上次到首爾旅遊已經係接近四年前嘅事，今年再到首爾好大程度上係陪家人出遊。因為上次坐Air Macau零晨機去清晨機返嘅經歷實在太辛苦，所以今次決定打死都唔坐，改坐真航空，中午機去夜晚機返，唔洗捱眼訓咁辛苦。

熊本與長崎之間被島原灣分隔，如果全程行陸路，就需要繞過島原灣兜路過去，如果唔想兜圈行冤枉路，就要行海路，從熊本港先坐渡輪到對岸嘅島原，再行較短嘅路到長崎。去日本自駕咁多次都仲未試過坐汽車渡輪，所以今次決定試下，除左可以行少D車程之外，仲可以當係行程中一個節目。

今日天氣麻麻，一大早就已經落雨，雖然雨勢時大時細，但全日都冇停過，仲由熊本落到去長崎，真係有D大掃興。

從阿蘇駅去阿蘇火山大約要再行半個鐘車程，離開阿蘇駅之後嘅上山路段兩旁種沒參天大樹，感覺好似將會進入一片森林。 &nbsp […]

今日會從湯布院前往熊本市，行車里程大約120公里，途中我地會前往兩個重要景點，一個係九重夢大吊橋，另一個係阿蘇火山，之後就會去到熊本市住宿。

遊覽完別府地獄之後，我地要離開別府去下一站湯布院啦。從別府去湯布院有高速公路連接，車程只需要50分鐘左右，超方便，而且高速公路路面寬闊，好好行。

今晚住宿嘅地點係湯布院溫泉，距離別府只需一個鐘車程，所以唔需要用咁多時間係交通上，可以有多D時間遊覽別府同湯布院嘅景點。

自駕行程由Day 2開始，呢日會先前往九州同本州之間距離最短嘅關門海峽旁邊嘅門司港，然後再前往別府溫泉，入住今次旅程嘅第 […]

九州係日本出現紅葉時間最遲嘅地區，一般係11月中左右，所以係2011年11月中嘅大假期間我地選擇左到九州。九州地方話細唔細，十日八日嘅時間冇可能行晒成個九州，所以我地只係選擇遊覽北九州地區，行程包括福岡、別府、湯布院、阿蘇火山、熊本同長崎。

到過台北咁多次，今日係第一次去北投浸溫泉。雖然從西門町坐捷運去北投都好方便，不過因為唔想拖住行李咁麻煩，所以今日check-out之後先將行李寄存係inHouse Hotel，等聽日中午返黎攞返再去機場。

上引水產分為幾個唔同區域，雖然地方都唔細，但係由於今日遊客實在太多，所以場內顯得非常之擠迫。一進入上引水產見到嘅係由好多個水池組成嘅活海鮮銷售區，不過呢度並唔係遊客重點參觀嘅地方，所以人唔算太多。

上引水產是最近台北一個好熱門嘅旅遊景點，今次到台北諗唔到有咩地方去，所以決定跟風都去一去呢度。呢日係端午節假期，我地安排係呢日去上引水產嘅決定真係有D錯誤，因為假日去真係超多人。

清境嘅主要景點，除左清境農場之外仲有位於國民賓館對面嘅小瑞士花園。我地離開香格里拉音樂城堡之後，係坐車返台中之前就順便去埋呢個景點睇睇。

我地係清境只會逗留一晚，今日打算去埋清境小瑞士花園就返去台北。本來諗住訓晏D食埋早餐先出去行下，但係身處鄉村地方個人特別容易早起。不過如果唔早D起身，咁靚嘅美景就未必睇得到啦。

睇完青青草原嘅綿羊秀之後，我地順路行過去觀山牧場。青青草原同觀山牧場唔係連埋一齊，所以先由南邊出口離開青青草原，再由觀山牧場北邊入口進入。

上回講到我地係香格里拉空中花園坐佢地嘅順風車去清境農場。清境全境都係山地，除左有一條沿山邊而建嘅公路之外，其餘都係山間小路，而且各處之間嘅距離絕對唔近。所以有架車會方便好多，如果唔係真係行都行死。

今日係呢次旅程嘅重頭戲，就係去清境。出發前一個星期呢度剛剛發生完6.3級地震，唔少專家話黎緊好大機會仲有餘震。呢個時候仲上去，真係有D搵命搏，不過為旅行唔怕死嘅人唔只得我地。

係酒店安頓好後，先到附近行一行。台中公園智選假日酒店距離台中火車站唔遠，步行10分鐘就到台中火車站附近嘅中正路一帶嘅商業購物區。

奈良縣吉野山係日本出名嘅賞櫻勝景，而且開花時間一向較遲，花期亦較長，所以今次計劃行程嘅時候，將吉野山放係倒數第二日先去。不過今年因為天氣早左轉暖，關西各地嘅櫻花普遍早左開花，就連吉野山嘅櫻花都早左好多日開。