----------

----------

《2010年新春台北之旅》- 第二天(4) – 烏來三好米溫泉會館

打完電話去旅館之後5分鐘,三好米溫泉會館架私家車就黎到約定地點接我地,架車車身有三好米字眼,好易認得出。

三好米溫泉旅館(2)

 

三好米溫泉會館座落係山上嘅環山路旁,可以居高臨下望見南勢溪,由烏來老街坐車去只需大約5分鐘車程。

三好米溫泉旅館(1)三好米溫泉旅館(3)三好米溫泉旅館(7)三好米溫泉旅館(6)

 

去到旅館原來已經可以check-in,唔洗真係等到5點。因為我地係網上訂房,已經俾晒錢,所以去到只需要俾張e-mail printout佢就可以check-in。三好米嘅職員感覺上好似都係part-time,唔係咁專業,而旅館大堂裝修亦係麻煩,感覺有D老土。

三好米溫泉旅館(4)三好米溫泉旅館(5)

 

原來三好米真係做米架,仲每人送左一支佢地出產嘅玄米酵素,聽講話可以清腸胃咁話,不過試左一嗒超難飲

三好米溫泉旅館(17)

 

攪完手續之後佢會講解一次旅館設施以及一D要注意嘅事,跟住話俾我地知點去我地間房。客房係地下一層,由呢個入口行落去就係。

三好米溫泉旅館(8)三好米溫泉旅館(9)

 

入到房第一個感覺係間房好大,應該有成七、八百呎。除左一間大睡房之外,仲有日式起居室。

三好米溫泉旅館(10)三好米溫泉旅館(11)三好米溫泉旅館(12)

 

我地住呢間房叫和風雙人套房,係房入面有埋私人溫泉架,而且亦有一張石床,床下面有溫泉流過,暖暖地訓落去都幾得意,不過唔係咁舒服,所以只係訓下做意思. . . . . .

三好米溫泉旅館(13)三好米溫泉旅館(14)三好米溫泉旅館(15)三好米溫泉旅館(16)

 

雖然間房好大,裝修睇落又幾好,不過睇真D就會發現唔係好掂D裝修好求其,設施又舊又冇乜保養。總體黎講,間房除左大之外冇乜優點。

 

今次去烏來主要係去浸溫泉,所以先去試下佢個大池。三好米溫泉會館只有男女各一個公眾池,男湯係客房同一層,而女湯就係大堂reception隔離。

三好米溫泉旅館(18)

 

同日本一樣,浸溫泉都係要全裸架,不過就冇浴袍俾客人換,所以需要係溫泉嘅更衣室換衫。要浸溫泉先要到大堂問職員要一條儲物櫃鎖匙,跟住就可以打開溫泉更衣室嘅儲物櫃,除左衫就放入儲物櫃,而櫃入面亦有一條毛巾,用黎浸完溫泉後抺身。雖然同日本比仲係差好遠,不過都算OK囉。

三好米溫泉旅館(19)三好米溫泉旅館(20)

 

可能三好米溫泉會館都知道自己嘅餐飲質素好差,所以房租冇包晚餐,不過就有包埋早餐。本來我地想係浸完溫泉之後出去烏來老街食晚飯,如果要去老街就需要旅館車我地,而按照規矩,旅館只會免費車住客兩次,一次由老街去旅館check-in,另一次就係check-out之後車返出去老街。如果需要另外車出車入,來回一次需要額外俾NT$100,不過都冇所謂啦。只可惜係個天由下午開始就不停落雨,而且越落越大又冇停嘅跡象,所以最後只好打消出去食晚餐嘅念頭,改係旅館入面食。不過旅館只係提供一D固定嘅套餐,其實就只係碟頭飯加一碗湯再加一杯飲品,每份NT$250。以下係我要嘅饅魚飯,超難食!

三好米溫泉旅館(21)

 

求其食完餐飯之後唯有返入房聽下雨,今晚就早D訓,希望聽日好天。臨訓前又試下房入面嘅私人溫泉。

 

第二天行程完結

Related Posts Plugin for WordPress, Blogger...
《2010年新春台北之旅》- 第三天(1) - 烏來泰雅婆婆、五分埔shopping
《2010年新春台北之旅》- 第二天(3) - 烏來勇士廣場

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁