《2009年初秋北海道自驾之旅》- 第一天(1) – 到著

2009年9月26日(星期六)，天晴，气温12~20度

快乐嘅时间过得特别快，九日北海道之旅话咁快就结束，真系好唔舍得。

今次因为要就假期，所以选择左系中秋+国庆嘅长假期到北海道，既非夏天花季，亦未到满山红叶嘅时候，对于旅程的确打左一D折扣，不过可以离开澳门，放低工作无忧无虑咁游山玩水，即使景色冇预期咁靓，亦已经好开心啦。

由于要坐26号零晨飞机，所以25号晚就要由澳门出发去香港机场。由澳门码头去香港机场码头嘅最后一班船系8:15pm开出，去到搅完登机手续都要再等两个几钟先上得机。

今次系第一次坐大韩航空，亦系第一次要转机，试过之后发觉原来坐零晨机+转机真系好辛苦，下次都系咪搅啦。

第一次坐有上层嘅飞机

Dinner食韩国泡饭

当地时间上午5点到达韩国仁川机场，人影都唔见多个。

候机大楼四楼有转机乘客嘅休息室

休息室有电脑可免费上网(每30分钟会重新boot机)

系仁川机场食嘅韩国早饭，好难食。

终于等到10: 10a .m.转机去北海道啦

飞机比原定时间早左D到达新千岁机场，不过排队入境就比预期时间长左好多。原来新千岁机场嘅国际航线出入境地方好细，只得两个登机闸口，入境柜位又好少，一有机到就打晒蛇饼。而且行李输送带亦只得一条，等行李都等左几个字时间。而最激气嘅系海关对行李检查得好严，全部喼要打开攞晒D嘢出黎check，差D仲想照埋X光，唔通觉得我地似毒品带家?

几经辛苦终于出左机场大堂，发现原来新千岁机场系好大架，ANA同JAL有专用嘅counter同登机闸口，而且数量仲好多添。

大堂中间位置系租车公司柜位，如果系机场攞车就系呢度办手续。

从入境大堂搭扶手电梯落一层就系JR火车站

坐JR去札幌只需要35分钟，自由席车票1040円，买票方法同地铁一样。

系札幌嘅第一晚book左入住札幌车站北口嘅Hotel Fino Sapporo (而家叫Best Western Hotel Fino Sapporo)，由札幌车站行去只需要2~3分钟。选择呢间酒店嘅主要原因系因为佢好近第二朝取车嘅Mazda Rent a Car嘅札幌站北口分店，只系1分钟路程(不过我地第二朝用左45分钟先揾到，想知点解留意第二天行程介绍啦)。

Hotel Fino Sapporo外面

酒店房间好企理，装修都好摩登，不过就细左D，打开一个喼之后都行唔到人。

由于坐零晨机再加上转机，所以去到札幌酒店时已经好眼训架啦，所以要先冲返个凉提下神先出得去玩。

札幌车站南口地标，左手边间ESTA好大好多嘢买架。

第一站到左呢间雪印

系雪印入面食左呢杯嘢，虽然几好味，不过要3千几円，实在太贵啦。

途经札幌时计台

到达大通公园

5点半已经天黑啦

灯光影照下嘅札幌电视塔. . . . . . . . . . .

其实札幌市中心地带并唔系太大，除左郊区之外，主要观光点同购物中心都系札幌车站至簿野一带，中间就系大通公园。札幌车站至大通公园之间主要有北海道旧道厅、时计台两处古蹟值得去睇，而大通公园亦系主要景点，不过其实并冇咩特别，只系普通公园一个，可能要等冬天有雪祭时先有返D睇头。主要嘅百货公司都集中系札幌车站南口，不过同东京、大阪比就差好多囉。

而簿野系另一处购物中心，游客主要系去狸小路商店街，就好似大阪嘅心斋桥一带，不过狸小路嘅规模就细好多，基本上冇咩值得行。

交通方面，由札幌站至薄野之间虽然有两个地铁站，一个系大通站，另一个系薄野站，但系由札幌站至薄野之间嘅距离其实好近，冇必要坐地铁。由札幌站行去大通公园大约10分钟左右，再行去簿野都系10分钟，所以坐地铁又上又落仲麻烦。

待续. . . . . .