----------

----------

2012年京阪之旅(Day 2[中篇] – 平安神宮、祇園)

離開二條城之後,仲未夠鐘食晏,於是決定去埋另一個之前未去過嘅景點 – 平安神宮。平安神宮位於東山區,只需要由二條城前駅坐地鐵5個站去東山駅,再行10分鐘左右就到架啦。

 

2012年京阪之旅Day 2_Pic36

 

係東山駅出左地鐵站之後,向右行會見到條叫白川嘅小溪,再沿住白川向北行大約800米左右,大約10分鐘時間就會到達平安神宮架啦。

2012年京阪之旅Day 2_Pic372012年京阪之旅Day 2_Pic38

 

途中有一排小烏居同一個袖珍神社,見幾得意影低佢。

2012年京阪之旅Day 2_Pic39

 

係白川盡頭,會見到呢個代表平安神宮入口嘅大烏居。

2012年京阪之旅Day 2_Pic40

 

再行多400幾米就到平安神宮啦。

2012年京阪之旅Day 2_Pic412012年京阪之旅Day 2_Pic422012年京阪之旅Day 2_Pic432012年京阪之旅Day 2_Pic44

 

入到神宮只係影左幾張相,個相機竟然自己熄機?驚訝 冇電!嚎啕大哭

 

入去平安神宮係免費架,不過如果要入埋去內苑,就要俾入場費。我地係門口裝過入去,發現內苑D櫻花完全未開,冇櫻花襯托只係一般日本園林,所以都係唔入去啦。

 

離開平安神宮嘅時候,已經係中午時份,係時候食飯啦,於是決定返去河原野搵食,順便返酒店為相機叉電。

 

係平安神宮前面嘅巴士站,有巴士可以去到河原町通,巴士站就係正酒店對面,好方便。不過上次領教過京都巴士迫人嘅慘況,今次都有D驚驚地目瞪口呆,好彩未係放工時間,都仲算OK。

 

記得係07年第一次去京都果陣,去左河原町通果間魚心壽司,食完之後真係覺得好正,所以今次都打算再去食一次,出發之前已經print左張10%折扣券帶埋去,不過原來折扣券係星期六日同假期係唔用得架,我地果日就係星期六,冇得用嚎啕大哭

 

魚心壽司河原町通店就係正我地間酒店Best Western Hotel Kyoto行出黎嘅路口對面,就係相中間建築物地下。

 

食完嘢先返酒店為部相機叉電,跟手就去左酒店隔離呢間Loft同樓上嘅Uniqlo京都分店shopping。

 

__________

 

係河原町通附近行到咁上下,開始出發去清水寺啦。今日係清水寺開放夜間參拜嘅第一日,雖然知道睇到櫻花嘅機會好微,但都要去睇下先心熄。

 

由於時間尚早,我地先沿住鴨川慢慢行去祇園,不過個天時雨時晴,有D掃興囉。

2012年京阪之旅Day 2_Pic452012年京阪之旅Day 2_Pic46

 

去到祇園啦,先係路邊呢間丹波屋買串燒小丸子食下。

2012年京阪之旅Day 2_Pic472012年京阪之旅Day 2_Pic48

 

經過花見小路通,因為之前去過三次,今次就唔入去啦。

2012年京阪之旅Day 2_Pic492012年京阪之旅Day 2_Pic50

 

先入去よーじや買D面油紙,超貴目瞪口呆,但唔知點解每次都會買我不知道

2012年京阪之旅Day 2_Pic51

 

To be continued……

如果喜歡這篇文章,請點個「讚」吧!

發佈留言

發佈留言必須填寫的電子郵件地址不會公開。

收到您的留言後,小弟會盡快回覆,您可以Bookmark本篇文章,方便之後回來查看回覆。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

如果喜歡這篇文章,請點個「讚」吧!