----------

----------

《2009年初秋北海道自駕之旅》- 第五天(1) – 洞爺湖Silo展望台、276號國道、Niseko Panorama Line(二世古全景道路)、神仙沼

2009930(星期三)天晴,氣溫12~20

 

湖畔亭嘅早餐係自助餐形式,同一般酒店早餐冇咩分別。食早餐之前當然係先再浸多次溫泉啦。朝早男女湯倒轉,所以今朝所浸嘅溫泉同前一晚嘅唔同,不過其實設計大同小異。由於係日間,所以可以清楚睇到洞爺湖景色,一邊浸溫泉一邊賞湖景都幾寫意架,只係可惜浸嘅人多左D

 

酒店外嘅洞爺湖湖畔通

洞爺湖5

 

朝早嘅洞爺湖畔

洞爺湖6

 

洞爺湖畔嘅鴨仔船

洞爺湖7

 

今日要由洞爺湖去小樽,選擇經過二世古,行走可以遠眺羊蹄山嘅276號國道,以及出名嘅Niseko Panorama Line(二世古全景道路)

 

今日嘅行車路線圖,行車距離約170公里,由洞爺湖到小樽,唔計中途停留遊覽時間,行車時間大約3小時。

Day 5行車路線圖

 

離開洞爺湖第一站先去位於230號國道傍嘅洞爺湖Silo展望台。

 

洞爺湖Silo展望台,居高臨下可以睇晒成個洞爺湖。

洞爺湖Silo展望台

 

276號國道由喜茂別町向羊蹄山嘅一段對正羊蹄山,開車時可以直望羊蹄山景色

276號國道1

 

國道沿途有好多停車位,可以落車影返張靚相。

276號國道2

 

位於京極町嘅名水之鄉休息站

名水之鄉休息站

 

經過差唔多2個半鐘(連停車休息影相),終於到二世古,呢座就係JR二世古駅附近嘅二世古大橋。

二世古大橋

 

過左二世古大橋好快就進入Niseko Panorama Line(由二世古至岩內町嘅66號道道),即係沿途靚景嘅道路,可惜未有紅葉,如果開晒紅葉一定好靚。

Niseko Panorama Line1

 

Niseko Panorama Line主要係山路,又上又落,有好多段沿住個山“S”形行走。

 

行左幾日車熊出沒、鹿出沒就未遇過,係呢度竟然遇到狐狸出沒

Niseko Panorama Line2

 

Niseko Panorama Line上最出名嘅景點係神仙沼,之前準備左佢嘅map code,可惜部GPS冇入map code功能,而個電話number又係離景點十萬八千里外嘅office,差D仲俾個GPS帶左行回頭路,好彩醒水及時睇地圖確認先知唔對路,唔係真係又行多十幾公里冤枉路因為冇辦法用GPS帶路,所以沿途留意住路牌,好好彩又真係俾我地見到神仙沼。

 

神仙沼嘅停車場,就係正路邊。

神仙沼1

 

神仙沼由停車場對面嘅木板小路進入,要行約1公里,來回連影相起碼需要1小時

神仙沼2

 

神仙沼周圍嘅地圖,仲有一個長沼同大沼,不過要行好遠。

神仙沼3

 

未到神仙沼前先到呢片沼澤地,唔好以為佢就係神仙沼啊,仲有少少就到架啦,辛苦D行埋佢啦,唔係你會後悔架。

神仙沼4

 

終於神仙沼啦

神仙沼5

 

影返個招牌先. . .

神仙沼6

 

成個旅程呢度係見到最多紅葉嘅地方,如果再過多半個月黎,一定仲紅仲靚。

神仙沼7

 

回程時遇見一班內地黎嘅影友,今次去北海道遇到好多內地團同台灣團。

神仙沼8

 

如果有心,可以每人捐100円,就當入場費。

神仙沼9

 

離開神仙沼後,再經過10幾分鐘九曲十三彎嘅山路之後,終於落到岩內町嘅平地。可能山上山下落差太大,個耳仔都有D塞塞地,需要不斷吞口水等佢通返。

 

待續. . . . . .

Related Posts Plugin for WordPress, Blogger...
《2009年初秋北海道自駕之旅》- 第五天(2) - 天然温泉 灯の湯 ドーミーインPREMIUM小樽、小樽運河、堺町通
《2009年初秋北海道自駕之旅》- 第四天(3) - 洞爺湖湖畔亭溫泉酒店

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁