2012年京阪之旅(Day 5[下篇] – Osaka Station City、通天閣)

上回講到係黑門市場買左D士多啤梨返酒店試味，試完味抖左一陣，就開始出去行下啦。第一站先去梅田，主要係去大阪駅上面新開嘅shopping mall – Osaka Station City。不過都只係購物商場一個，對我冇乜吸引力。

 

係10樓有一個空日花園 – 風之廣場，聽講好似種左幾棵樓花，不過仲未開囉。

 

行左一陣之後我地就轉去梅田其他地方行下，首先去左梅田阪急百貨同新阪急酒店之間嘅新梅田食道街門口檔舖頭食章魚丸。間舖就位於食街入口，由大阪駅過左斑馬線就見到，好易搵。

 

08年黎嘅時候住梅田呢邊，所以發現左呢間好嘢，佢嘅章魚丸好好味架，食過都冇乜興趣去食道頓堀果D。

 

食完章魚丸跟住係阪急百貨行下，又買左少少手信。之後就轉去另一個未去過嘅地方 – 通天閣。坐地鐵去到動物園前駅落下，行10分鐘左右就到。

 

 

呢區幾乎間間食店都係食炸物，我地是旦搵左間試，不過味道麻麻地。

 

咁多人排隊唔通有好嘢？原來係等撘lift上去通天閣。

 

通天閣附近並唔係咁多舖頭啱行，所以好快行完。

 

由通天閣沿堺筋向北行大約一公里多D就係難波，而呢段路集中左好多售賣電子產品同動漫產品嘅店，叫做電電城，所以我地亦沿呢條路行返去心齋橋。

 

行到累坐低食個Donut先

 

電電城大約去到日本橋3個路口就完，再向北行就冇乜特別嘢睇，所以可以係呢個路口轉左入返去難波嘅步行街。

 

小弟至愛係日本嘅紅豆湯，雖然道頓堀嘅夫婦善哉並唔算係好味，起碼同京都果D相比差好遠，不過每次都忍唔住要試下試。

 

跟住之後嘅行程，又係係心齋橋行街shopping，冇乜特別嘢好寫。

 

Day 5 End…