----------

----------

2012年京阪之旅(Day 1 – 京都河原町)

今次已經係第四次踏足關西,本黎打算4月頭去睇櫻花架,不過因為工作關係,被迫提前左十日出發,最終京都賞櫻嘅心願都係冇辦法達成,睇怕都係要再去多一次啦。眨眼睛

 

今次行程只有六日時間,又懶得去plan,所以只打算係京都同大阪hea下,順便去有馬溫泉住返晚。歡樂派對 旅程開頭兩日我地會先係京都住兩晚,所以到左關西空港,我地就先坐JR直接去京都啦。

2012年京阪之旅Day 1_Pic01

 

由關西機場去京都嘅JR車飛係1,830円,不過我地今次好豪(其實係一時大意傻仔左嚎啕大哭),買埋指定席車飛,仲要係最貴果隻-Green Car,成2,390円一位架嚎啕大哭。如果大家下次都係打算由關西空港坐去京都,記住唔洗買指定席車飛,架火車有三卡係留俾普通車飛嘅乘客坐架,係關西空港上車一定會有位坐,唔好浪費金錢啦。

2012年京阪之旅Day 1_Pic05

 

呢架就係我地坐去京都嘅JR,Green Car只有一卡,咁貴座位當然舒服好多啦。戴太陽眼鏡

2012年京阪之旅Day 1_Pic022012年京阪之旅Day 1_Pic032012年京阪之旅Day 1_Pic04

 

我地今次係京都入住一間新開冇耐嘅酒店,叫Best Western Hotel Kyoto,洒店嘅資料我係呢篇住@京都Best Western Hotel Kyoto嘅文章度好詳細介紹左,大家可以參考參考。由於酒店位於河原町,所以去到京都駅之後仲要轉地鐵先可以去到。

 

唔知係唔係個天中意玩嘢,好多時去旅行都實有幾日落雨,而今日係地鐵站行出街個天就即刻落起大雨嚎啕大哭,攪到本來由地鐵站行去酒店只係400米左右嘅路程,行起上黎都有D狼狽。

2012年京阪之旅Day 1_Pic062012年京阪之旅Day 1_Pic07

 

係酒店Check-in完都已經7點,再加上落雨C濕,所以先係附近搵食。第一餐選擇左係酒店附近間一蘭拉麵食,呢間分店前年黎果陣仲未見有。

2012年京阪之旅Day 1_Pic082012年京阪之旅Day 1_Pic092012年京阪之旅Day 1_Pic10

 

食完麵出黎發覺把遮唔見左驚訝,睇怕都係俾人攞錯左啦,把遮係啱啱係FamilyMart買架,只係用左佢幾分鐘時間咋,咁快就要分手嚎啕大哭

 

由於天公不做美,我地都只可以係附近有瓦遮頭嘅步行街行下,主打係藥房掃藥。上幾次黎都已經發覺京都嘅藥房一般比大阪平,今次又撞正有一間做緊幾日Promo,全店九折,當然先入定貨先啦。

 

講開藥房,順便都講一講每次去日本都每日必飲嘅伊藤園綠茶,500ml支裝係便利店一般會賣120~150円,而係藥房通常係88円一支,有時仲會平到80円一支,所以每次開始自駕之前,我都必定會去藥房入定足夠成個自駕行程飲用嘅存貨。今次係京都呢間藥房,折左之後竟然只係70円一支,係咁耐以來買過最平嘅一次,超抵。

 

以下就係我地呢兩日行左好多次嘅寺町通步行街喇

2012年京阪之旅Day 1_Pic112012年京阪之旅Day 1_Pic122012年京阪之旅Day 1_Pic132012年京阪之旅Day 1_Pic152012年京阪之旅Day 1_Pic142012年京阪之旅Day 1_Pic162012年京阪之旅Day 1_Pic182012年京阪之旅Day 1_Pic17

 

最近睇仁醫,所以對坂本龍馬有左少少興趣,原來坂本龍馬遇刺身亡嘅近江屋旅館,就係位於河原町通,而家變左係……OK便利店驚訝,佢門口仲樹立左呢個紀念碑。

2012年京阪之旅Day 1_Pic202012年京阪之旅Day 1_Pic21

 

行到9點幾開始有D肚餓添開懷大笑(一蘭碗拉麵冇加底其實份量只係好少架),最後入左去若狹家食多碗魚生飯,食飽先至返酒店休息。

2012年京阪之旅Day 1_Pic222012年京阪之旅Day 1_Pic23

 

Day 1 End…

分享這篇文章:

讚好本Blog Facebook專頁

2 comments

  • Elsa

    我10月底出發去大阪6天自遊行。住大阪,但想去京都和奈良,著下和服行街食嘢。請問行程有咩好介紹?謝謝你

    • 如果6天行程主要都係去呢三個城市, 建議連續5晚都住大阪同一酒店, 咁樣既唔洗搬酒店咁辛苦, 又唔怕要check-in check-out浪費時間. 大阪酒店可以參考我呢篇文章嘅推介:
      https://www.travelclassroom.net/2010/09/part-1.html

      至於行程, 可以大致咁安排:
      day1 – 機場去大阪酒店check-in後在心齋橋附近行(如果住心齋橋), 如果係早機, 可以去大阪城
      day2 – 去大阪環球影城, 如果唔去影城, 改去大阪城同梅田
      day3 – 奈良, 遊覽奈良公園、春日大社、東大寺
      day4 – 京都, 坐地鐵到淀屋橋轉坐京阪本線去伏見稻荷大社,再去清水去,然後去祇園、河原町行街,夜晚返回大阪
      day4 – 京都, 坐地鐵到梅田轉坐阪急京都線去嵐山遊覽嵐山、天龍寺坐小火車,再坐京福電鐵北野線到北野白梅町轉巴士去金閣去, 然後坐巴士返回京都駅坐JR回大阪.
      day5 – 黑門市場, 坐南海電鐵去機場

      大阪除了行街shopping、環球影城和大阪城外,並沒有太多景點, 反而京都比較多, 如果你想更多時間在京都, 也可以改住京都. 京都酒店可以參考我呢篇文章嘅推介:
      https://www.travelclassroom.net/2010/09/part-1_25.html

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,如果您的留言沒有即時顯示出來,請重新載入本文網頁。)。 回答您留言所查詢的問題有時候需要一些時間研究,請耐心等待。另外,也希望您能夠讚好本Blog Facebook專頁,給我一點支持,謝謝。!

為了阻擋垃圾留言,張貼留言前,請先用阿拉伯數字輸入以下數學算式的答案。

分享這篇文章:

讚好本Blog Facebook專頁