今次旅行係hea遊，所以行程好輕鬆，而今日全日只得一個節目，就係留喺小樽慢遊，其實主要就係行小樽堺町通，遊完小樽傍晚時份先坐火車返札幌。

二世古係北海道著名嘅滑雪勝地，所以今次旅程重點會去二世古，不過因為我哋唔識滑雪，興趣亦唔大，所以只係去滑雪場見識下，酒店亦唔係住喺滑雪場嘅渡假酒店，而係book咗一間二世古嘅溫泉旅館住一晚。

因為我哋怕凍嘅關係，喺咁天寒地凍嘅環境其實都唔多愿意周圍走，所以今日只係計劃去一個景點，就係北海道神宮。其實北海道神宮唔算係札幌嘅熱門景點，不過因為未見過白雪襯托下嘅日本神社，所以專登去睇睇。

同2009年果次去北海道一樣，今次都係過香港坐大韓航空經首爾轉機，無他，因為平，聖誕節旺季都係5千蚊有找，而且澳門亦冇機直飛北海道，不過因為零晨機，上次試過已經知道會好辛苦。

因為怕凍嘅關係，咁多年嚟都唔想去一D天寒地凍大雪紛飛嘅地方旅行，不過舊年聖誕節終於決定試一試，去咗北海道過一個白色聖誕，嘗試下踏雪嘅滋味。

嚟到行程最後一日，今日係下午三點機，不過冇打算再去景點啦，只係喺酒店訓晏D，食完早餐就坐機場巴士入去仁川機場。

短短三日嘅釜山行程今日就要結果啦，今日返首爾嘅KTX買咗下午四點半車飛，所以仲有六、七個鐘可以用，而今日嘅行程主要會去釜山另一個賞櫻熱點南川洞櫻花路。

由釜山嘅西部巴士總站去鎮海，車程大約個半鐘，沿途嘅公路旁邊種咗好多櫻花樹，而且越接近鎮海密度就越大。入到鎮海，大街小巷所見嘅都係櫻花，真係有D懷疑呢個城市除咗櫻花樹之外，仲有冇種其他樹木？！

今日係2015年4月1日，係為期十日嘅鎮海軍港節嘅第一日。今次首爾+釜山賞櫻之旅為嘅主要都係去鎮海睇櫻花，所以今日係今次旅程最重要嘅一日。

今日嘅行程主要會去一個未去過嘅首爾景點，就係北村韓屋村，其餘行程都係到處食嘢，包括土俗村人蔘雞、孔陵一隻雞同埋平安道豬腳。

今次去韓國嘅主要行程，係去釜山同鎮海睇櫻花，所以三月尾出發，一來想避開四月復活郵假期嘅人潮，二來三月尾四月頭預計係釜山櫻花滿開嘅時間。

除咗日本之外，韓國係第二個熱門嘅賞櫻地方。韓國雖然面積唔大，但南北地區櫻花嘅開花時間有一定差距，所以如果想喺短短七、八日嘅旅程中既睇到首爾盛開嘅櫻花，又見到釜山嘅櫻花滿開，真係有D難度。所以今年(2015年)復活節嘅韓國首爾+釜山賞櫻之旅，只能作出取捨。

每次大阪之旅嘅最後一日總係去黑門市場，感覺開始有D悶，不過都冇法，因為返澳門班機係下午2點機，朝早唔想太趕去較遠嘅景點，所以次次都係去黑門市場買D生果返去，希望下次改變一下啦。

上一篇講到係廣島縣世羅町遊覽左花夢之里同せらふじ園，仲係せらふじ園入面食埋田園燒烤。呢篇繼續睇埋食完午餐之後去嘅第三個景點世羅高原農場，同埋係岡山縣嘅和気町藤公園。

位於廣島縣東北部嘅世羅町有唔少種植花卉嘅觀光農場，雖然規模唔及北海道嘅富良野同美瑛，但都係一個賞花嘅好地方，我地今日嘅行程就係去呢度賞花。不過由於時間有限，我地只係選擇左去其中比較值得去嘅三個農場，之後會去埋隔離岡山縣嘅一個紫藤公園，然後係岡山縣嘅赤穗溫泉住一晚溫泉旅館。

上篇講到我地係海水退潮嘅時間黎到宮島嘅嚴島神社，所以可以行落去水退之後嘅海灘同大鳥居影相，影夠之後我地上返岸，準備入去嚴島神社裡面參觀啦。

到廣島最大嘅目的係想去遊覽日本三大景之一嘅宮島。宮島位於廣島西面，距離市中心大約只有20公里。從市中心有電車可以直接去到宮島對岸嘅宮島口渡輪碼頭，交通比自己開車仲方便，所以今日俾駕車休息一日，改坐電車。

由四國松山去廣島有兩種方法，第一種方法係行水路坐汽車渡輪由松山港到廣島港，第二種方法是行陸路經瀨戶內海上嘅西瀨戶自動車道到本州，再行山陽自動車道到廣島。基本上兩種方法用嘅時間差唔多，大約要2個半至3個鐘，而我地就選擇後者，從陸路行高速公路去廣島。

我地係四國只係停留短短兩日，今日會離開四國前往廣島。由松山去廣島市大約有180幾公里，中間會先去松山松，之後再到瀨戶內海上嘅大三島上嘅大三島藤公園睇下盛開嘅紫藤，最近先到廣島市內酒店Check-in。