Meongdong嘅機場巴士站係乙支路嘅Royal Hotel Euijiro 1(il)-ga站，落車行兩三分鐘就到酒店。

上次到首爾旅遊已經係接近四年前嘅事，今年再到首爾好大程度上係陪家人出遊。因為上次坐Air Macau零晨機去清晨機返嘅經歷實在太辛苦，所以今次決定打死都唔坐，改坐真航空，中午機去夜晚機返，唔洗捱眼訓咁辛苦。

八日七夜嘅第五次日本關西自由行呢日終於黎到尾聲啦，因為飛機起飛時間係下午四點半，所以都仲有半日時間可用。每次去大阪，last呢日嘅行程基本都係一樣，就係去黑門市場買生果返澳門，今次亦唔例外。

奈良縣吉野山係日本出名嘅賞櫻勝景，而且開花時間一向較遲，花期亦較長，所以今次計劃行程嘅時候，將吉野山放係倒數第二日先去。不過今年因為天氣早左轉暖，關西各地嘅櫻花普遍早左開花，就連吉野山嘅櫻花都早左好多日開。

遊完白川鄉起程去金沢啦。2010年係金沢住過一晚，所以今次唔打算住金沢，只係路過去兩個主要景點遊覽下就算。由白川鄉去金沢大約個半鐘左右，到金沢之後第一站去近江町市場。

因為關西嘅櫻花提早左開花，所以我地將原來計劃留係關西嘅其中三日時間改為去北陸，今日就離開京都向岐阜縣嘅高山市進發。京都同高山相距270公里，行高速公路都要三個半鐘頭先到。

京都係日本最多賞櫻地點嘅城市，如果係滿開期間，即使停留三、四日都唔嫌多。今日嘅行程重點選擇左三個較遲開花嘅京都櫻花名所，其他地方因為櫻花已經一早開晒，去都冇謂啦。