2008年秋季京阪神红叶＋白浜温泉之旅（第七天） – 姬路城、神户

2008年12月1日
梅田 > 姬路 > 姬路城 > 神户 > 三宫、元町 > 神户港 > 大阪

今日既行程系先去参观世畀文化遗产姬路城，再去神户食神户牛和睇夜景。

去姬路坐JR特急要差唔多一个小时，单程车票好似要大约1,000円，所以用2,000円买返张一日关西JR-West Rail Pass用黎去姬路、神户，再返大阪有着数，可以节省差唔多三分之一车费。

 
呢张关西JR-West Rail Pass系买既时候要即时填上姓名、护照Number以及使用日期，所以最好等真正用果日先系车站既JR Counter购买，以免因临时改变行程而造成浪费。张飞唔可以拆出黎，入车站时唔系行入闸机，而系行傍边既通道，只需要俾工作人员睇下张卡就可以架啦。

坐一个钟车只系睇一个景点都几浪费时间架，不过话晒系日本著名景点，又系世畀文化遗产，都算值得。

 
由JR姬路駅望过去，远处个城就系姬路城，一直行10-15分钟就到架啦。

国宝姬路城，先系出面影返张先。

姬路城近镜

呢个系团体照指定影相地点

姬路城城门

姬路城主楼

姬路城主楼顶层

从姬路城顶层望出去既景色

参观姬路城需时两小时，我地由11点行到中午1点，参观完后就急急脚坐返JR去神户。点解咁急？因为赶住去食神户牛Lunch囉。听讲食神户牛系Lunch时间食会平过晚饭时间好多，所以我地都专登选择系中午去食。又系听人讲呢间叫Mouriya (神戸ステーキレストラン モーリヤ)既好好味，所以去到神户三宫站落车之后，就跟住地图去揾佢。

 
出左JR三宫駅沿三宫本通商店街或者Central St.向神户駅方向行，冇几耐就会见到呢个街口，前行50米 就到Mouriya架啦

Mouriya就系呢座大厦三楼

Mouriya店内，可能已经系下午2点几既关系，店内只得唔够10个食客，可以坐系度睇住厨师整俾我地食

Mouriya三宫店有个识讲国语既姐姐仔，所以唔洗鸡同鸭讲，经佢介绍，我地Order左两个Set，分别系唔同部位既神户牛，呢度就系两个Set加埋既份量黎架啦，唔好睇佢只得咁少啊，一个Set要成4,800円，所以呢餐食左9,600円，都算几豪架啦。

先黎个南瓜汤，好味

跟住个厨师会一边整一边俾你食，除左牛之外仲有几件配菜，之后仲有碗饭送埋架，不过份量真系唔足够囉。

呢餐食左差唔多一万円，不过觉得味道麻麻，而且又唔饱，唯有出去揾野食啦。神户一带都唔系太啱我地行，我地只系三宫、元町附近行下，去完中华街食左d小食，跟住就由元町駅坐一个站JR到神户港。去到神户港，发觉都系冇咩特别，又揾唔到啱食既野，所以系神户港影左几张神户夜景之后，决定返回大阪。

 
神户风景，随便影几张交差。

因为今晚系旅程last night，又因为中午果餐神户牛实在令人失望，所以返到大阪之后，我地决定到道顿堀既道乐蟹，食返餐好既。

 
上次去大阪时帮衬过道乐蟹，果次叫左Set网烧会席，可惜因为自己唔系太识点烧，整出黎唔系太好味。吸取左上次经验，今次决定叫一Set Sabu Sabu既，另外再叫烧好左既蟹脚，再加一Set蟹膏寿司，呢餐果然系……正！

 
先黎头盘…蟹刺身

Sabu Sabu…

呢份系另外order既网烧蟹脚

呢碗系用鐹底剩余物资煮成既蟹粥

呢份系蟹膏寿司，食到中途先记得影相。

最后仲有呢个绿茶雪糕

呢个系道顿堀桥对开既大屏幕，每隔一段时间就会由广告转为桥上即时实况，我地今次被安排坐二楼窗口，对正桥同屏幕，可以一边食野一边睇野。

呢餐食得好满意，而且都只系8千円。食完今次日本最后晚饭，系时候返酒店pack行李啦。