《2009年初秋北海道自驾之旅》- 第七天(2) – 美瑛全景之路

美瑛駅以北就系另一条风景路线 – “全景之路

 

美瑛,尤其是系全景之路上嘅好多景点,都只系一D山丘甚至只系路边嘅名木(即系一棵树),所以唔会有电话number,只可以用Map Code黎导航,而偏偏我地架车嘅GPS冇输入Map Code嘅功能,所以系全景之路都来来回回行左好多回头路。

 

虽然路边不时有 一两 块指示牌,只可惜呢D指示牌指D唔指D,好多时一个路口有,跟住佢向前行到下一个路口时又冇再指示。经过一轮研究,后来发现个汽车导航地图上系有显示名木嘅位置,不过就要zoom到最大先有,所以都可以用手指click地图位置黎设置目的地。只可惜发现呢样嘢嘅时候,我地已经差唔多去晒要去嘅景点

 

全景之路上嘅第一个景点 亚斗梦之丘,位于237号国道旁边。

亚斗梦之丘1亚斗梦之丘2亚斗梦之丘3

 

Ken & Mary之木。如果揾唔到位置可以输入佢旁边果间店舖嘅电话number

Ken & Mary之木

 

北西之丘展望公园

北西之丘展望公园1北西之丘展望公园2北西之丘展望公园3

 

亲子之木. . . . .

亲子之木1亲子之木2

 

可能好多人见到上面呢两张相都会觉得有冇搅错呢,呢三棵睇落就黎枯死嘅树都算系名木?冇错,佢地的而且确真系!我自己都唔信,所以行左两次,第一次冇睇GPS因为冇Map Cod功能),去到以为唔系,跟住走人,之后发现地图上有亲子之木嘅名,咪用手指系地图上click落去等GPS带我地去,点不知去到又系呢度,而且睇真个地图真系显示我地就系亲子之木嘅位置。

 

其他名木. . . . .

全景之路1全景之路2

 

可能俾人太过渲染,所以对富良野同美瑛嘅风景抱有太大期望,只可惜最后都系感到失望。唔知系唔系季节唔啱,富良野同美瑛,尤其是系美瑛嘅田园景色,并唔系觉得好靓。

 

中午过后,个天开始转黑。所以系大约12点左右,我地离开美瑛,取道旭川行道央高速公路返回札幌。

 

由美瑛去旭川并唔太远,只需大约20分钟车程。我地先到旭川车站到此一游,顺便食埋午餐。

 

系旭川车站食左碗味道麻麻嘅旭川拉面

旭川拉面

 

食饱饱,系时候起程啦。

 

道央高速公路旭川鹰栖入口

道央高速公路1

 

上左高速公路冇几耐,个天终于落雨啦,仲越落越大。倾盘大雨之下只可以放慢行车速度,但系平均都有80 -90公里。原来行高速公路由旭川去札幌真系好快,系咁大雨嘅情况下都只系需要两小时就到。

 

雨中高速公路

道央高速公路2

 

本来谂住趁未够钟还车可以去埋札幌附近嘅羊之丘,可惜雨实在太大,所以决定取消个行程,先揸架车去Cross Hotel check-in先。

 

待续. . . . . .

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share