《2009年初秋北海道自驾之旅》- 第五天(1) – 洞爷湖Silo展望台、276号国道、Niseko Panorama Line(二世古全景道路)、神仙沼
2009年9月30日(星期三),天晴,气温12~20度
湖畔亭嘅早餐系自助餐形式,同一般酒店早餐冇咩分别。食早餐之前当然系先再浸多次温泉啦。朝早男女汤倒转,所以今朝所浸嘅温泉同前一晚嘅唔同,不过其实设计大同小异。由于系日间,所以可以清楚睇到洞爷湖景色,一边浸温泉一边赏湖景都几写意架,只系可惜浸嘅人多左D。
酒店外嘅洞爷湖湖畔通
朝早嘅洞爷湖畔
洞爷湖畔嘅鸭仔船
今日要由洞爷湖去小樽,选择经过二世古,行走可以远眺羊蹄山嘅276号国道,以及出名嘅Niseko Panorama Line(二世古全景道路)。
今日嘅行车路线图,行车距离约170公里,由洞爷湖到小樽,唔计中途停留游览时间,行车时间大约3小时。
离开洞爷湖第一站先去位于230号国道傍嘅洞爷湖Silo展望台。
洞爷湖Silo展望台,居高临下可以睇晒成个洞爷湖。
276号国道由喜茂别町向羊蹄山嘅一段对正羊蹄山,开车时可以直望羊蹄山景色
国道沿途有好多停车位,可以落车影返张靓相。
位于京极町嘅名水之乡休息站
经过差唔多2个半钟(连停车休息影相),终于到二世古,呢座就系JR二世古駅附近嘅二世古大桥。
过左二世古大桥好快就进入Niseko Panorama Line(由二世古至岩内町嘅66号道道),即系沿途靓景嘅道路,可惜未有红叶,如果开晒红叶一定好靓。
Niseko Panorama Line主要系山路,又上又落,有好多段沿住个山“S”形行走。
行左几日车熊出没、鹿出没就未遇过,系呢度竟然遇到狐狸出没
Niseko Panorama Line上最出名嘅景点系神仙沼,之前准备左佢嘅map code,可惜部GPS冇入map code功能,而个电话number又系离景点十万八千里外嘅office,差D仲俾个GPS带左行回头路,好彩醒水及时睇地图确认先知唔对路,唔系真系又行多十几公里冤枉路。因为冇办法用GPS带路,所以沿途留意住路牌,好好彩又真系俾我地见到神仙沼。
神仙沼嘅停车场,就系正路边。
神仙沼由停车场对面嘅木板小路进入,要行约1公里,来回连影相起码需要1小时
神仙沼周围嘅地图,仲有一个长沼同大沼,不过要行好远。
未到神仙沼前先到呢片沼泽地,唔好以为佢就系神仙沼啊,仲有少少就到架啦,辛苦D行埋佢啦,唔系你会后悔架。
终于神仙沼啦
影返个招牌先. . .
成个旅程呢度系见到最多红叶嘅地方,如果再过多半个月黎,一定仲红仲靓。
回程时遇见一班内地黎嘅影友,今次去北海道遇到好多内地团同台湾团。
如果有心,可以每人捐100円,就当入场费。
离开神仙沼后,再经过10几分钟九曲十三弯嘅山路之后,终于落到岩内町嘅平地。可能山上山下落差太大,个耳仔都有D塞塞地,需要不断吞口水等佢通返。
待续. . . . . .
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!