2007年台北、垦丁、高雄八天自由行(经验小贴士&有用网址)
小贴士:
(1) [必备物品] – 暑假去台湾真系好热好晒,一定要带防晒、太阳帽、补湿、雨伞、蚊怕水(如果去九份同十分)。
(2) [换钱问题] – 换台币最好系澳门银行或者兑换店换,去到台湾机场同银行既兑换价都低过澳门架,港币换台币只有4.08~4.09,系澳门换一般都有4.15以上。
(3) [买Package] – 买Package要留意搭边班机,因为Package限定几班机俾你选择,最早一班都系12:10,所以要尽量拣到有果班先买,唔系就冇左半日架啦,另外回程一定要拣夜晚果班,咁先可以有多d时间玩。
(4) [捷运悠游卡] – 如果系台北有2~3日时间,最好去捷运车站既询问处买返张悠游卡,一来每次搭车有折扣,二来唔洗次次买飞咁麻烦,一张卡NT$500,用唔晒可以退钱。
(5) [瑞芳火车票] – 由台北车站开出既火车一般都好full,如果打算去九份最好先去台铁售票处(5号窗)预先买定飞,买到有座位既果日先去,如果唔系可以要企9个字。
(6) [开门时间] – 台北好多景点都系星期一休息,而且好多舖头会系朝早11点之后先开门,plan行程果阵要留意。
(7) [台北101] – 上台北101大厦最好夜晚去,日头个景唔靓,夜景靓好多。
(8) [台北必食推介] – 阿宗面线(西门町),红豆牛奶绵冰(士林夜市),鼎泰丰食小笼包(永华街或忠孝敦化站附近),度小月担担面(忠孝敦化站附近),东区粉圆(忠孝敦化站附近),可口鱼丸(淡水老街),张记传统鱼丸(九份旧道口),旧道口牛肉面(九份旧道口)
(9) [高雄去垦丁交通] – 由高雄去垦丁一般旅游书都介绍坐巴士,车费NT$350,不过坐巴士要用2.5至3小时,所以最好选搭的士,只需1.5小时车程,不过要搭黄色果种,因为有牌,车费通常NT$300~NT$400,睇架车新定旧,一架车要齐4人先开。
(10) [垦丁民宿订房] – 台湾既民宿一般要求订房时汇款去指定帐户落订,但从澳门汇款去台湾一般要收成200几蚊手续费,好唔花算;其实你可以email去你想住既果间民宿度,同佢讲清楚你既行程同汇款麻烦等问题,要求佢同你留住间房,通常佢地都会OK。
(11) [游垦丁景点] – 垦丁每个景点之间既距离都好远,而且垦丁街车(公共汽车)班次好少,所以通常d人都系租电自行车,不过由一个地方去另一个地方用电自行车都要行半个钟,大热天时分分钟会中暑;另一个游览既方法可以参加当地既半天团,一般有上午同下午两个团,上午团费用NT$450,去出火奇观、佳乐水风景区、风吹海、龙磐公园、鹅銮鼻公园、船帆石,下午团费用NT$350,去海洋生物馆、猫鼻头公园、关山落日,参加晒上下午团基本去晒垦丁主要景点,不过记住唔会join全日团,join两个半日团抵d,因为全日团包埋午餐,但唔好食架,而且join半日团佢会车埋你返酒店门口,可以中午休息下。
有用网址:
香港讨论区:http://www16.discuss.com.hk/forumdisplay.php?fid=438&page=1
台湾talker – 香港人的台湾旅游指南:http://www.taiwantalker.com/index.php
背包客栈自助旅行论坛:http://www.backpackers.com.tw/forum/index.php?c=11#11
大台湾旅游网:http://www.travel-web.com.tw/
大台北旅游网http://taipei.travel-web.com.tw/
CTIN 台湾旅游联盟:http://travel.network.com.tw/
饭店订房网:http://www.ezhotel.com.tw/
垦丁玩易网:http://www.fun-ez.com/
悠游垦丁:http://uukt.com.tw/
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!