《2009年初秋北海道自驾之旅》- 第一天(1) – 到著

2009926(星期六),天晴,气温12~20度

 

快乐嘅时间过得特别快,九日北海道之旅话咁快就结束,真系好唔舍得

 

今次因为要就假期,所以选择左系中秋+国庆嘅长假期到北海道,既非夏天花季,亦未到满山红叶嘅时候,对于旅程的确打左一D折扣,不过可以离开澳门,放低工作无忧无虑咁游山玩水,即使景色冇预期咁靓,亦已经好开心啦

 

由于要坐26号零晨飞机,所以25号晚就要由澳门出发去香港机场。由澳门码头去香港机场码头嘅最后一班船系8:15pm开出,去到搅完登机手续都要再等两个几钟先上得机。

 

今次系第一次坐大韩航空,亦系第一次要转机,试过之后发觉原来坐零晨机+转机真系好辛苦,下次都系咪搅啦。

 

第一次坐有上层嘅飞机

飞机上层

 

Dinner食韩国泡饭

飞机餐-韩国泡饭

 

当地时间上午5点到达韩国仁川机场,人影都唔见多个。

仁川机场-候机大楼

 

候机大楼四楼有转机乘客嘅休息室

仁川机场-休息站

 

休息室有电脑可免费上网(30分钟会重新boot)

仁川机场-免费上网

 

系仁川机场食嘅韩国早饭,好难食。

仁川机场-韩国餐

 

终于等到10: 10a .m.转机去北海道啦

仁川机场-闸口

 

飞机比原定时间早左D到达新千岁机场,不过排队入境就比预期时间长左好多。原来新千岁机场嘅国际航线出入境地方好细,只得两个登机闸口,入境柜位又好少,一有机到就打晒蛇饼。而且行李输送带亦只得一条,等行李都等左几个字时间。而最激气嘅系海关对行李检查得好严,全部喼要打开攞晒D嘢出黎check,差D仲想照埋X光,唔通觉得我地似毒品带家?

 

几经辛苦终于出左机场大堂,发现原来新千岁机场系好大架,ANAJAL有专用嘅counter同登机闸口,而且数量仲好多添。

 

大堂中间位置系租车公司柜位,如果系机场攞车就系呢度办手续。

新千岁机场-租车counter

 

从入境大堂搭扶手电梯落一层就系JR火车站

新千岁机场-JR站

 

JR去札幌只需要35分钟,自由席车票1040円,买票方法同地铁一样。

新千岁机场-JR售票机

 

系札幌嘅第一晚book左入住札幌车站北口嘅Hotel Fino Sapporo (而家叫Best Western Hotel Fino Sapporo),由札幌车站行去只需要2~3分钟。选择呢间酒店嘅主要原因系因为佢好近第二朝取车嘅Mazda Rent a Car嘅札幌站北口分店,只系1分钟路程(不过我地第二朝用左45分钟先揾到,想知点解留意第二天行程介绍啦)

 

Hotel Fino Sapporo外面

Hotel Fino

 

酒店房间好企理,装修都好摩登,不过就细左D,打开一个喼之后都行唔到人。

Hotel Fino房间

 

由于坐零晨机再加上转机,所以去到札幌酒店时已经好眼训架啦,所以要先冲返个凉提下神先出得去玩。

 

札幌车站南口地标,左手边间ESTA好大好多嘢买架。

札幌站南口

 

第一站到左呢间雪印

雪印-门口

 

系雪印入面食左呢杯嘢,虽然几好味,不过要3千几円,实在太贵啦。

雪印-雪糕

 

途经札幌时计台

札幌时计台

 

到达大通公园

大通公园1

 

5点半已经天黑啦

大通公园2

 

灯光影照下嘅札幌电视塔. . . . . . . . . . .

札幌电视塔

 

其实札幌市中心地带并唔系太大,除左郊区之外,主要观光点同购物中心都系札幌车站至簿野一带,中间就系大通公园。札幌车站至大通公园之间主要有北海道旧道厅、时计台两处古蹟值得去睇,而大通公园亦系主要景点,不过其实并冇咩特别,只系普通公园一个,可能要等冬天有雪祭时先有返D睇头。主要嘅百货公司都集中系札幌车站南口,不过同东京、大阪比就差好多囉。

 

而簿野系另一处购物中心,游客主要系去狸小路商店街,就好似大阪嘅心斋桥一带,不过狸小路嘅规模就细好多,基本上冇咩值得行。

 

交通方面,由札幌站至薄野之间虽然有两个地铁站,一个系大通站,另一个系薄野站,但系由札幌站至薄野之间嘅距离其实好近,冇必要坐地铁。由札幌站行去大通公园大约10分钟左右,再行去簿野都系10分钟,所以坐地铁又上又落仲麻烦。

 

待续. . . . . .

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share