好快又到左旅程最后一日，今日又系好晏起身。虽然丹迪旅店有包早餐，不过我地今日要去食小笼包，所以唔系旅店食。我地先搅左check-out，将行李寄存同埋拜托旅店帮我地接收李仪饼店送黎嘅手信之后，就由丹迪旅店直接坐的士去永康街鼎泰丰。

去到西门町都系食下继光鸡、阿宗面线呢D小食，跟住又周围行下咁。不过因为雨太大，唔系咁想系条街行，所以选择左去戏院睇返套戏。

因为系山上而且又落雨嘅关系，呢一晚训得好舒服，训左足足12小时。因为寻晚领教过佢嘅食物，所以今朝都唔敢再去食旅馆嘅早餐。起身之后再浸多次温泉，大约11点就check-out走人。因为未食早餐，所以返到乌来老街之后，我地先去揾地方食嘢。按照旅游书介绍，我地去左泰雅婆婆美食店。

打完电话去旅馆之后5分钟，三好米温泉会馆架私家车就黎到约定地点接我地，架车车身有三好米字眼，好易认得出。 三好米温泉会馆座落系山上嘅环山路旁，可以居高临下望见南势溪，由乌来老街坐车去只需大约5分钟车程。

勇士广场就系乌来南势溪旁边，对岸就系乌来瀑布，而瀑布上面嘅山顶就系云仙乐园。勇士广场地方好细，系呢度唯一景点就系睇乌来瀑布，可能因为有雨落，所以瀑布水量都几丰富，几有气势。

从乌来公共汽车总站向前行大约150米就系乌来老街入口，街口有一间全家便利店。由全家便利店转入去，过左呢条桥就系乌来老街啦。乌来老街大约只有100米左右，街道两边集中左好多食店、小食档、手信店同埋平价温泉旅馆。

今日会由台北去乌来，因为唔洗赶时间，所以打算11点先chech-out。丹迪旅店嘅房租系包埋早餐架，所以起身之后先落地下饭厅食早餐。早餐系自助餐形式，不过食物只有几款，味道过得去咁啦。因为第三晚会再返丹迪旅店住多晚，所以我地将大件行李寄存系旅店，只带少少嘢入去乌来。

今年以黎最中意嘅电影系阿凡达，只可惜澳门冇3D影院，只系睇左2D。所以今次到台北其中一个节目就系去睇返次阿凡达3D。上网揾过资料，原来台北美丽华影城嘅iMax影院系东南亚最大嘅，所以一于就去见识下。

介绍完酒店，系时候写返第一日嘅行程。我地将行李寄存系旅店之后，就即刻出发去食午餐。之前睇天气报告话台北有雨，但系呢一日就不知几好天，仲有太阳添，以为好正啦，点知之后就. . . . .日日落雨。

由澳门去台北唔洗两小时机程，因为当时冇其他机降落，冇其他旅客争，所以话咁快就入左境，可以即时去坐机场巴士入市区。因为要系台北车站坐的士去丹迪旅店，所以今次都系选择坐国光巴士。虽然由桃园机场去台北车站嘅机场巴士会驶经丹迪旅店中山店附近，不过因为唔系咁熟路，为免麻烦所以都系选择去到台北车站总站落车。