----------

----------

《2010年新春台北之旅》- 第一天(4) – 美麗華影城

今年以黎最中意嘅電影係阿凡達,只可惜澳門冇3D影院,只係睇左2D。所以今次到台北其中一個節目就係去睇返次阿凡達3D。上網搵過資料,原來台北美麗華影城iMax影院係東南亞最大嘅,所以一於就去見識下

 

台北嘅戲院都可以網上訂飛,所以出發前係澳門上網訂左先,我地去睇果晚係214情人節,又係大年初一,而且我地要訂嘅係iMax影院,只有300幾個座位,所以好多人爭位。上美麗華影城網頁睇過原來210日下午6點開始就可以訂214開始嘅戲飛,所以果晚一返屋企就即刻上網book,但係都係慢左,好位冇晒,只訂到前面第四行嘅座位。因為係iMax又係3D,所以戲飛嘅價錢都貴好多,要NT$420一張,另外加收網上訂票費用每張NT$20,不過計埋都平過香港。

 

係網上訂戲飛好簡單,以下介紹一下訂美麗華影城戲飛嘅方法俾有興趣嘅朋友參考。

首先去佢線上訂票網頁,可以先查詢場次以及查詢票價。要訂飛就click立即訂票icon,跟住選擇戲院,要留意只有美麗華大直影城以及“iMax影廳先係位於美麗華百樂園(即係有摩天輪果度),而美麗華天母影城係位於另一個地方架。

 

選擇戲院之後就可以選擇要睇嘅戲名(如果係3D,戲名隔離會顯示3D字樣),然後再選擇場次,之後係跟住個畫面選擇非會員登入(好似只有台灣人先可以登記做會員),然後係全票度選擇人數(如果你有優待券就係優待券度選擇人數)。之後再click“下一頁,等一陣會顯示座位表(如果冇咁應該係你電腦冇安裝Java),系統會同你自動選擇最好嘅座位,用藍色顯示,如果唔中意可以用mouse點走佢,再自己選擇座位,會以綠色顯示。想係美麗華iMax影院選擇個靚位,可以參考呢個網頁:美麗華大直影城IMAX座位表解析

 

確定之後再click“下一頁,然後輸入你嘅email、姓名、手機號碼、信用卡號碼以及信用卡種類,並且點選我已經閱讀並同意前嘅方格,確定無誤後再click“立即訂票。之後會出現你已經成功訂票囉嘅頁面,將呢一頁print出來,去到售票處出示就可以正式買飛,不過要係開場40分前去到取票,否則訂票就會失效架啦。戲飛錢會係買飛時先至收,係唔會係你張卡度扣錢架。

 

ps: 其實訂票時填寫嘅全部個人資料,包括email、姓名、手機號碼、信用卡號碼,通通都可以亂寫架,系統一樣會顯示訂票成功

* * * * * * * * * *

 

美麗華百樂園係上兩次去台北時都有到過,當時捷運文線仲未開通,所以需要先坐捷運到劍潭站,再坐商場嘅接駁巴士到美麗華。而係09線開通之後,終於可以直接坐捷運去美麗華,唔需要轉巴士。不過由中山站出發,坐捷運到美麗華百樂園所在嘅劍南路站需要轉兩次車,先到台北車站轉一次,再到忠孝復興轉多一次,加加埋埋都需要30分鐘,同以前去劍潭站轉接駁巴士所用嘅時間差唔多。文係木柵線向北邊嘅內湖區嘅延申,所以一樣都係採用細車廂,同埋大部份路段都係架空。

 

美麗華百樂園就位於劍南路站隔離,出左車站行過馬路就係因為係年初一再加上情人節,所以人超多

劍南路站(1)劍南路站(2)劍南路站(3)

 

我地先搭扶手電梯直接上五樓嘅售票處,買之前係網上訂好嘅戲飛。買飛時可以再加D錢買埋有飲品同爆谷嘅套票

美麗華影城(1)美麗華影城(2)

 

因為仲未夠鐘,所以先係商埸行下,不過人太多,而且亦無乜特別舖頭好行。我地買左640果場阿凡達3D iMax戲飛,所以行到615就上去六樓嘅戲院入口攞爆谷同飲品,不過睇戲嘅人好多,排左好耐先攞到,好彩都冇遲入場

 

終於入得埸啦,入埸時工作人員會派發3D眼鏡,男女size唔同,走嘅時候工作人員會係門口收返。

 

我地雖然坐第四行嘅前排座位,不過個iMax銀幕真係超大,所以並無太大影響,亦唔覺得有死角位,全個銀幕都可以睇晒,而且真係好震撼。睇3D的確比2D正好多,不過睇得耐對眼真係幾辛苦,需要耐不耐休息一下

美麗華影城(3)美麗華影城(4)美麗華影城(5)

 

睇完阿凡達已經係九點幾,出到街發現正在雨,好彩早有準備帶左傘。回程我地選擇坐接駁巴士去劍潭站,先到士林夜市食完嘢,再返酒店。

士林夜市(1)士林夜市(2)士林夜市(3)士林夜市(4)士林夜市(5)

 

第一天行程完結

Related Posts Plugin for WordPress, Blogger...
《2010年新春台北之旅》- 第二天(1) - 前往烏來
《2010年新春台北之旅》- 第一天(3) - 度小月

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁