2014年环濑户内海自驾游(Day 6)上篇 – 广岛赏花行(上)：世罗町花梦之里芝樱、せらふじ园紫藤

位于广岛县东北部嘅世罗町有唔少种植花卉嘅观光农场，虽然规模唔及北海道嘅富良野同美瑛，但都系一个赏花嘅好地方，我地今日嘅行程就系去呢度赏花。不过由于时间有限，我地只系选择左去其中比较值得去嘅三个农场，之后会去埋隔离冈山县嘅一个紫藤公园，然后系冈山县嘅赤穗温泉住一晚温泉旅馆。

酒店附近揾早餐食唔系咁易，所以今朝系附近间星巴克搅掂。

计划行程嘅时候主要系世罗町观光协会嘅官方网站揾资料，选择左西日本最大嘅芝樱公园花梦の里、主要种植紫藤嘅せらふじ园，同埋世罗町最大嘅观光农场世罗高原农场，寻日系酒店见到嘅一本观光指南都推荐呢几个地方。

世罗町距离广岛市大约70公里，开车时间大约要一个半钟。

第一站首先黎到花梦の里 [GPS设定：电话0847-39-1734]

农场出面有免费停车场

沿斜坡行上去就系入口

入场费会根据开花状况而有所不同，满开嘅时候(大约系4月底)入场费系800円。

呢度就系花梦之里入口啦，睇落好简陋下。

因为已经过左芝樱盛开期，呢日开花状况只得4-5成，所以入场费只收600円。

同入场券上张相比较，呢日嘅开花状况似乎冇4成咁多，地上好多空位，不过就下镜头有D地方影落都觉得好似成片粉红色嘅。

离开花梦之里开两三个字车程就到下一个景点せらふじ园，呢度泊车同样系免费。[GPS设定：电话0847-22-0020]

せらふじ园入口

呢度嘅入场费要800円

せらふじ园主要系种紫藤，不过睇落去品种同前日系大三岛藤公园睇嘅有D唔同，同埋呢D嘅面积大D。

除左紫藤せらふじ园仲有种植一种叫牡丹樱嘅樱花，呢种樱花开花时间好似比较长，通常去到五月头都仲有花睇，不过我地黎到呢日系5月9号，只系见到满地花瓣同埋只得D叶嘅树，完全唔觉佢系樱花树囉。

虽然系咁，树上面仲有一D顽强嘅小花仲未散落。

行完两个景点之后已经黎到中午要食晏嘅时候啦，系せらふじ园里面有两间食堂，一个系以下呢间食一般和式饭面定食嘅食店。

另一间就系隔离呢间几有田园风味食烧烤嘅食堂

揾个位坐底之后，就可以去呢度买你想食嘅食材返去烧。食材虽然只有日文，但睇D日文汉字基本都知系D乜，内类有牛、猪同鸡，另外仲有野菜。

系呢度碗碟、筷子同饮用水都系自己动手出去攞嘅。

仲有最紧要攞呢张围巾围住上身，如果唔系烧野食果阵D汁会弹到成件衫都系架。

买好食材之后有工作人员会帮你开呢个炉

我地买左牛肉、鸡肉同田园蔬菜，唔好睇个样冇乜特别，食落真系超好味，肉同菜都好好食。

食完之后记得要自己执好D垃圾同埋分类放入去佢地应该去嘅收集箱啊

最后再系隔离食堂买左个软雪糕做饭后甜品

– Day 6 未完，待续 –

返回游记主目录 >> 2014年环濑户内海自驾游 – 序章

↓ 在Google地图上查看今日行车路线和景点 ↓

往年日本关西游记：

• 2013年日本关西、北陆赏樱自驾游
• 2012年京阪之旅
• 2008年秋季京阪神红叶＋白浜温泉之旅
• 2007年大阪、京都五天自由行