2012年京阪之旅(Day 3[下篇] – 神户三田Premium Outlet、有马温泉)

系酒店附近食埋早餐大约10点半左右就开车出发啦。按计划今日会先去位于有马温泉附近嘅神户三田Premium Outlet,然后再去有马温泉。照道理今日嘅时间系相当松动架,可以有大把时间系outlet慢慢行,之后仲可以系食晚饭前到有马温泉街游览,但系……因为自己一个错误决定,耽误左好多时间,最后唯有改动一下行程。

 

呢张就系今日嘅行车路线图(Click呢度可以系Google睇较大嘅地图)

5

 

由京都去三田,如果行高速公路只需要大约一个钟松D时间就到,我地10:30出发,应该系12点前就可以到达,不过路费要二千几円。为左悭返呢篇钱,我选择左唔行高速公路,以为有大把时间,结果去到接近两点先去到Outlet,用多成两个钟。

 

为左唔影响行Outlet嘅时间,唯有改变一下行程计划,将原先计划今日下午游览有马温泉街嘅行程,改为系听日上午先去。

 

其实系日本间间Premium Outlet都差唔多样,来来去去都系果D舖头,而且如果唔系撞正有大割引,价钱亦唔算系平。

2012Day-3_Pic14_thumb2

2012Day-3_Pic10_thumb32012Day-3_Pic11_thumb32012Day-3_Pic15_thumb22012Day-3_Pic12_thumb22012Day-3_Pic13_thumb22012Day-3_Pic16_thumb2

 

每间Premium Outlet都例牌有一个大食街,不过食店选择并唔多。

2012Day-3_Pic17_thumb2

 

今次选择食韩国石头锅饭。

2012Day-3_Pic19_thumb2

 

落完Order会俾呢旧嘢你,当你个餐准备好可以攞嘅时候佢就会响架啦。

2012Day-3_Pic18_thumb2

 

点解冇晒人嘅?原来D人走晒入去避雨,唔系,系迟雪先啱。咁嘅季节仲有雪落,真系奇怪,不过我地返黎之后日本出现左几日强风雪天气,京都好似都落左一场大雪,可能呢场雪系前奏。

2012Day-3_Pic20_thumb2

 

呢场雪都落得几大下,大家都即刻走人,我地都跟住走,怕佢再落落去会令到路面湿滑危险,但系一开车走人嘅时候佢又停晒,玩嘢惊讶

 

因为一时间太多车走,所以都塞左一阵先走到,今次决定行高速公路,虽然路程唔长,预计大约半个钟左右就会去到有马温泉。点知,上左高速公路行行下佢竟然……塞车!系咪又玩嘢惊讶?!

 

五点半左右终于到达有马温泉啦,我地今次住嘅温泉旅馆系有马温泉 御幸荘 花结び。(酒店嘅详细介绍请参考呢篇住@有马温泉 御幸荘 花结び)

image_thumb5

image_thumb2

 

因为将游览温泉街嘅行程改左系听日上午,所以今日只系留系温泉旅馆度hea下。其实系温泉旅馆都冇咩好做,都系例牌果几味:浸温泉+馆内行行企企周围睇下+享受一汨二食包嘅丰富晚餐,之后Enjoy下城市人冇几何嘅早睡早起。

 

image_thumb8image_thumb11image_thumb14

 

Day 3 End…

如果喜欢这篇文章,请点个“赞”吧!

发布留言

发布留言必须填写的电子邮件地址不会公开。

收到您的留言后,小弟会尽快回复,您可以Bookmark本篇文章,方便之后回来查看回复。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

如果喜欢这篇文章,请点个“赞”吧!