2012年巴黎、伦敦双城之旅 – Day 2：游览巴黎圣心堂

飞左13个钟终于到达法国巴黎戴高乐机场，由于时差关系，虽然系香港起飞嘅时间系半夜一点，但到达法国嘅时候都只系上午七点几，偷左六七个钟。

降落啦，清晨嘅巴黎睇落天气唔错，起码冇落雨啊。

因为只得我地一班机，入境旅客唔算多，又冇乜点问嘢，所以过海关都几快。

攞行李嘅地方比较迫少少

我地本黎计划先系入境大堂嘅information counter买定张Paris Museum Pass，不过入境大堂地方好细，旅客又多又迫，所以决定都系唔买住，去到景点先决定买唔买。

我地系巴黎住嘅酒店系巴黎歌剧院附近，坐机场巴士去最方便，见到呢个牌就系机场巴士RoissyBus嘅车站位置，车费每位10欧元，上车俾钱。

由两个车卡组成嘅长巴士，转弯好考司机功夫。车上面会有放行李嘅位置，但唔多，如果系比较后嘅站上车可能冇位放，要自己扶住行李。

由于朝早路上好少车，所以唔洗40分钟就到达位于巴黎歌剧院旁边嘅总站。

听讲巴黎嘅治安好差，估唔到一落巴士就见识到。系巴黎歌剧院周围有好多吉普赛女人聚集，一见有游客落车，就三四人一队咁围埋黎，其中一个扮系sell嘢，其他人就揾机会扒你D嘢，好彩我地发觉得快，不过佢地见失手之后都好淡定，当冇事咁行开就算，真系好猖狂，好彩佢地冇夹硬抢。

我地入住嘅Htel Cordelia Paris就系巴黎歌剧院附近，落左车行6-7分钟就到。

下面俾几张酒店嘅张片大家睇下，详细嘅介绍同住宿评价可以睇返呢篇《住@巴黎Hotel Cordelia Paris》。

由于时间太早仲未可以check-in，我地系酒店放低行李之后就先出去玩，第一站就去圣心堂(SACRÉ-CŒUR)。

巴黎嘅地铁站多数都冇扶手电梯，我地住果区虽然系巴黎主要购物区，但都只系个别地铁站出入口有扶手电梯或者升降机，可惜比较近我地酒店嘅出入口要行楼梯。

坐地铁之前先买返一set十张嘅地铁车票先，想睇下关于巴黎地铁车票嘅悭钱攻略同购票方法，可以参考呢篇《巴黎旅游交通费悭钱攻略：如何使用自助售票机购买地铁Ticket t+车票？》。

巴黎地铁站就好似防空洞一样，又长又窄。

圣心堂位于红磨坊对上嘅小山丘，从Anvers地铁站出口行出黎沿小路向上行就到，沿途全部都系卖纪念品嘅手信店。今日唔知系咪节日，系圣心堂周围超多人，自从今朝系巴黎歌剧院附近差D俾吉普赛人扒嘢之后，系巴黎一遇到吉普赛人同黑人都惊惊地。

圣心堂起系山丘上面，要行好多级楼梯先上到去，如果唔想行楼梯，山丘左边有缆车可以上去，可以用普通地铁车票入闸。

圣心堂外园有唔少黑人攞住纪念品用死缠难打嘅方式向游客兜售，好滋扰，虽然旁边就有警察，但系警察好似唔多理，好彩呢D人唔敢进入圣心堂范围，只要避开佢地入到圣心堂范围感觉就安全得多。除左呢D用滋扰方式兜售纪念品嘅黑人之外，圣心堂周围亦有唔少吉普赛女人，呢度佢地用嘅招数系扮募捐，其中一个女人攞住块牌扮向你募捐，旁边就有三四个系度伺机落手，惊惊。

系圣心堂可以望到巴黎全景，好靓。入去圣心堂唔需要俾钱，不过里面唔可以影相。

今日可能系D咪节日日子，系圣心堂周围有个市集，有好多法国食品。

系巴黎第一餐就系圣心堂出面食法国生蠔，正。

仲有法国香肠包

从圣心堂返酒店之后已经可以check-in，安顿好就系附近嘅春天百货同老佛爷百货行下。

系春天百货屋顶有个展望台，免费开放俾人上去，呢度楼层虽然唔高，但系由于巴黎D楼只系得几层高，所以都可以睇到巴黎全景。

系老佛爷百货Lafayette Gourmet有个好大嘅超市，我地呢几日饮嘅水同日用品都系呢度买，而且超市里面仲有供应食物嘅食店，今晚呢餐就系度食左餐法国海鲜。

– Day 2 完 –

Related posts:

• 伦敦通行证(London Pass)： 伦敦自由行必买！ – 如何购买伦敦通行证 (内附最新折扣代码)
• 伦敦旅游交通费悭钱攻略：应该购买 Oyster 还是 Travelcard？
• 伦敦景点门票“两人同行一人价钱” (London Travelcard 2FOR1 Offers)
• 巴黎旅游交通费悭钱攻略：如何使用自助售票机购买地铁Ticket t+车票？
• 游巴黎，Paris Pass与Museum Pass哪种更省钱？
• 如何购买欧洲之星(EuroStar)车票
• 住@巴黎Hotel Cordelia Paris
• 住@伦敦St Ermin’s Hotel – MGallery Collection
• 伦敦酒店推介
• 伦敦免费WiFi网络
• 2012年巴黎、伦敦双城之旅 – Day 1：飞向巴黎
• 2012年巴黎、伦敦双城之旅 – Day 3：巴黎圣母院、罗浮宫、凯旋门
• 2012年巴黎、伦敦双城之旅 – Day 4：凡尔赛宫、艾菲尔铁塔、塞纳河游船河
• 2012年巴黎、伦敦双城之旅 – Day 5：巴黎老佛爷百货扫货
• 2012年巴黎、伦敦双城之旅 – Day 6：坐欧洲之星巴黎到伦敦
• 2012年巴黎、伦敦双城之旅 – Day 7：尽用London Pass，一天游览西敏寺、泰晤士河、伦敦塔
• 2012年巴黎、伦敦双城之旅 – Day 8：圣保罗大教堂、Covent Garden
• 2012年巴黎、伦敦双城之旅 – Day 9：白金汉宫看禁卫军换更
• 2012年巴黎、伦敦双城之旅 – Day 10：大英博物馆