----------

----------

《2009年初秋北海道自駕之旅》- 第五天(3) – 政壽司、小樽運河、天狗山

因為之前係LeTAO買嘅芝士蛋糕要放雪櫃,所以行完堺町通之後先回一回酒店先,放低蛋糕之後再出去食今晚dinner。聽講小樽嘅壽司出名,所以今晚決定去最出名嘅政壽司。

 

本來打算去位於壽司通嘅政壽司本店,不過開車經過時發現冇開門,所以轉移到位於小樽運河對面嘅分店。左手邊係出拔小路,右手邊就係政壽司。

小樽運河4

 

小樽運河對面嘅食街出拔小路

出拔小路

 

政壽司,行樓梯上去就係正門。

政壽司1

 

先來個響螺刺身,真係好爽好鮮甜. . .

政壽司2

 

再來一set壽司套餐,用料真係冇得頂,貴都值得。

政壽司3

 

之前買左本叫北海道自覽遊嘅旅遊書,裡面有唔少折扣券,其中有一張係小樽政壽司嘅九折券,又慳到成千

 

食飽飽再行返小樽運河取車,因為架車又泊係運河邊免費停車吉地。

小樽運河5

 

順道睇下小樽運河夜景

小樽運河6

 

九月尾十月頭北海道嘅天氣都仲未凍,夜晚氣溫都有18度,日間通常都有20度,如果出太陽仲會好熱添。

小樽運河7

 

入夜之後小樽都冇咩地方好去,所以決定去一去天狗山睇下小樽夜景,聽講小樽夜景係繼函館、札幌之後,北海道第三大夜景。係函館因為天氣關係睇唔到第一名嘅夜景,咁今晚睇到第三名都好啦。

 

由小樽運河開車去天狗山腳嘅纜車站唔洗15分鐘。同函館相比,天狗山纜車嘅規模真係細好多。上到山上觀景台亦冇咩設施,夜景亦屬一般之中嘅一般。

 

呢個就係從天狗山上望到嘅小樽夜景啦

小樽夜景

 

天狗山上面有個叫天狗之館嘅展覽館

天狗之館

 

第五天行程結束。

Related Posts Plugin for WordPress, Blogger...
《2009年初秋北海道自駕之旅》- 第六天(1) - 小樽三角市場、富良野
《2009年初秋北海道自駕之旅》- 第五天(2) - 天然温泉 灯の湯 ドーミーインPREMIUM小樽、小樽運河、堺町通

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁